¹ Li mu wol wun wu kel andi yuun mu likwikil,li mu semes we mu manda ma fwul nde. ² Nto nkim,mud ku mu ikal andi likwikil le idia bilo bio biso,si nto nkim,wun wu kel andi yuun,adia na mansa. ³ Wun wo dia bilo bio biso,akaan mu iku mushe wun wo wun dia bilo bio biso,ani wun wo wun dia bilo bio biso,akaan mu iku mu semes wun wo dia bilo bio biso.Munda Nziem a mu yem. ⁴ Nze kel na,nze wu kel mu isemes mud a isal wu kel ku makuu ma mud? Kid ne nde akel mikd to bwi,min mi tel mfum wo nde ngako. Si nde akal mikid,munda mfum akel wo ku kuu mu iku mu wa ngol. ⁵ Nto nkim,mud mu mo akwin ne akal ya nghe mud mukween, si nto nkim,mund mu nkim akwin ne ba kal tsu lo liso amon ne imbe. Mud nde muso akal mu iyab mu mantiemen ma nde ngako. ⁶ Wun wo tala matsu,ama tala munda mfum, si wun wo dia,adia munda mfum,munda nde afudul matond ku kel Nziem. Wun wo wun dia,akasa mbwun mu iwun dia munda mfum,afudulo si matond ku kel Nziem. ⁷ Munda mu mo we mu nked bis wo zighe na munda nde ngako,mud mu mo si afha we munda nde ngako. ⁸ Munda kid ne bis li kel mu izing,li zighe munda mfum,sid ne bis aka li fha,li fha si munda mfum. Kobun ansa bis aka li zing to aka li fha,li kel bad ba mfum. ⁹ Munda mu likan lin,Klistu bo fhi ani ibud zing mu mpil ne a bial mu mbal mo ku kel ban baba fhi ani ban baba kel ba mwe ¹⁰ Si nze,munda nki nze kel mu isemes mukuun a nze? Asi nze,munda nki nze kel mu ishe mukuun a nze? Munda bise baso li ku tsud ku nkul a mes ma isemes ma Nziem. ¹¹ Munda ba swen ne: "Me nkel mu lizing",bun bu mwe mfum," ma bwuu mo maso ma ya fukam ku nkul a me,manda mo maso ma limo bis ma wa likum ku kel Nziem. ¹² Kobun,mud ndeso mu nked bis,abi-yi yab nde ngako ku nkul a Nziem. ¹³ Kid ne lo,li kaan iku bisemese ban andi ban,si bis li tswisi ne,nto mud mu mo we ku mu ishil kia to mied ku kel mukuun a nde. ¹⁴ Me nzieb ne me nkel mu ikisi mu mfum Yesu,ne mud mu mo we ku mu ikal mubi munda nde ngako,kyili na wun wo mono ne bilo bio biso bi kel bibi bi. ¹⁵ Kid ne itsin idia ki kel ne mukuun a nze abwi ingieb-ingieb,kobun nze bud kal we mu lizol. Adus we mukuun a nze itsin idia munda Klistu afhi munda nde. ¹⁶ Kobun bini li wa we nzil ne bisal be bini bi bwed bi to be iko bil bad. ¹⁷ Munda imfum i Nziem ikel mu idia ani mu inwa, si masong,ngemb ani isse mu mpev a santu. ¹⁸ Munda nde wun wo selele Klistu mu mpil aso yin,iwa isse ku kel Nziem,ani ighan ku madis ma bad. ¹⁹ Kobun,li luuno bilo biwa ngemb ani bilo be wa inkes ku kel ban andi ban. ²⁰ Li kaan mu ibebes isal ke Nziem itsin idia,kobun bilo bio biso bi kel bibi bwed, si bi kel ku ibi munda mud wun wu kel mu iku bi dia,le to kia ku kel nde. ²¹ Ikel we ku ibwed mu idia misun,to mu inwa mal,to bilo bi nkim bibi kel ne mukuun a nze akel mu nswen. ²² Likwikil lin li kel a lo nze,li shim munda nze ani Nziem a nze. Lusakumun likal ku kel mud wun wo wun biwa mbi ye nde ngako,mu min me kide nde. ²³ Wun wu kel mu ma med, akel andi ifhu Kid ne nde di,munda mi fi we mu likwikil,si mio miso mi mi wun fa mu likwikil, mi kel masum.