¹ Nde le twe ku Icone ne Pol ani Balnabas li ba kwed nzil mo mu nked a nzo-Nziem ye ba yuda, li ba mwe mu mpil mo ne ba yuda ba fhun ani ba Gelek li ba kwikil. ² Si ba yuda baba wun lemfuko li ba bawi mpud ku kel ba mpan, ani iku ba wa nswen ku kel ba kuun. ³ Li ba kel ikokun tel li lee, ba mo andi ilal kio iso mu ngol ye Nziem, ani ita imbang mu nsia ye lizol linde. Nde akid mio min mu iwa nzil ne bidiim ani bi mpa bi salam mu makuu ma Pol ani Balnabas. ⁴ Si mbee li ba ked mu bitshul biel; itshul imo ku nto ye ba yuda itshul inkim ke ba ntum. ⁵ Tel asi vuun ba mpan ani ba yuda munda ikisi ne ba mfum ba bo ba niokol ani idus Piel ani Balnabas mu maman(mankuun). ⁶ Bo ba li ba ba liel, bo li ba bed mu ma mbee ma Lycaoni, Lystle ani Delbe ani mu manto-manto. ⁷ Ikoku ku ba fi long bo nda Nziem. ⁸ Ku Lystle, mud mumo akele abwi-nsi, nga makol ifhu, ikad ba ya ba bwid nde. ⁹ Mud wun le ywil Pol amo. Pol le mutel, le mwen ne mud wun akele andi likwikil ne nde awu-wam. ¹⁰ Akoyan nde le mu liel munda ye ngol ne:" Bwa-nsi ya ngie makol ma nze yan nde le pwimi le be ikwe. ¹¹ Tel ba mwen bad man ma kid Pol, bo li ba ti milaal, li ba mwe mu munwa wo bad ba Lyaconi ne:" Bi nzi-Nziem bi yi kimin ku kel bis mu mpil ye imud. ¹² Bo li ba yemen Balnabas " Zeus" Pol: " Melcul" munda nde akele ku nkul ye bo baso mu imo. ¹³ Nga Nziem wo Zeus wu kel ne, nzo Nziem a nde ikele ku nto ye mbee, le yi tswal ba ngwem ani mishi mi ba mpaan mu ma mwiil, nde ani ibwil kin ba zwele ba wa kab. ¹⁴ Si tel a ywil ba ntum ba : Pol, Balnabas, li ba keel biko bi bo, li ba win manan munked a ibwil ibad kin mu iko ta milaal. ¹⁵ Ba mo ne:" Bad ba, munda nki bini li kide kabu? Bis si likel bad andi ma nzal mo maso amon ne bini , bis li yi litswal nsia mbwed, yi kel ne mu nzil ye Nziem mumo wo mwe, nde wun wo kes yul ani maan, nzel ani bilo bio biso bikel muko. ¹⁶ Mu ma tel mama lwid, nde bo wi nzil ku kel bad bo baso ba ntod mu iluuno ma nzil ma bo ba ngako. ¹⁷ Ansa bun bu ba yese bo mu ita imbang ke bun bo kel nde, mu ikid manda ma bwed, mu iku liwa ma mvul ani mitsa mimi lwinene, mu iku bi dis ani iwilis mikol mi bini mu isse. ¹⁸ Ansa bun bu kel manda ma Pol ani Balnabas ma kwi we mu iku ba tswu mu iwa makab ma bo. ¹⁹ Ba yuda baba mo ba Antioche ani ba Icone li ba yi, ibwil i bad kin li ba ywil. Li ba dwis Pol mu mankuun, li ba lwum mu nkwa bila, ba yebe ne afhi. ²⁰ Si tel a win ba longok munkwa nde, nde le tswid le kwed mu mbee. Tsu lili lwin, nde le win ku Delbe andi Balnabas. ²¹ Ku ngwel a ilong nsia-mbwed mu nked a mbee yin, ba fhun li ba twe ba longok, bo li fidi ku Lystle, ku Icone ani ku Antioche. ²² Bo ba yese we mu iwa ngol ko kel ba longok ani iku ba wa inkes, mu ikas mbwun mu likwikil mu imo ne:" Mu nzil ye mangul mafhun ma likod bis mu imfum i Nziem." ²³ Tel asi nde ba kwud mu bimvuk bio biso be ba Klistu, ku ngwel isaam ani isal abanz ke i wun dia, nde le ba wi ku kel Mfum wun wu ba kwikil bo. ²⁴ Kobun bo li ba sebe ya Pisidi, li ba twe ku Pamfyli. ²⁵ Li fi long nda Nziem ku Pelge, li ba kimi ku Attali. ²⁶ Iko kun, bo li ba fi kas maswa ku Antioche iko kun ku ba ba twim mu lizol li Nziem munda isal ki ba sel bo. ²⁷ Tel ba twe bo ku Antioche li ba yemen bad bo baso, le ba tshil bilo bio biso be sel Nzieme andi bo, mu isuu isi nki nde afyil nzil ye likwikil ku kel ba mi mpan. ²⁸ Bo li ba shiel akoyan tel li lee andi ba longok.