¹ Ani Festus le twe ku itswil i ntod kobun ku ngwel a matsu ma tud, le neeme ku Cesalee mu ntod a Yelusalem. ² Le ito nde ba kuud ba bangaan Nziem ani ba kwud ba kim ba ba yuda, li ba fini Pol ku kel Festus ba mo ba bud mo. ³ Ba lun ku kel festus mu nkuum a Pol, mu mpil ne aya ku Yelusalem, munud ba mudus mu nzil. ⁴ Si Festus le fidil ne Pol akel mu bolok ku Cesalee ko bun nde ngako le fidil iko. ⁵ Le mwe ne:" Kobun wun wo dzwel aya ani bis. Wun wo kel ani manda ma bi mu mud wun a mu fun." ⁶ Ku ngwel a matsu nan(8) nilo kwim(10) le kimi ku Cesalee. Matsu malwin, li ba bwi ntsi le lwin Pol munda a imu semes. ⁷ Nde le twe, ba yuda ba Yelusalem li ba win mu nkwa nde, ba kele mu lidzid loliso li ba ma win su. ⁸ Pol le bi nwenen le mwe:" Me nsel we ku ibe mu nkwum a ba yuda, ani nzo Nziem,nso kel Cesal we." ⁹ Si Festus a dzwele ayuu lidzol li ba yuda, le fidil ku kel Pol ne:" Nzi dzwel naama ku Yelusalem mi isemes munud a manda ma?" ¹⁰ Pol le mwe:" Mi a yemen Cesar,ikokun ku ba nsemes mi, mi nsel we ibe imo ku kel ba yuda, bun buyeb nzi ku i bwed. ¹¹ Nda we, ka ne me nkid man mama tum ku lifhu, mi mee we mu ifha. Si ka ne mifun mibo mikel mi bimpal, mud we wo ntum ku kel bo. Mi nzwel ba ngiemen ku kel Cesar. ¹² Kobun Festus le swelel ani bad bande, ku ngwel le mwee :" Nze aya yemen Cesar, nze kwe ku kel Cesar." ¹³ Ku ngwel a matsu, mfum Aglippa ani Belenis li ba win ku ntod a Cesalee munda iko tal Festus. ¹⁴ Ku ngwel a matsu mafhun, Festus le swi mfum a ntod manda ma Pol. Le mwe ne:" Ikel ani mud wo shis Felix nga mud a bolok. ¹⁵ Li ma nkala mi ku Yelusalem, ba kwud ba banga a Nziem ani ba kwud ba nkim ba ba yuda, bu ba mu fin ku kel mi. Ba lwim ne mi mutidil ndol. ¹⁶ Mi li ba liel ne:" bad ba imfum ki Roma ba kel we ani ifhu ki itsid manda kane bad ban baba fuuno manda, ba mufin we ku nkul ande, ani kane a wu ba fin a seem we ku nkul a ban baba mu fin." ¹⁷ Ko bun li bayi ani mi, me adzeel we, mu tsu lili lwid mi li ndwim mud wun munud imu semes. ¹⁸ Mu tel le tswid baba fin ani wun wuba fin, memwen ne ba mufin we munda mbi yin ye tiemene mi ne ba mufun munud a nde yin. ¹⁹ Ba kele kak mu miaa mu manda ma bisaam bibo ani munud a manda ma mwud mumo, nkwum a nde Yesu. Yesu wun wo fhi, si Pol a mon ne akel mu lidzing. ²⁰ Me ayeb we nki mutine mi nkwi mu i semes manda ma ifa ko bu. Lo lin, me le fwil Pol kane ndedzwel a kwe ku Yelusalem munud bako musemes iko kun. ²¹ Si Pol le lwim ne ntotil wo imfum ke Roma a tsid manda ma nde. Lolin mi le ba liel ne ba mu keb mu bolok tii kun ko mutum mi ku kel mfum a bis ku Roma." ²² Kobun Aglippa le liel Festus ne:" Minzwel iyu mud wun." Festus ne:" Ilo we, mbel nze muyuu." ²³ Mu tsu lili mo, Aglippa ani Belenis ba yi kod mu likum lo liso mu nzo tribinal. Ba kwud baba soda ani ba kwud ba nen ba bila bin, bu ba kwed, Festus lwim Pol mu ikod, kobun, li ba mu kwedes. ²⁴ Festus le mwe ne:" Mfum Aglippa ani bin bo baso nikel ya, bin mwen mud wu. Ba yuda boo baso ba Yelusalem ani baya ba ndwim mu ndaa ngol ne nde aka kal mu lidzing. ²⁵ Si mu ngin a mi, me amwen nda ibi ye kid nde yi ba fed mu dus. Si nde ngako a lwim ne mfum a Roma a mu semes. Lolin mi lee mwen ne a mutwimis Pol. ²⁶ Mu manda ma nde maa me mwen we man ma son mi ku kel mfum a bis. Lolin me li muyemen ku mis mi bin munud li musemes, nde nsil ibwed i mu semes ku nkul a nzi mfum Aglippa. Ku ngwele, mi nan a iya nki mpil mi a son. ²⁷ Yi ibini, mi mwen ne ikel we ku mu itum mud wo bolok ka ne ba mwe we manda ma ba mufin bad.