¹ Kid ku kel bini,li fhyil manda ma bini ma bi ani masum ma bin. ² Mu mio mi bini li kele mu ikwe bun bu kel manda ma ntod yi. li wine bun bu kel ba mfum ba liyaal mu mufeel.Ikel mpev ye wun wu kel mu isal ki baan baba win lemfuko. ³ Bis si bu likele mbal nkim mu nked bad ban baba win kwikile,li sele bun bu kel lizol li bis libi le imud.li selele lizol le imud mu mantiemen ma bis.Li kel ba itsin baan ba nga mpud amon ne baan baba mo. ⁴ Si Nziem akel wu munen mu ngieb a nde, itsin lizol li nde li bwed, mu lolin le lizwel bis. ⁵ Kyi bis li fhyil mu manda ma bis mabi, nde Le yi mutswal mu lizing li mpa mu imvuk andi Klistu.Mu lizol li nde nsa bis liguluk. ⁶ Nziem ali futumuk bise baso mu mbal mo,ali bwis nsi mbel mo ku yul mu imvuu andi Klistu Yesu. ⁷ Nde akid mio mi mu mpil ne mu bina bibi ya ku nkul,nde ali suu imvwam inen ke lizol li nde.Nde ali swi mio mi mu nzil ye ma mbwed ma nde mu nzil ye Klistu Yesu. ⁸ Munda ikel mu lizol nsa bini li wel liguluk mu nzil ye likwikil, mio mi mifi we ko kel bini; Si makab ma Nziem. ⁹ Kel we ne munda bisal mu mpil ne nto mud we kwi mu isa lileen. ¹⁰ Munda bis likel isal ke Nziem,ke sel Klistu Yesu mu isal bisal bi bwed bin be yili Nziem sa fa ntam munda bis,mu mpil ne bis li bi luuno. ¹¹ Bini aka li yab mbal nkim ne bini li kele we ba Yuda mu musun. Bini ba li yemene:<> Munda wu ba yemen wun ne ba mu tsid mu imud mi ba kid mu makuu ma bad. ¹² Munda mu tel liso lin, bu ba Likeb andi Klistu. Bini li kele ba nzis ku kel bad ba Isayel. Bini li kele ba nzis mu iwakan ki ba li ken.Li kel we ani iyibi mu manda mama ya ku nkul. Bini li kele we nto andi Nziem mu mukil. ¹³ Si tel li mu Klistu Yesu,bini ba li kele ma tel mama mo inaan andi Nzieme,li li yi baan munkwa Nziem mu makil ma Klistu. ¹⁴ Munda nde akel ngemb ye bis. Munda bilo biel nde ya bifidil imo. Nde Le bwis mu nzil ye nud a nde ibee kin ke li kebe,mu iwun yukan. ¹⁵ Iswe ne nde akel nsik yin ye itum mu ngol ani ye iko son mu mpil ne asal mu munkim wo mpa mu nde ngako. ¹⁶ Nde asel mio mi munda ikwedes iyukan mu makaan man mwel ku kel Nziem ne ba to mud mu mo mu nzil ye nkulunsi,andi nkulunsi,le dwis iwun yukan kin. ¹⁷ Yesu bo yi ,le yi litswala ngemb; bini ba likele inaan andi ngemb ko kel ban ba we nde ma luu. ¹⁸ Munda mu nzil ye Yesu, bis bo baso likel andi ma mpil amo mwel ko kel Tad mu mpev yo yin imo. ¹⁹ Ko bun, bini ba li win ba Yuda li bud kal we bad ba ku nzil to ba nzie.Kid lo,li kel si ba kuun andi ban baba si mu liwuu munda Nziem ani mu ikal mu ibwil mu kaan li Nziem. ²⁰ Bini ba litswi ya nghe ma man ma ba ntum ani ma ba mbikudi.Klistu Yesu akele nde ngako man le iso. ²¹ Mu nked a nde,ma nzo mo maso ma shim mbel mo, ma kul amon ne nzo yi ikel mu mfum. ²² Mu nked a nde,bini si li kele mu itswu bine baso amon nzo ye Nziem mu impev.