¹ Théophil, mukaan wo iso wo swen me a mwe manda man mo maso ma be isal Yesu, ani malong safa ku itsin inde, tii tsu li ba mukielee nde. ² Ikele kungwel a wi nde ngil munzil ye mpev santu ku kel ba ntum ba nde ba pwen, ³ Ban ba yi bisuu nde andi lizing kungwel a minia mi nde. Mutsu makwim ma na, nde a luum mu iku ngha, ani iku ba liel manda ma imfum i Nziem. ⁴ Tel li ba bwen andi bo, nde le ba liel ne: li kaan ikwi inaan, li bwa-nsi ya Jelusalem, si bini li zel ilo ke liken tad, bun bo liel nde ne:" Bini bu li ywi manda nkel me ne: ⁵ Zwan, ti non-bu, abotike bad mu mania, si bini, tsu ba libotik ani mpev ye santu, shiel matsu na matshi." ⁶ Tel li ba ibwaan bo, mbel-mo, bo li ba mu fwil:" Mfum, ikel tel liso li, nze a ifudul imfum ki Isayel?" ⁷ Nde le ba lil ne:" I tel kid bini we mu iyab, tel to mutsa wo liel nde, bun bo tsid tad mu ikwud ke nde ngako. ⁸ Si bini lizi-zwa ngol, tel le ya mpev-santu mpev-santu a ngie bini, bini likal ba mbang ba me, munked Jeluzalem, mu yude lo liso, mu Samalia, tii ku nsuk ye ntod yo iso." ⁹ Tel a men Yesu mu iku ba liel manda man mo maso, bun bo tele nde ku yul, nde le tswid, bifhu li bitswi, li bi mukes ku madis. ¹⁰ Tel ba ba lwine bo mu ital ku yul, mbal-mo, ba bwed biko bimpem. ¹¹ Bo ba liel ne:" Bini, bad ba Galilée, munda-nki bini li tsidin a ko yan mu ital yul? Yesu wu, wo neme ku yul, a ya fudu ifa imo, bun bo win nde ku yul." ¹² A koyan, Bo liba fudu ku Yeluzalem wo mibyi me Olivien, lin lilikel munkwa Yeluzalem, ¹³ Tel, liba ito bo, bo li ba neme ku nked-nzo ye itaz, ku ba kele bo iso-iso. Bakele: Piel,Zwan, Jacque, Andele, Filipo, Thomas, Batolom, Matthwo, Jacque mwaan wo alfé, Simo le zelote, ani Jude, mwaan Jacque. ¹⁴ Bo ba kele mukaa mumo, a mon ne mud mumo, bo ba seme ani lizol lo liso, andi ba kaad, madiah ngwa Yesu, ani ba kuun ba bo. ¹⁵ Mu matsu man, Piel le tswid ya nked ba kwun nde, ba kele ites ibad nkaam ani ma kwim mwel, le liel ne: ¹⁶ "Bakuun, ikele mfwun ne manda baswen, mo ma to, bun bo liel mpev-santu mu munwa wo David mu man mama tel Judas, wun wo seles bad mu ikwad Yesu. ¹⁷ Munda nde akele, wun mumo mu nked bis, wo zwi kab li nde li biko mu milut mi nde me liswekam lin. ¹⁸ Non-bu baal wun yaswim nguun andi lifut le mpud a nde, A ko nde ya tswi mud wo iso mu mbel yin, nde ya bwi mu ngwun yin, dum li nde ya litieme, mila minde ya mitswi kunzil. ¹⁹ Nda yin, bad ba Yeluzalem bo baso bu ba iyeb, liba wi nkwum ye ngwun yin mu manwa wo bila bi bo." Hakeldama", iswi ne:" Ngwun ye makil." ²⁰ Ikio kin, ba swen mu mukaan wo bishaam ne: " Yese ngwun yin yi shal nayo, to mud mumo a kwi we mu izing iko. Bad ba nkim ba wol isal ke itsweles." ²¹ Kobun, ikel mfun ne mumo mu nked bad wo fe li djide bis tel lo liso, mu lizing le Yesu mu nked a bis. ²² Sa fa tsu li mbotik ye zwan, ti mu tsu li ba mukiele nde mu nked a bis, mumo mu nked ban akele mbang ani bis mu lifutumuk le Yesu." ²³ Bo li ba si ku nkul bad bwel, zozef wu ba yemene balsabas to Justus ani Matthias. ²⁴ Ba saam, ba mo ne:" Nze mfum, wu yeb ma mbwun ma bad bo baso, nze lisuu nki nde mu nked a bo nze pwen. ²⁵ Munda iwol mbel mu liswekam li, ani isal ke intum ke bebes nde mu iluum nzil ye nde ngako. Li ba swiil mu zeke." ²⁶ Li ba pwen Matthias li ba mutees mu ibwil ke ba nkum kwim a mumo mu ban baba shiel.