¹ Mu ntsu line ntal ye ba longok ikele iya na ifun. Lo lini ba yud ban ba mwe munda ye Kiglek, ba bogod ifun munda ba yud ban ba mwe kialami. Ba ba lile ne, ba kad ba ba mfwib ba ba kele munked a bisi, bisi liya kab matuu ntsu lo liso. ² Bantum ban (12) kwim a bwil, bo liba yeme ba longok ba ibuil kin bo baso, si bo liba ba lili ne: " Ikele we ku ibwed bisi mu iyese ilongo nsha mbwed ye Nziem, munda mu ikab bilo. ³ Lisul mu ked aba bal ba nsamwel munked a bini ban baba kele ani bi fu bibi bwed. Bo ba kwi mu ikal ban baba wil ani mpev ye Nziem, bo si ba kwi mu ikal ani mayel mafun, si bisi li basa mu isal ki. ⁴ Ikobun bisi li sa ngol kaka mu isaam Nziem ani mu ipas nsia mbwed." ⁵ Bad bo baso ba ibwil kin bu ba kisi ngin yin. Si bo li ba swil Etienne, mud mumo wo kele awil ani mpev ye Nziem ani likwikul li fuun li ba swil si ani Filipo, Plokole, Timoni, Palmenasi ani Nikola mud wo Antioshe atwe yud. ⁶ Li ba ba tswel ku nkul ye ba ntum. Si ba ntum li ba sem Nziem iwi, li ba basi kuu. ⁷ Nsia Nziem ikele ikwe nto-ani nto. Ntal ye ba long iya ihun ku Yeluzalem. Ba ngaa ba Nziem ba fun bu ba kisi likwikil lin. ⁸ Nziem bo mu zwel Etienne ifun. Lo lini Etienne akele ani ngol afun. Nde akele asal manda ma iyituk(bimpa) munked ye bad. ⁹ Si ikele ani bad ba nkim, ba kele ani ibwil imo ye nzo ye bisaam ye ba yud, yin yi bayeme nzo ye bisaam ye bad baba fi mu bimpik, bad baso li ba bee isa mia ani Etienne.Bad ban ba fi ku bila be Silene ani ku bila bi Alesandilia, bad ba bamo ba kele ani bo, bu ba ku ku ntod Silisia ani ku ntod Azia. ¹⁰ Si bo ba mu kwi we, munda Etienne mwu mu mayel man ma muwi mpev santu. ¹¹ Li li ba fid bad djimi munda bo ba kumo ne:" Bis bu li muwi Etienne a vwenzi Moyise ani Nziem." ¹² Li ba pwis bad baba mo, ani ba kwud baba yud. Ani ba long ba ba ngil, li ba yi mukwad Etienne li ba mu twel ku nkul ye ibwil inen ke ba yud. ¹³ Bo li ba twisi ba mwe ne:" Mud wu aya vwenze na Nziem abisi ani mangil ma Moyize. ¹⁴ Bisi li ywi nde amo ne :" Yesu wu wo Nazalet, nde adi dus nzo Nzizm yi si ma nsik(mangil) man ma shis Moyize nde amosa mutini munkim(ima baman). ¹⁵ Bad bo baso ban baba kele mu ibwil kin ke nene ke ba yud, bo bakele na ba mutal ku kel Etienne ngol. Bo li bamwen mbwisi ande li twe iyab ne wanzio.