¹ Ba kuun ani ba tad, bin liyuu manda ma kwin isam me ku nkul abin. ² Tel ba ywi bo li ba swel mpi, ya ko Pol ne: ³ Mi kel muyuda bila bi mi Tarse mu mane ma Silisia. Si me kwel ya Yelusalem, long ami akel Gamaliel: nde andwenge me ku ibwed-bwed mangel ma bankaa ba bis, me bi we imfun mu manda ma Nziem bun buli biwa bi bobaso nonubu. ⁴ Me mwenus ba klistu munia munda iku ba dus, mefi kwad bakad ani ba bala, mefi ba sa mu bolok. ⁵ Mfum wo ba nga Nziem ani mvuu kio iso ke ba kwid ba kal ba bang ba mi mu manda ma, ti ba ngwi mukan munda kue ku Damas, wuko mi ya kwel nzil ye Damas munda iku kwad ba klistu ani ya ba zwal ya Yelusalem, me ken ni me aba sa mu bolok munda iku bawe ndal. ⁶ Tel akal mi na mu nzil mu ya to munkwa bila bi Damas, muked midi me mwe nzin bimpa ayu mwin mumo lefi ku yul ya yi luem ko kal me, yo liyi mukul me. ⁷ Me le bwi mu maan, yako likwi nda, libe imful ne: Saul, Saul munda nki nzi aya mwenes mi mpas? ⁸ Me li mu fwil mfum nzi na? ndi ne: me Yesu, mud wo Nazaleth, wun wo wa nzi mpas. ⁹ Bad ban bakel ani mi bu ba mwen baa yin, si ba yul we nda ye mwe munda wun. ¹⁰ Me li fwil ne: mfum nki mi kwi mu inkid? Mfum lidiel ni nsud kwe ku Damas, iko balil manda mo maso ma isuu Nziem manda nzi mu ikid. ¹¹ Me akel we ani mpil ye ibud mon, munda baa yin ye bed mu madis, mo li twe lipyib. Ikobun bad ba kal ani me ba nswel ku Damas. ¹² Mund mu mo akel iko kum andi Ananias, ndi akel ani mbwin ye I Nziem, nde akel alwin mangil ma bis. Bayuda bobaso ba kel ku Damas ba mwe manda ma bwed munda nde. ¹³ Nde le imba, yako nde le dwil ne: bi nkun ani Saul mon fiedee! mu mbal mo mi li kwad mon, yako mili mu mwen anunias. ¹⁴ Nde le mwe ne: Nziem wo ban tad bis a swil munda nzi yab manda man makwin nde munda nze, munda nze yab ifa imo man mama kel ma bwed nsil, munda nzi ywi man manda man ma mwe nde ngako. ¹⁵ Munda nzi kwi mu ikal mud wun wo lil bad bo baso manda ma mwen nze ani ma ywi nze. ¹⁶ Ikobun tal nse anzel nki? wol anze mbotik, musam sin mfum, munda ayi kwel masum ma nze. ¹⁷ Me limfud ku Yelusalem, yako lekel me asam imu nzo-Nziem, me mwen mfum Yesu impang. ¹⁸ Iduel ko kel me ne: nki nswal ya Yelusalem, munda bad ya kwis we manda ma balil nze munda me. ¹⁹ Me li mwe ne: mfum bo bako bayeb ne me win ku ma nzo ma bisaam bi bayuda ani bo, yako bad ba suel nzi mbun ba base mi mu bolok, ani aku ba wa fim. ²⁰ Si tel a kel bo ba ndus long anzi Etienne, me kal ya ko, me bo kis me si bo kasi manda ba kad bo, munda me wo sime biko bi bad ban dus nde. ²¹ Tel lil mfum li duil ne: kwe, munda me ayi ntum ntam, ku kel bad win kal bayuda. ²² Bad ban ba kel ba yuu Pol ani kwel le mwe manda ma bad ban bawin kal bayuda, yako liba be imo munda nde afen we mu ibud zing. ²³ Bo li ba isa lisuu, li ba be ikiel biko ani iloso mufud ku ngi. ²⁴ Mfum wo suda le mwe ni ba sa Pol mu nzo bo, ba muwa fim, munda nde mo munda nki ba mufin. ²⁵ Li ba mukes misi munda ba muwa fim, Pol lefil mfum wo ba suda ban ba kel yako, bin likel ani nswa mu ibed mud wo zing ku Rom fim ked ne bin abuu limusim we? ²⁶ Tel ayuu mfum wo ba balda manda man lefi ful suda wu mu kud ne: nzi akid nki? Munda wu akel mwaan nga bila bi Roma? ²⁷ Yako mfum wo ba suda le yi fiel Pol: Pol ni: ee. ²⁸ Mfum wo ba suda wun le mwe ni me wi nzi amfun manda nto mund antod ye imfum ki Roma, Pol ne: mi kel mud wo ntod ye imfum nkin safa ba bwid me. ²⁹ Tel liso li bad ban ba kwim ibed mfum, li ba nki ya ko, mfum wo bolda akel mu bum, munda bin liyeb ni mundu wun wo kes ndi minot akel mud a nto ye imfum ki Roma ³⁰ Mu nsu lil lwin, mfum wo ba suda a kwin iyab ku ibwed-ibwed munda nki bayuda ba ya munu Pol, munda ikobun nde aba lil, mu ikiel Pol mu miniololo, yako nde le lil ba nkud ba banga-Nziem ani bad bo baso mu imvuu ki nene ki ba yuda munda ba bwan, yako nde le nswel Pol ku kel bo.