¹ Ba kuun ba me,likwikil li bini ku kel mfum a bis wo likum Yesu Klistu,li kal nzil yi mbwed mu isuu bad. ² Ma mek kobun kid ne mud ikod mu imvuk ke bini ani mulwu wo wol ani iko ki ibwed ngako,ikod fudu mud mu mo wo munia, a bwed biko be mbyin. ³ Kid ne,nze tel nto kel wun wu bwed biko bi bwed,nze a mu liel ne: nze,bwa-nsi ya ya mbel ye imfum! Si kid ne nze liel Ku kel mud a munia: nze,kal kobun minyi (mikid) to bwa-nsi ya nghe ilo ke shile me makol! ⁴ Bini ba ngako li mwen we ne bini ya li keb bad? Li mwen we ku mikol mi bini ne mantiemen ma bini ma kel ma fha? ⁵ Li ywil,ba kuun ba me ba lizol: Nziem a pwen we bad ba munia ku madis ma mukil nde muso,munda nde akal mvwam mu likwikil ani mu izwa imfum i Nziem ke kenes nde ku kel ban baba mu zolo? ⁶ Si bini,li kel mu ishe mud a munia! Ikel we ba mvwam baso ban baba li nwenese bini mpas ani mu iku lifuun mu ma bolok ? ⁷ Kel bo ban baba li tuu manguum mu mankwum ma bwed ma likel a mo bini? ⁸ Kid ne bini li kwisi ngil ye ba mfum ba ntod, bun bu ba swen ne: <> nze kid ku ibwed. ⁹ Si kid ne bini li kab bad baba mo, nze kel mu isal lisum, nze ya bwi mu ngil amon ne wu dwis ma nsik. ¹⁰ Munda kons mud wu yeb ma ngil mo maso si nde sel lisum mu ngil mo,ya sel masum mu ma ngil mo maso. ¹¹ Kobun,wun wu mwe ne: Nze abud sal we induum,a mwe si ne: Nze adus we. Si ne nze induum sel we,si dwis mud,nze ya bebes ngil. ¹² Li mo ani iselel amon ne nze ba isemes ku nkul ye mangil. ¹³ Munda isemes ikel we andi ngieb ku kel wu wo win ngieb ku kel ba kween. Ngieb ikala ibyi ke isemes. ¹⁴ Ba kuun mfun nki ku kel mud mu imo ne me nkel andi likwikil,si bisal ilo we ,likwikil lin,li kwi mu iku igulusu? ¹⁵ Kid ne mukuun wun,baal to mukad ba kel nkwus,bilo be idia tsu lo liso bio we ¹⁶ Si mu mo mu nked bini le ba liel ne: Li kwe mu ngemb,li ko pumo li wu-wul! si bini li ba wi we bibi kel mfun mu nud a bo,mfun a yo nki? ¹⁷ Ikel kobun si mu likwikil: Kid ne lo likel we andi bisal,likel lo ngako li fha. ¹⁸ Si mud mu mo a mo ne: Nze,nze kel andi likwikil; si me nkel andi bisal. Nsu likwikil li nze Lili wine bisal,me ayi si-suu likwikil mu bisal bi me. ¹⁹ Nze akisi ne Nziem akel mu mo, nze kid ku ibwed; Ba diabul si aka ba kwikil,bo ba tshul. ²⁰ Nze zwel iyab, oh,mud a mpamb, ne likwikil li wine bisal likel Lili mpam. ²¹ Abalayam Tad a bis,ba mu swe we mu bisal, tel a wi nde mwaan a nde Izac ku mes wo imeng? ²² Nze ya mwen ne likwikil li nde li ghee mu bisal bi nde,mun mu bisal bi nde si likwikil Lili twe imbe-imbe. ²³ Kobun,ma ba swen ya ma kwi,Abalayam le kwikil ku kel Nziem, li ba mu mwen mud mu bwed,li ba kul mu iku muyemen nduu wo Nziem. ²⁴ Bini li mwen ne mud ba mu suu mu bisal,kel we na mu likwikil. ²⁵ Lahab,mukad a nduum,ba mu swi we nde si mu bisal bi nde,tel ayem nde ba nzis, nde le ba tisil mu nzil nkim? ²⁶ Bun bu kel nud ye win mwe a fhi,likwikil li win bisal si li kel li fha.