¹ Tshu limo, Piel ani Zwan li ba win ku nzo-Nziem mutel le bisam, mu makele waa. ² Ikel ani ikad imo kibasis kunkul ye nzo-Nziem, sa nsi ama ntsud we, ba mu nswel nsu lo liso, ba mu sise kunkul ye nzo-Nziem. ³ Tel a mwen ikad kukel Piel ani Zwan ba nkwe ku nzo-Nziem ndi le ba lwim makab. ⁴ Piel ani Zwan li ba mutel, li ba mu liel:" Lital-bis". ⁵ Ikad le batel, munda ndi andee me ni ba kebel ndjim. ⁶ Si Piel le mwe ne:" Mikel we ani wol ani ndjim, si me iwa ilo imo kikel kao me: Mukum Yesu klistu, mud wo na Nazaleth, tshu kwe." ⁷ Piel le musim mu kuu le itad le mu nthudis, mbal mo makol mande li ma kwe ngol. ⁸ Le mpwim mbal mo le nthud le be inkwe, mbal mo lenkwed mu ibwil ke Piel ani Zwan li ba kwend mu nzo-Nziem, le kwed a tud, le be iyimi Nziem binsiam. ⁹ Bad bo baso li ba mu mwen nde a ko lud ani Nziem. ¹⁰ Bo li be mwen ni mund wun wo kel tel lo lisa kunkul ye nzo Nziem, munda alum nzim, li ba yikuku ngol mpil ye imo ikal we munda man maba muked nde. ¹¹ Tel lekel mud wun abem ani Piel aniZwan, bad ban bo baso li bayi manan li ba ndid ku nsi "velanda li salomo" munda bo bayi tuk infun. ¹² Tel a mwen Piel manda man le bafil, bin bad ba Islael, munda nki bin liya yituk mu manda ma? Munda nki bin li ya lital ikobu? Ya kani imo ni bis li tshwidi mund wu mungol abis, si munda bis likel bad ba Nziem. ¹³ Nziem wu Ablaham ani wo Izak, wo Yakob ani wo Bankaa ba bis ba mo, nde le wu likum ku kel mund wu wo musel nde nkum andi Yesu, bin liwi Yesu ku ma nku ma ba mfum, bin buli mume kunkul ye Pilate le mwe Pilate mu iku mu yesel. ¹⁴ Si bin lime mud wu wo santu ani wu mu mbwed, bin li mu lal Pilate ne ayes mud wun wo Duese bad. ¹⁵ Bin li duis mfum wu kal ani mwi si Nziem le muzwidis mu linfhu mu manda man me likel bin ba temwe. ¹⁶ Munda wu, wu liya mon bin ani wu liyeb, nde awel ngol munda bis lis mukol ku kel Yesu, nde ya wem bun likwi mu imon bin bobaso, nde asi mukol mu nkum ye Yesu. ¹⁷ Tal li ba nkum, me ngweb ni bin ani ba mfum ba bini bin liked manda man munda li muyeb we Yesu. ¹⁸ Ikobun Nziem a kwis manda man ma mwe nde kukel ba ntum ba nde mu imo ku kul ni Mesia andi a mon munia. ¹⁹ Ko bun bin ban ma bun, li fudu ku kal mfum Nziem munda nde a kwel masum ma bin. ²⁰ Nde ali ntum Yesu wun wu kal mesia wu wo swal nde munda bin. ²¹ Tel li Yesu aku mu ikal ku yul ti kun ko yil Nziem manda mo maso, bu bo mwe Nziem ko kal ba ntum mu imo manda ma safa ntam. ²² Moîs le mwe ni: mfum Nziem ali nkum bin ntum andi ayani me menked a ba nkun ba bin, bin li muywil nde mu manda mo maso ma mo nde ko kel bin. ²³ Mud ndeso wo wini yuul ntum wu, Nziem a mu kial munked bad ba Islael, nde a mundus imakial . ²⁴ Eh bankum bo baso bun ba mwe safa mutel li Samuele ani ban ba mulwin nde kungiel, bo si ba mwe munda ma ntshu ma. ²⁵ Lisal lin li swi Nziem ku kel ba ntum mu isal, li kel munda bin, iwakan kin ke wekan Nziem ani bankaa ba bin ikel munda ikel si munda bin tel alil Nziem kokel Ablaham ne: " Me sakumun makaan mo maso ma bad ba kel ya mu nsi ntod munda mud mumo wunu wu ba bud mu ikaan inze." ²⁶ ikobun Nziem le kuum mud wun wo musele nde, munda aya ghan ko kel bin, munda iku lisuu munked a bin mud ndeso mu iyesel manda mandi mabi ekobun Nziem a mu si sakum.