¹ Mangul ma fi kun, mantiemen ma fi kun mu nked a bini? Kel we ne mu iwun kas mambwun ma bini,mama nwenese ma nud ma bini? ² Bini aka lisal masum si bini li kughuno we; Bini li dus,lizol bilo be ba kween,si bini li kwi we mu iku bi zwa,bini li kel mu manghul, mu manteden si bini li fughuno we,munda bini li luumo we. ³ Bini li luum si bini li zwa we, munda bini li luumo ku ibi,itsin ikwisi ma nzal ma bini. ⁴ Ba nduum li kel bini! bini li yeb we ne lizol le mukil li kel imbeen ku kel Nziem? Wun wu zwel ne akal nduu wo mukil,le to nde ngako mbeen wo Nziem. ⁵ Bini li kisi ne biswen bi mo mu nkama? Mpev ye lizol awi Nziem ku kel bis,a li wi ani mwaan a impal? ⁶ Kyi,nde awa liseles Lili lwidil ikio kin biswen bi mo ne: "Nziem akel tin ku kel bad ba lileen,si nde asemese bad ba ba mikimise. ⁷ Kobun bini li mulemfuko ku kel Nziem; li mu mee satana nde abad inaan ku kel bini. ⁸ Li baam mu nkwa Nziem,nde aya baam munkwa bini.Li wul makuu ma bini,bad ba masum; li wul si mikol mi bini,bad ba win maken. ⁹ Li mi yab minia mi bini,li kal mu lifhu ani mu ilil; Ishe i bini isob mu lifhu,isse i bini ifudu ngieb. ¹⁰ Li mikimis ku nkul a Mfum nde ali si-seen. ¹¹ Li mo we ma mabi ku kel ban ani ban,ba kuun.Wun wo mo ku ibi munda bikuun a nde,to wo semes mukuun a nde amwe ku ibi munda ngil akel si mu isemes ngil. kyi kid ne nze asemese ngil,nze kel we wo luuno ngil,si nze kel mu iku isemes. ¹² Na mu mo wo tswelese ngil ani iku isemes.Nde wun wu kwi mu igulus to idus si nze,nze kel na mu isemes mukween? ¹³ Ku kel bini tel li baba mo ne: "non-bu to mushu li kwe ku mbee yin,li sal iko kun mvul à mutshin,li ta inkid,lizi-zwa. ¹⁴ Bini ba li wun yaba nki bi bwa mushu! Munda lizing li bini li kel nki? Bini ba liwa liseles mu tel li tshi,ku ngwel Lili mini. ¹⁵ Si bini li ni mo ne,kid Nziem zwel,bis lizi-zing,bis li kid ilo ki to kini. ¹⁶ Si tel li bini li bi kumis mu mantiemen ma bini ma li leen.Ikel ku ibi mu iku bikimis kobun mu likum. ¹⁷ Wun wu yeb mu isal man ma kel mama bwed,si nde ama sala we, nde ya sel lisum.