¹ Kobun,bun bu nkel mud bolok wo mfum,me li inkes ne li kwe mu mpil ye ikwi mu iyemen ki ba li yemen bini. ² Li zighe mu lizid lo liso,mu bike-bike mu ikas mbwun.Li bi shime ibini-ibini mu lizol. ³ Li kide bibi lwidil munda iwin bwis imvuk ke bini mu nzil ye ngemb. ⁴ Nud ikel yo yin yi mo,mpev si yo yin yi mo,bun bu ba liyemen ku kel mud mu mo wo ibini wo li yemen bini. ⁵ Mfum akel na nde wun mu mo,likwikil li mo,mbotik mo. ⁶ Nziem si nde wun mu mo,Tad wo bilo bio biso.Akel ya nghe bilo bio biso,mu nzil ye bio biso,mu bio biso. ⁷ Mu mud nde mu so mu nked a bis,bu ba mu wi lizol mu mpil ye ites i ke makab ma Klistu. ⁸ Bun bu ba swen,<> ⁹ Nki bi kel ifa ki<>, kid ne lo,nde si bo kimi ti Ku nsi maan? ¹⁰ Nde wun wo kimi,akel mud nde wun mu mo wo neme si ku ngi ku nked a yul.Nde akid kobun mu mpil ne a kwisi bilo bio biso. ¹¹ Klistu a keb makab mu mutshin wu: Ba ntum,ba mbikudi,ba bishel ba ngang ba Nziemani ba long. ¹² Nde akid mio mi mu mpil ne,baba kwikile ba kal ngol mu isal ke Nziem,munda ikal ngol mu libund le Klistu. Nde a kel mu ikid kobu ti kun ku li to bis bo baso mu izwa imvuk ke likwikil ani ke iyab manda ma mwaan a Nziem. ¹³ Nde akel mu ikid ko bu ti kun ku lito bis ba kwud amon ne ban baba sun wul ani ifa ke Klistu. ¹⁴ Ku nsuk ikel kobun ne bis li kaan mu ikal amon ne baan.Ku nsuk ikel kobun ne bis li kaan mu iya mpud nto ani nto.Ikel kobun ne mufel wo malong mo maso a kaan mu iku li tswal,mu bad ba ngol baba kel ani maken mama lwidil mu bi mpal. ¹⁵ Kyi,bis li mo masong mu lizol,li kulo si mu manda mo maso ku kel wun wu kel ku nkul,Klistu. ¹⁶ Klistu a vuso ma nud mo maso ma bad baba kwikile bo baso mbel mo.Ba mushim bo baso mu ikas ne bi nam mu mpil nud yo iso ikul ani ikal ngol mu lizol. ¹⁷ Kobun,me mwe mio mi ani iku li bwene mu nkwum a mfum: Bini li bud kuu we mu ikwe amon ne ba mpan bababko kwe mu bizob be mantiemen ma bo. ¹⁸ Ba kel andi mantiemen ma lipyib,ba kel ba baba luuno mu mis me Nziem mu iwun yab ki inem mu nked bo itsin ikas tin mu ma mbwun ma bo. ¹⁹ Ba ywile we bo nswen,ba bi wi mu manda ma nswen mu bisal bi bi,mu bilo bio biso bibi lwid ibe. ²⁰ Si ikel we kobun bu li ywi mu imo mu manda ma Klistu. ²¹ Me awolo man ma li lweng nde, bun bu kel masong mo maso ku kel nde,bun si bu kel masong mo maso ku kel Yesu. ²² Bini li kwi mu ikiele man mama kel ma lizing li bini le kul.Mud wun wo ntam wu kel mu ani mabanz ma kyib itsin nzal ye ita bi mpal. ²³ Mu mpil ne li fudu bad ba mpa mu mabanz ma mantiemen ma bini. ²⁴ Li bwad nud ye mpa yi kel ne mu mpil ye Nzieme,bun bu ba isel yo mu mong ani mu bu santu be ibini. ²⁵ Si kobun li bad bilo bio biso bibi bi.<