¹ Kel, ani mud mumo nkwum ande Ananias, ani Sopphila mukel a nde, wo thee inkid ki ndam a bilo bi nde, ² Le swi ndam a ndzim ye thee nde inkid(mukel ande si bo yeb ). Le ishis kab lilimo ku makol ma ba ntum. ³ Si Piel le mwe ne:" Ananias, munud a nki yuda a kwed mu mbwun a nzi, mu mpil ne nzi fhud ku kel mpev a long ani iswi ndam a lifud li bisal bi nze? ⁴ Mu tel le kel nze lo itee ntod yin, ikele ye nze we? Bun tel li tee nze ntod, Nziem ikele ye nze, nze atu selel mumpi dzwel nze, nki mutin nze a ken ku mbwun a nze mu isal kobun? Nze thi we bimpal ku kel bad si ku kel Nziem." ⁵ Mu tel le ywi manda man Ananias le bwi le fhi. Bad bo baso li ba ywi bwun mu manda man mabi ywi. ⁶ Ban ba ba bal li bayi mu iya fi mpim yin biko, kobun liba twisil, mpim a nzil munud a iko dzie. ⁷ Ku ngwel a matel ma tud mukel a nde le ikod, ayeb we man mama lwid. ⁸ Piel le mulil: " Ndil me ka ne, nite ntod a bin mu ntal yo yin?." Nde ne:" E, yoyi kak." ⁹ Kobun Piel ne:" Munud a nki bin li ywikan mu imek mpev ye mfum Nziem? ywisil bad ban ba si dzi mulim a nzi ba twe ya mwil a nzo ba itswel si ku nzil. ¹⁰ Le bwi mun mu tel liso lin le fhi, baan babal li ba kwed li ba mumwen a fhi, li ba mu sene, li ba mu dzii a nto-nto ani mulim a nde. ¹¹ Bum le bi kwed a nzo Nziem a tsin, ani bad bo baso baba ywi manda man. ¹² Bidiim bi fhun ani bimpa bibi tswe ya nked a bad ku makuu ma ba ntum. Ba kele insu ku nzi nzo Salomon. ¹³ Si nso mud mumo we wo kele ani ngol yi ikwe ku kel bo. Kobun bad ba kele ani ma ngin mabi ku kel bo. ¹⁴ Ku iso bad ba likwikil li ba bi bwis ku Nziem ba kad ba fhun ani ba bal, ¹⁵ Munda manda man ma sele ba ntum, bad li ba ye isa bad ba bibil ange ma ntal ani ange bipoy, munda tel le lud Piel nso ivhil vhil inde ishim kons mud mu nked a bo. ¹⁶ Bad ba fhun ba ye fa mu mala man mama kele a nto-nto ani Yesu. Baya tswal bad ban baba kele ani bibil ani baba kele ani mifel mibi kobun li ba wem. ¹⁷ Kobun mfum a ba ngang a Nziem ani bad ban bo baso ba ba kele ani nde ( ban baba kele invuk ku Saddusa) li ba tid mu ikod mu manda man, munda bo ba di impal ku kel ba ntum. ¹⁸ Li ba kwed ba ntum kobun li baba lwim mu bolok ye bad bo baso. ¹⁹ Si mu nked a mpyib, wanzio wo mfum Nziem le yi fiele ifi bolok, nde le ba twisil ku nzil, kobun nde le ba lil ne: ²⁰ "Bin likwe liko tshud ku nkul a nzo Nziem ani ba liel bad bo baso manda mama ya tal lidzing limpa." ²¹ Ba ntum bu ba ywi ma mwe wanzio wun kobun mu ipel-ipel liba sikod mu nzo Nziem li ba bee ilong. Mfum wo ba ngang a Nziem ani ban baba kele ani nde, li ba ito, li ba yemen ba kwud bo baso ba Isael, liba ibwan mu invuk inen ki ba yuda. Li ba twim ba pwilis ba bo mu iko liel ba ntum mu bolok. ²² Si tel le twe ba pwilis ku bolok, baba mwen we. Li ba ifudu, li baba liel ne: ²³ " Bis li mwen bolok li ki kas ngol ani ba pwilis ba twid ku nkul a bolok, si tel lili fiele bis bolok li mwen we nso mud mu nked." ²⁴ Tel li ba ywi manda man, mfum wo ba pwilis wo nzo Nziem ani ba kud baba ngang a Nziem, li ba yibi ngol munud a ba ntum. Li ba bee ibi fwul kaa ne nki manda ma bwi. ²⁵ Si mud mumo le yi le ba liel ne:" Bad ban ba ni si bi mu bolok ba kel mu nked a nzo Nziem ba long bad." ²⁶ Kobun, mfum a ba pwilis ani bad ba nde li ba win mu iko saa ba ba ntum. Nde le yi ba fudul si kane mungol we, munda boba ywi bwum ba yebe ne bad baba dus mu maman. ²⁷ Li baba fidil iwi li baba semes ku nkul a invuk i nen ki ba yuda. Mfum wo ba ngang a Nziem le ba fil ²⁸ Ne: " Bis bu li ni ghen mu ilong mu nkuum yin, si bin ni twilis Yelusalem mbel a bin a ma long, lin bin ni dzwel ni lisa makil ma mud wun." ²⁹ Piel ani ba ntum ban baba mo li ba mwe ne:" Bis li fid lemfuk iso ku kel Nziem, ka ne ku kel bad we. ³⁰ Nziem wo ba nkaa ba bis, nde wo wuisi ku lifhu Yesu wun wu lidwis tel lini musi bin a ngie ikulus. ³¹ Nziem le mu sene mu kuu li nde le itad munda nde akal mfum ani ngulisi, munda bad ba Isael ba sob ma bwun ma bo ani ndolul ye masum ma bo. ³² Bis likel ba mbang ba manda man, ani mpev yin ye Nziem ye wi nde ku kel bad ban baba lemfuko ku kel nde. ³³ Tel le ywi bad ba invuk i nene ke ba yuda manda man, ba ywi mpud a fhun. Ba thid ne ba mbang ba fed fha. ³⁴ Si ikele ani Mufalis mumo mu imvuk kin, nkuum ande Gamaliel, akele long wo ma nsik. Bad bo baso ba weelidzid, le tswid kobun le liel bad mu itwisil bad bitsi kunzil. ³⁵ Nde le liel ku kel bad baba kel mu invuk ne:" Bin bad ba Isael, li kieb mu man ma lidzwel ikid bin ku kel bad ba. ³⁶ Munud ntama a fhun we, Tedas boyi mu nked a bis, lo lin nde le mwee ne nde a kel mud a mfun. Mu mban a bad nkam baba kele ani nde. Si bad ba kim liba mu dwis, ko bun bad ban bobaso baba mulwine, li ba penzan. nso mud mumo wo shiel we mu invuk kin. ³⁷ Ku ngwel a nde Yudas mud wo Ngalil leyi mu nked a bo, mu tel li ba swene ma nkwum ma bad. Nde si le fhi ani bad ban ba lemfuk ku kel nde le ba kabwane. ³⁸ Tel li, me li liel ne li kyi ko kel bad ban, li ba shis na bo, munda kid ne pil yin to isal ifhi ku kel bad, ba bi bel. ³⁹ Si kid ne ifhi ku kel Nziem ba tu kuu we mu i byi; Bin li kwi mu i tal ne bini likel mu inwaan andi Nziem." Kobun bo li ba ba lwin. ⁴⁰ Ku ngwel,bo li ba yemen ba ntum, li baba bed, ani ku ba tswu mu imo mu nkwum ye Yesu, ku ngwel li ba ba yese, bo li ba win. ⁴¹ Li ba fhi ku ifyin i bo, bo ba ko sem mu ku ba mon ne bo bakyi mu ilwaal manguum man munda nkwum a nde. ⁴² Kungwel a mio min, tsu lo liso mu nked a nzo-Nziem ani mu manzo-manzo bo ba long ani isuu tel lo liso ne Yesu akel Klistu.