1 Ba kuun ba me,mukaan ikal mu nked a bini ani bad ba fhun ne ba kal mu ilong munda bini li yeb ne bis ba lisemes ilud ngol. 2 Bis aka likid si ku ibi mu mpil a fhun,kid ne mud mumo akid we ku ibi mu imo,akel mud mu bwed mu ishim nud a nde mu iwun fha. 3 Kid ne bis li mukes munda mishi ku munwa munda nde a lemfuk ku kel bis,li kel si mu itswal nud a nde yo iso kons kun ku likwe bis. 4 Tal,nto maswa mama lwidil bi nen si mufeel wo ngol amu shini,na mud mutshi amu tswala mu lizol le capiteen. 5 Ifa imo si,lilim li kel ilo itshi si lo li sa li leen mu bilo bi nen,amon ne kal li mbaa li kwi muidiul musud wo mutshin. 6 Lilim si likel mbaa mo,li kel mukil wo bilo bi bi,lilim li kel mu nked a bilo bin bibi bebese nud yo iso,ani ikimis mbaa mu lizing le bad,lo ngako si li limise mbaa mu dun le bilungi. 7 Mutsin wo ba niam ani ba mwin bo baso ani ba mbil ban baba ko kwe dum mu maan ani ba mbil ba madia bad aka ba ba long. 8 Si lilim nto mud mu mo we kwi mu iku li long.ikel mbi mo yi ba win ku mu igheen,li wil ani madjin mama duso. 9 Mu nzil a lo bis li kel mu lisakumun Mfum Nziem Tad a bis,mu nzil a nde si bis li kel mu ilo bad ban ba sel Nziem mu ifanus i nde. 10 Mu munwa nde wun mu mo,lusakumun ani lusingul li fa muko mun. Ba kuun,bilo bin bi kaan mu ikal kobun. 11 Nto ye mwaan a mwil a kwi we mu ifudul mu mbal mo mania ani mama bwed ani mama nkel, ba kuun ba me. 12 Muti wo figue kwi mu ibud mbud ye olive to muti wo vinu kwi mu ibud mbud ye ba figue? Mania ma mungwa ma kwi we mu itisil mania ma bwed. 13 Na wun mu nked a bini wu kel maken to mayel? A suu bisal bi nde mu lizing li nde li bwed andi bi bwed bi nde mu maken. 14 Si kid ne li kel andi li leen mu mangwun ma bini,ma ntiemen ma imbeen mu iko idjwili,li kaan mu iku bi wa likum,li fhud we si ma mpia. 15 Maken man ma kel we mama fa ku yul,si mama nsi ntod yi,ma imud,ma satana. 16 Munda yan ya kel andi lileen li fha ma ntiemen ma manteden, maghan-maghan ani ma mpil mo maso ma bisal bi bi. 17 Maken ma ku yul,ma kel mama bwed,ma wa ngemb imbe,isa mbwun,ivus bad,ba nga ngieb ani ibud mbud yi mbwed akala we andi bifhu bi bi,iwun mo. 18 Ban baba wa ngemb ku kel ban baba zinghe mu nkwa bo mu ngemb.