¹ Likal bad baba feen Nziem amon ne baan ba zolo nde ifhun. ² Li zighe mu lizol bun bo lizwel si Klistu bo biwi nde ngako ku kel bis. Nde akele kab ani iku biwa ,munda akal mananasi ma bwed ku kel Nziem. ³ Lizing le induum,nto ilo imo ibi to nzal ye iko laal ba kad ikwi we mu ikal mu nked a bini bun bu kel ifhu ke bad baba kwikile. ⁴ Li kid we si manda ma itaam,nto manda ma nswen,li kaan imia bad ba nkim,baba kel bad ba masum.Si ikal ani bisal be lisakumun. ⁵ Munda li kwi mu ikal mu ikisi ne nto mud mumo we wo kal ani mabanz ma induum, mama bi ngako,to nga bibi-mo,iswe ne mud a bitek,akel ani imvwam imo mu imfum ke Klistu ani ke Nziem. ⁶ Nto mud mumo we wu kwi mu iku nu fhud mu manda ma bimpal.Itsin bilo biso bin mpud ye Nziem iya ko kel baan baba wun lemfuko. ⁷ Li kaan ivuno andi bo. ⁸ Munda bini li kele tel lili mo mu lipyib,si tel li bini li kel mwin mu mfum Yesu. kobun li ko kwe amon ne baan baba kel mu mwil. ⁹ Munda mbud ibudo mwil ikel mu mpil yi li mono ma mbwed mo maso,ma imbe-imbe ani ma masong. ¹⁰ Li saa man mama kel mama bwed ku kel mfum. ¹¹ Li kaan ivuun mu bisal bibi win budo mbud, bisal be mpyib,li bi sa mu wili. ¹² Munda bisal bi ba sala mu insi-nswi bi kel nsil nswen mu iku imo. ¹³ Bilo bio biso bibi ghan mu mwil,ba bisa mu wili. ¹⁴ Munda bilo bio biso bi ba sa mu wili, bi kala mu mwil.Munda iko bun ba mwe ne <>. ¹⁵ Li keb mu ital ne nki mutyin bini li zighe, kel we amon ne biyul,si amon ne bad ba maken. ¹⁶ Li selel tel munda matsu ma makel mama bi. ¹⁷ Li kaan ikal mu biyul, si li yab lizol li mfum li kel nki. ¹⁸ Li kaan iwudo mal,ma tswal mu ibebes, si li kal ba wu-wul ani mpev a santu. ¹⁹ Li bi shim mu bishaam, mu ikumis Nziem,bishaam be bu santu, li time ani ikumis mfum mu mbwun yo iso. ²⁰ Li wa likum tel lo liso ku kel Nziem mu bilo bio biso mu nkwum ye mfum a bis Yesu Klistu ani ku kel Nziem Tad. ²¹ Li lemfuko ku kel ban andi ban mu ital bun bu kel Klistu. ²² Ba kad, li lemfuko ku kel ba lim ba bini,amon ne ku kel mfum. ²³ Munda mulim akel mfum wo mukad, bun bu kel Klistu mfum wo dibund.Akel ngulunsi wo nud. ²⁴ Ifa imo bun bu kel dibund li lemfuko ku kel Klistu,bakad si ba Ikobun ko kel ba lim ba bo mu bilo bio biso. ²⁵ Ba lim,li zolo ba kad ba bini,bun bo zwel Klistu dibund,abi wi nde ngako munda lo. ²⁶ Nde akid kobun munda ito ye busantu.Ayi will mu mania mu nzil ye nda. ²⁷ Nde a sel mu mpil ne abi swi ko kel nde ngako, dibund le likum, iwine ifhu,iwine ibwil,nto ilo imo si ifeen kio we, si ke bu santu ke wine ifhu. ²⁸ Mu mpil yo yin yi mo, ba lim ba kwi mu izol ba kel ba bo amon ne nud ye bo ba ngako. Wun wo zolo mukel a nde, aka lizol nde ngako. ²⁹ Nto mud mumo we wo ywi musun wo nde ngako,si ayi di-djise ani iku izol, bun bo zwel Klistu dibund. ³⁰ Munda bis likel bitswil be nud a nde. [Mikaan mimi mo mi ntam mi mwe ne: Ani be mafha ma nde]. ³¹ <>. ³² Ikel liswekam li nen, si me mwe munda Klistu ani munda dibund. ³³ Yan kons mud kwi si mu Izol mukel a nde amon nde ngako, mukel si a kwi mu izitis mulim a nde.