¹ Baan,mfum a liel ne li kal lizid ku kel bibwid bi bini,munda ikel ku ibwed. ² "Muzitis Tad ani ngwu (yin ikel nsik ye iso yi ba liken)." ³ Mu mpil ne mio miso mi kwe ku ibwed munda nze,yan nze azwa lizing lili lee mu nsi ntod. ⁴ Bini ba Tad,li kaan iko baan ne bo ba ya mpud. si li ba bwolo mu lizid ani mu mansik ma mfum Yesu. ⁵ Ba mpik,likal andi lizid ku kel ba mfum ba bini ba ntod,ani lizid lo liso ani tsu-tsul,mu masong ma ma mbwun ma bini.Li ba zitis bun bu lizitis bini Klistu. ⁶ Li kaan iku ba zitise ne kid ne ba mfum ba bini ba lital munda iku ba wa kies, si li kala mu lizid amon ne ba mpik ba Klistu.Li selel lizol li Nziem mu mbwun a mbwed. ⁷ Li wa ani mbwun a mbwed yo iso amon ne bini li we ku kel mfum Nziem si kid we ne Ku kel bad. ⁸ Bini li yab ne mu isal kio iso ibwed ke sala mud,nde azi-zwa lifud ku kel mfum Nziem, akala mpik to mvwam. ⁹ Ani bini ba long,likide ifa imo munda ba mpik ba bini.Li kaan iku ba niokolo.Bini li yeb ne nde wun wu kel mfum a bini nde wun si wu kel mfum a bo,wu kel ku yul.Bini li yeb ne nde azolo we mu ikab bad. ¹⁰ Ku nsuk li sa ngol mu mfum Yesu, mu ngol a nde yi ilwidil binen. ¹¹ Li bwad nud ye inziem,munda ne bini likal bad ba ngol mu inaan ani bi mpal be Satana. ¹² Munda inwan ke bis ikel we ne mu musun to mu makil. Si ani ba mfum ba ntod ani ba mfum ba impev,ani ba mfum ba nga bisal be mpyib,ani ba mpev ba bi mu ma mbel ma ku yul. ¹³ Kobun li bwad inziem mu nud yo iso,mu mpil ne bini likal ba ku kuu mu inwan ani manda mabi mu matsu mama bi.Kid li men mu isal bilo bio biso, bini li kal ani ngol. ¹⁴ Kobun, li kal ngol,li kid mio mi munda bini li kas mukab wo ibini,ani masong ma ibni. ¹⁵ Li kid mio mi ku ngwel a isa makol ma bini mu nzil din-a-dini munda iko kab nsia mbwed ye isa ngemb. ¹⁶ Mu manda mo maso,li shim inam likwikil li bini, mu mio min li kal ani inkes mu ikwad ma tom ma tumo bad ba bi. ¹⁷ Si bini li wol mpu ye luguluk ani lipes le impev, lin lili kel nda ye Nziem. ¹⁸ Mu nked a bisaam bio biso be ifa andi ifa mu tel lo liso,li saam fudu tel lo liso mu mpev. Andi mu mantiemen,li yibile kons tel mu iwin yuun ani bisaam munda baba kwikile bo baso. ¹⁹ Li sama si munda me,mu mpil ne tel afyiele me munwa,li ngwel nsia mbwed. Li saam ne me nkwi mu isu bad mu inkes kio iso,nsia mbwed ye Nziem. ²⁰ Itsin nda Nziem me nkel wun wu ba twim mu mishi,ku nsuk ne mu nda so yin,me nkwi mu imo mu ibini kio iso bun bo ni mo me ayi so. ²¹ Si bini li kwi mu iyab si manda ma me ani bun bu nkel me.Tichic,mukuun wo lizol,mfum wo ibini,mud wo masong mu nkwum a Yesu ali li liel mio miso. ²² Me amu twim ku kel bini itsin nda so yin,munda bini li yab bu li kel bis,munda nde ali wa kies mu ma mbwun ma bini. ²³ Ngemb ikal andi ba kuun,ani lizol ani likwikil likal ani bini mu nkwum ye Nziem Tad ani ye mfum Yesu Klistu. ²⁴ Lizol li kal andi bad bo baso baba zolo mfum a bis Yesu Klistu mu lizol lili wine nsuk.