¹ Tel a kwi matshu ma nkis ye pantecôte, bo baso ba kele mbel mo . ² Mbal mo, li ba ywil iliel ku yul a mon ne mufeel a ngol, le wil mu nked a nzo yaso yi bakele bo. ³ Nde le yi ba tswil amon ne lilim li mbaa li li keb mbaa yin ku kel ba ntum yan, lo lili fikal a ngie bo. ⁴ Li bawil ani mpev a santu, bo li ba bee mu imo kons mud mu manda mankim man ma baswi mpev a mumo. ⁵ Mu tel liso-lin akele bayuda ba bazinghe ku Yelusalem, bad ba sama Nziem, makaan mo maso ma kel mu nsi ntod. ⁶ Tel ba ywil bo iliel, bad ba fhun li ba yiwul mbel mo, li bwel-nswen, munda mud nde so a kele aba ywil mu manda man man ba mwe bo konso mud mu nda nde. ⁷ Bo bakele mu isse, bayituk, ba liel ne:" Ibini bo bakel we bo baso bad ba Galiléa ban ba bamo ba? ⁸ Munda mud nde so a ba ywil, mu munwa nde ba mu bwid? ⁹ Pelses, Mèdes, Elamite, ani ba bazinghe ku Mésopotamie, ku Judée, ku Cappadoce, ku Pont ani ku Azi. ¹⁰ Bila Phlygie, Palmphylie, Engipit ani itshul imaanb ki Libye munkwa a Cyhene, banzis ba fi ku Lome. ¹¹ Ba yuda ani Ploselyte, Cletois ani Alabe, bis liba ywil ba mo mu ngol yoso ye bisal bi Nziem." ¹² Bo baso ba mwen ngituk ani maghan maghan bo ba mo ban ani ban ne: " kobu iswe nki?" ¹³ Ban baba nkim ba she, ba liel ne:" bo mal ma bee? " ¹⁴ Yan Petelo ya tswid, ani batum kwim a mumo, le mo munda ye ngol, le ba liel ne: " Bini bad ba Judee ani bini bo baso ba lizinghe ku Yelusalem, Liyab manda ma, likel mu imo ime mu manda ma me. ¹⁵ Munda bad ba, ba nwi we mal nzi ne ma litiemene bini, munda bis likel mu ma tel matud ma tsu. ¹⁶ Si tal man ma liel mbikud Yoêl : ¹⁷ "Tel a ya ilum insuk; " NZiem le mo ne :" Me a tum mpev a me angie bad bo baso. Baan ba bini ba bakod ani ba babaal, ba bi-bikul manda ma me, mituu mi bad ba mon manda, ani ba mun balod bi leel. ¹⁸ Ifa imo ani bad ba me ba isal ba baal ani ba bakod,mu matsu maso man, me a tum mpev a me, bo ba bi-bikul. ¹⁹ Me atisil bilo be iyutuk ku yul ani bidiim ya ngie maan, makil, miywi mi mbaa. ²⁰ Tel lili to lipyib, ngwen le shial makil, mu tsu linen, le likum, le ya fudu Yesu. ²¹ Akoyan, mud nde so wo saam mu nkwum amfum, agu-guluk. ²² Bad ban Isayel, li ywil manda ma: " Yesu wo Nazalet, mud mumo wo yi ghan mu nked a bini, mu nzil ye Nziem itsin bisal binde binen ani bilo be iyutuk, ani mu bidiim be sel Nziem ngako mu nked a bini, bun bu liyeb bini ba ngako. ²³ Bun bo yili Nziem, ku nkula nde, bu ba mu tee, si bini, mu nzil ye bad baba win luuno ngil, li ba mu si ya ngie nkulunsi, li ba mu dwis. ²⁴ Nziem ya mu futumun, mu iku mukiele mu minia me lifhu, munda ikele mpil we nde a akal mu maan. ²⁵ Munda David le mu liel ne:" Me ba mu mwene mfum ma tsu mo maso ku nkul a me, munda de akel ku kuu li me le ibaal, mu mpil ne me, ka mfha. ²⁶ Iko bun mukol a me a kel mu kies, me a mo mu kies, nud a me si ibu zing mu lizol li nde. ²⁷ Munda nze a sa shis we mwe me ku ma mpiem, nze si a zol we ne mud a nze a bol. ²⁸ Nze bo nswi nzil ye lizing, me akal a wil andi mpev a nze ." ²⁹ Ba kuun, me a li liel mu lizol li bwed mu man mama tel nka bini David :" Nde afhi bu ba mudji, ma mpiem mande ma kel munkwa bis ti nan bu. ³⁰ Munda nde akele mbikud, nde akele a yab ne: Nziem a ken sa fa ntam ne : mumo munked ba tshili ba nde, ba musa angie kid ke imfum. ³¹ Nde a yeb ya iso ani imo manda ma lifutumuk li Klistu:" Nde ba mu lwes we mu matsu ma kele nde ku mampiem, si misun mi nde mi bwel we." ³² Yesu wu, Nziem ya mu seen, bis baso likel ba mbang ba nde. ³³ Kobun li ba mu seen mu kuu le itad le Nziem, ani li ba wel likan le mpev ye santu ye fi ku kel Nziem, le mwel nsia bun bu li mwen bini ani bu li mu ywile bini. ³⁴ Munda David a neem we ku yul, si nde le mwe ne:" Mfum a liel ku kel mfum a me ne: bwa-nsi ku kuu li me le itad. ³⁵ Ti kun ko sa me ba mbeen ba nze ku nsi makol ma nze." ³⁶ Yan,nzo yo iso ye Isael iyab ku ibwed-ibwed ne: Nziem a musi ku kel nde mfum ani Klistu, Yesu wun wa li si bini ya ngie nkulunsi." ³⁷ Tel ba ywil bo mio min, li ba ywili ngieb ku mikol me bo, bo liba liel Piel ani ku kel ba ntum ba ba shiel: " Ba kuum, nki bis li kwi mu ikid?" ³⁸ Piel le ba fidil ne: li baman mikol mi bini, li wol mbotik kons mud mu nkwum a Yesu Klistu munda ndolul ye masum ma bini yan bini li wu wol kab le mpev a santu. ³⁹ Munda likan li Nziem li kel munda bini ani bann ba bini bo baso, ban baba kel anaan, andi ibwil ibad inkim ba yemen mfum a bis Nziem. ⁴⁰ Andi manda ma kim ma fhun, le kisi ani iku ba bwene, a mo ne:" li ba gulusu bad ba inha ki." ⁴¹ Kobun li ba ywil nda ye nde, li ba wel mbotik, tsu lo lin bad mafhun ma tud li ma iyikam. ⁴² Bo li ba kisi mu iluun ma long ma ba ntum ani mu idia mbundan mu itsid mampa ani mu nked a bisaam. ⁴³ Buum li bi wi ku kel mud nde so, bi diim bi fhun li bi ghee ko kel bantum. ⁴⁴ Ban bo baso baba kwikile, ba kele mbeli mo ani bilo bibo bio biso bikele mbel mo. ⁴⁵ Ba tee bilo bi bo ani ma mpang ma bo, ba kab ibo-ibo mu nzal ye kons mud. ⁴⁶ Kobun, tsu ani tsu ba kide ifa imo ti mu nzo Nziem, bo ba tside mampa mu ma nzo, ani ikab bilo be idia mu isse ani mu mukol wo bizil. ⁴⁷ Ba seme Nziem, ba kele si ani lizol le bad ba nkim. Mfum a ba bwise tsu lo liso mu ibwil i bo ntal a bad baba guluk.