¹ Ku ngwel a matsu matan, mfum wo ba ngaa ba Nziem Ananias, ani ba kwud baba tside manda wo Teltusi, bo li ba yi to ku kele Sezolea munda mu ifun Pol ku kele mfum wo itwil intod Felikis. ² Tel li ba yemene bo Pol iwi , Teltulus le bee iku mu fun Pol buu ne: Mfum Felikis bisi lizenge mu ise ifunu munda nzi munda mayel manzi ma ithiemen manda ku nkul, manda mafun mama ya mu ntod ye bisi. ³ Tel lo liso ani muma mbel mo maso, bisi liwa nzi melsi mifun munda mu manda ma mo maso ma li wolo bisi. ⁴ Si mi nzwel we mu idusu tel li nzi lo lini mi aya ibwene mu ikuu ilital mudisi lili bwed ani mu ikuu li ywili ndam. ⁵ Bis li mwen ne: Mwud wun akel mwud yo ma nto mafun nde akwese mu bul anfun munked a ba yuda mu ma mbel mo maso. Nde akele mfumu wo ibwil ke bad ba Nazaleti. ⁶ Nde a zwelee ibebes nzo Nziem ye ba yuda, kio kini bisi lili mu kwed.(bisi li ma zolo mu iku mu semesi bunu bo moo mansik ma bisi.) ⁷ Si mfum a ba suda Lysias le ya to, nde le mu zwili ku makuu ma bis mu ngol yoso. ⁸ Tel le musemesi nzi nga ko ku kel Pol nzi ayi yiabe manda man mo maso ma liya mufunu bisi. ⁹ Bayuda bu ba kisi manda man ma mwe nde bo ba mwene makele ikobun. ¹⁰ Tel li mfum wo itswil intod bo di idiim mu mutswe ne Pol amo. Pol ne: mi nzieb ne nzikel zuji wo bad ba safa ba mvulu ba funu. Loli minkel mu nzo mu isaam manda ma kumisi minzi. ¹¹ Nzi ngako kwi mu ital ku ibwed-ibwed manda ma munda nto mu matsuu kwim a bwil mi boyito ku Yelusalem munda mu isaam Nziem. ¹² Bo ba mwen we mine asa mia nto ku kele mud mumo kolo mesala manda man mama kwi mu ipus mud mu iyu mpud, nto mu nzo Nziem ye bayuda nto mu manzo mabo ma bisaam nto mu mambel mankim ma Yelusalem. ¹³ Bad ban ba kwi we mu ilili ne manda ma mabaya mfun bo makele ma bimpal.