¹ Itsin mio mi me,Pol,nkel mud a bolok wo Klistu Yesu munda bini li win ba Yuda. ² Me mbenz ne bini bu li ywi isal ke lizol li Nziem ke ngwi nde munda bini. ³ Me nswen man ma mwen me mu ileel ki ba ngwi.Mio mi mi kel masong ma insi-nswi ma swen me mu itswil mu mukaan mu nkim. ⁴ Tel li mutes bini,bini li yi yab ne nki me nswen mu manda maso man ma ibini ma insi-nswi mu manda ma tel Klistu. ⁵ Mu bina bi nkim,masong man ba ma tisile we ku kel baan ba bad. Si tel li,ba li swi mu impev ku kel ba ntum ba nde ani ku kel ba mbikudi ba ibini. ⁶ Masong man ma insi-nswi, baba win ba Yuda ba nga imvwam kin ani mu imud i bo kio iso ke nud.ba kel bad baba kwi mu ikod mu manda man ma ba baken mu Klistu Yesu mu nzil ye nda Nziem. ⁷ Munda me asun to mud a isal wo nda Nziem yin mu kab le lizol li Nziem li ba ngwi mu nzil ye ngol a nde ye ghan wili. ⁸ Nziem angwi kab lin,ansa bu nkel me bun ilwidil bikyi ku kel ban baba si mu liwuu. Kab lin li kel ne me nkwi mu ikab nsia ku kel baba win ba Yuda nda ye imvwam ke Nziem ki kel ne Klistu akwi we mu ikid. ⁹ Me asu nzil ku kel bad bo baso mu man mama kel, ma ken Nziem ani lisakumun. Yo yi ikel mpil ye yili Nzieme mu mitsa mimi lwid, wo kes bilo bio biso. ¹⁰ Mi kele kobun, mu mpil ne tel li,mu nzil ye nzo nzieme, baba tswelese ani ba mfum mu ma mbel ma ku yul ba mu iyab ma mbwis ma ifa andi ifa ma lizing li maken ma Nziem. ¹¹ Mio mi,mi to mu mpil ye likan li Nziem wo kwisi mu Klistu Yesu mfum a bis. ¹² Munda mu Klistu bis li kel andi inkes ani mu nzil ye inam itsin likwikil li bis ku kel nde. ¹³ Ikobun,me li lwim ne li kaan iyuun nud itsin minia me mwen me munda bini.Mio mi mi kel munda likum li bini. ¹⁴ Munda itsin iso kin,me ya mbel mabuu ma me ku nkul a Tad. ¹⁵ Munkwa nde ukel ne bwid lo liso ku yul ani ya nghe maan,ba liwi nkwum. ¹⁶ Me nseem ne nde ali wa,itsin imvwam ke likum li nde,mu ikal ne ba ikumis andi ngol mu nzil ye mpev a nde yi ikel andi bini. ¹⁷ Me nswen ne Klistu a zing mu ma mbwun ma bini mu likwikil.Me asama ne ba li tsumun ani mu iku mukad mu lizol li nde. ¹⁸ Bini li kwi mu ikal mu lizol li nde,mu mpil ne bini li to mu iyab,ifa imo amon ne bo baso baba kwikile,nki bi kel binen,bi le,mutel ani dji le lizol li Klistu. ¹⁹ Me asama ne bini li to mu iyab binen be lizol li Klistu,lili lwid iyab kio iso.Bini li kwi mu ikid mio mi,mu mpil ne bini li kal ba wu-wul ani ngol yo iso ye Nziem. ²⁰ Tel li,ku kel wun wu kwi mu ikid bilo bi bio biso,ilud ya nghe min mi li lwim bis to ma li tiemen bis mu mpil yi kel ngol a nde ye Sa ko kel bis. ²¹ Ku kel nde wun awol likum mu nzo Nziem ani mu Klistu Yesu mu bi na bio biso, munda matsu mo maso ti Ku nsuk.Ame.