¹ Ba kuun,likan le mbwun a me ani bisaam bi me ku kel Nziem,li kel ne bo ba guluk. ² Me ata imbang mu nkwum a bo ne bo ba kel andi lileen munda Nziem,si bo maken ilo we. ³ Munda bo ba djimin we masong ma Nziem,ba kel ne ba sa masong ma bo ba ngako,si bo ba ilemfuk we mu masong ma Nziem. ⁴ Klistu akel ikwisi ke ma nsik munda isuu mud ndeso wo kwikile. ⁵ Munda Moyize ake swen munda ye tel masong mama fa ku ma nsik: Wun wo sa bilo bi mu bisal azing mu nked a mansik. ⁶ Si masong mama fa mu likwikil ma mwe bu: A liel we ku mukil a nze ne,na wo ku yul? Ikel iman likum le Klistu. ⁷ Na wo kimin ku bilungi? Ikel inemes Klistu ku lifhu. ⁸ Si nsik i mwe nki? Nda Nziem ikel mu nkwa bini,mu munwa nze ani mu mukil a nze. Bun bu kel nda Nziem yin yi limwala bis. ⁹ Munda kid ne nze fughun mu munwa,ne Yesu akel mfum ani nze mu ikwikil mu mukil a nze ne Nziem bo kiele Yesu ku lifhu,nze agu-guluk. ¹⁰ Munda mud a kwikile mu masong ku mbwun,si nde amwala nsia ye luguluk ku munwa. ¹¹ Kobun,mu nked a mikaan ba swen ne nde so wo kwikil ku kel nde a bol we nswen. ¹² Ikel we andi liswasan ku kel ba Yuda ani ba Gelek. Mfum nde wun mu mo,akel munda bise baso,akel mvwam ku kel bad bo baso baba mu yemene. ¹³ Munda mud nde muso wo yemene nkwum ye Nziem agu-guluk. ¹⁴ Isi kobun bo ba kwi mu iku mu yemen? Nde wun wu ba win kwikil bo,ani isi nki bo ba kwi mu ikwikil ko kel nde? Nde wun wu ban wun ywil ne nde amo? Isi nki bo ba ni ywili kid ne wu Balongok nde we? ¹⁵ Isi nki bo ba zwa bad baba ko longo kid ne baba twim we? Ba swen ne: Makol ma mud wun wo longo ngemb ani nsia mbwed,ma kel mama bwed. ¹⁶ Si bo baso ba ilemfuk we ku nsia mbwed. Izaya le mwe ne: Mfum,na nde wun wo kwikil mu nsia ye bis yi li twim? ¹⁷ Si likwikil li ya mu manda ma li ywile bis,ani man ma li ywile mu nda ye Klistu. ¹⁸ Si me mwe bu,bo ba ywil we? Kyi malong ma bo ma twe mu nto yo iso ani manda ma bo ti ku nsuk ye mukil. ¹⁹ Anghe koyan,Isayel,a yebe we ne Moyize amwe mud wo iso: Tsu me ako mubal mu impal ke bini munda ikel we kha li bad ani iko mpud ye bini mu nked a kha li bad lili wine mayel. ²⁰ Ani Esaya akel ngol a fhun,a mwe bu,me ayi imon mu nked bad ban baba wun saa ku nkel me. Me afi tshu ku kel ban baba win yemen ku nkel me. ²¹ Si mimi tel Isayel,nde le liel ne: Me bo ywil ma kuu ma me tsu lo liso nto ye kel bad baba wun lemfuko ani baba bamana manda.