¹ Mu libund le Antioche ikele ba mbang ani ba long ba: Balanabas, Simon(wun wu wuba yemene mud ndom), Lusius( mud a bila a silen), Manaen(ndu wo nfum Helod), ani Saul. ² Tsu limo li baseme mfum Nziem ani ima idia ani mu isaam nde, mpev ye Nziem liyi ba liel ne: " Ni kiele Balnabas ani Saul munud iko sal isal isal kin ke ba swil mi." ³ Tel li bame idia li ba sem Nziem iwi, li basi Balnabas ani Saul makuu, si li baba swi mu ikwe. ⁴ Mpev ye Nziem li twim Balnabas ani Saul mu ikwe ku bila bi Selesia. Kun li ba kwed mu maswa ti ya ilib ki Shiple. ⁵ Li ba kele ku bila bi Salamin, li ba mwe manda ma Nziem mu nzo ba yuda ba kele ani Zwan Malko wo ba lwine. ⁶ Tel li lwid bo ilib kin kio iso, liba ito ya bila bi Pafos, kun li ba siba ngaa mumo, nkwum a nde Balyez, a kele muyuda. Nde si akele mbikul wo bimpal. ⁷ Akele mud wo Selgius Paulus wun wo kele mfum a ntod munen, wo mayel wo ilib kin. Saul le yemen Balnabas ani Saul munda nde a dzwel ayu ntsia yi Nziem. ⁸ Si ngaa wo ta ngum wu Elimas( nkwum a nde ikel mu i Gelek), a se mia ani bo, nde a see mu mpil ne mfum amaa malong mabo man. ⁹ Saul wun wu ba yemene Paul le wil ani mpev a Nziem, nde le tel ngaa ku ibwed ibwed nsil, ¹⁰ Kobun nde le mwe ne :" Nze awil ani manda ma bimpal ani manda mama bi ma mutin ani mutin. Nze kel mwan a satan, nze kel mben a manda mo maso mama bwed! nan nze ayesel we mu ibebes manzil ma mfum Nziem? ¹¹ Wo tel li, mfum le ibed, madis ma nzi ma ifha, nze abo bud mon we mwil ti mu tel lin le si Nziem ." mu tel lolin Elimas le be imon lipyib ku madis, kobun mpyib ingol li mubwil ku mis ,nde le ba idid nto ani nto mu isa na mud wo fen musin mu kuu a mutswal. ¹² Mfum a itswil i ntod le mwen man mama lwid le kwikil, nde le yibi ngol mu malong maba lwenge munud a mfum. ¹³ Paul ani bandu ba nde li ba kwed mu maswa saba ku Pafos munud ikwe ku bila bi Pelga mu ntod a Pamfilia. Si Zwan- Malko le ba shis yan, nde le fidi ku Yelusalem. ¹⁴ Paul ani ba ndu ba nde, le ba fi saba ku bila bi Pelge li ba twe ku Antioche bi Pisid. Kun li ba kwed mu Sinagog mu tsu li limen li ba bwes. ¹⁵ Ku ngwel ites mi nsig ani mi ba mbang ba mfum ba sinagog li baba twimis ndaa le mwe: ba kuu ka ne likel ani mita mi iwa ikes ku kel bad, li ba liel." ¹⁶ Paul le tswid kabun le sel idiim ku makuu ma nde le mwe: " Mud wo Isaêl ani bin ba li ya sel likum li Nziem, ni wa! ¹⁷ Nziem wo bad ba Isaêl a pwen ba nkaa ba bis munud ba bud ba to ba fhun mu tel li ba kele mu ntod ye Engipit, kubun ku makuu mande ma fili liba tswi. ¹⁸ Le ba kieb mu nsee-nkam mu ba mvul ma kwim mana. (mu ma nvul kwim a mana nde ba kieb mu nsee-nkam.) ¹⁹ Ku ngwel a idus mala nsa-mwel ma ntod ye Canan, le did ku kel bad ba bis ntod ye kele invwam ibo. ²⁰ Man mo maso ma lwid ku ngwel a ba mvul ma nkam mana ani ma kwim ma taan(450 ans). Nziem le did ba zug ku nwele man mo maso, ti ko kel mbang Samuel. ²¹ Ku ngwel bad li ba lwim mfum mu mo, Nziem le ba wi Saul, mwana a kis, mud wo kaan li Benjamin mu ikal mfum mu ba nvul makwim mana. ²² Ku ngwel Nziem le mu bid ku imfum, kobun le pwen David mu ikal mukud a bo. Ikele ku kel David Nziem a mwee: "me mwen David mwana Isaw mi ikal mud mu mpil a mbwun a mi wo kid man mo maso ma nzwel ne nde a kid." ²³ Ku kel ba baba bwitam kel mud wun Nziem le tswel mwud a silales ku Isaêl, Yesu, bo mwe mu isal. ²⁴ Mo man ma lwide mu tel le win ya Yesu, Zwan a kele along bad bo baso ba Isaêl ne ba sob ma mbwuun. Ba wol si mbotik. ²⁵ Tel le tu man Zwan malong mande, nde le mwe ne: " Bin ni ya tiemen mi nkel na? Mi nkel we nde wun. Si ni yu, ni tal mud wun wu ni dzele aya ku ngwel ami, me fen we mu ikiele ma pab mama kel ku makol ma nde. " ²⁶ Bin ba kuun ba ba li bwid mu kaan li Abalayam ani bi baba ma ba likel ya munud a isaam Nziem mbel mo ani ba yuda: Nziem a li twimis bis nshaa yi munud bis li bik (guluk). ²⁷ Munud bad ba Yelusalem ani ba kwud ba bo, ba yeb we Yesu. Bayeb we manda ma ba swen mu mukaan wo ba mbang mi ba tese kons tsu liba peme. Lo line li ba mufini li kwisi manda man. ²⁸ Nso ba mwen we itin i manda ki ba mu fun munud ba mu dus, si ba lwim kak ku kel Pilate ba mu dus. ²⁹ Tel li ba kwis man mo maso ma ba swene mu mukaan wo Nziem munda nde, li ba mukiele ma nkulus, kobun li basi musa ku ma mpiem. ³⁰ Si Nziem le mu wisil mu lifhu. ³¹ Ma tsu ma aye ngha ku kel bad ban ba wine ku Ngalil ku Yelusalem. Bad ban ba kele ba mbang ku kel bad ba kim. ³² Tel li bis ya liyi tswal nsia mbwed mu man ma mwe ba nkaa ba bis. ³³ Nziem bo shim manda a bis, ban ba nde, le wisil Yesu ku lifhu. Lo line le swene mu bisham bi ywil :" Nze kel mwaan a mi, nan bu mi ya ntwe tad a nze. ³⁴ Inkimi munud a mu wisil mu lifhu munda mud inde ika bad fha, a mwe nzine ma: " me aliwa mu santu ani lisakumun li David." ³⁵ Kobun nde le bud moo mu isham ki mo:" nze a yesel we mud anze mu ibol." ³⁶ Munud David a kwisi man ma ken ku kel Nziem mu lidzol li nde, ku ngwel le fhi. Ba mudzii a nto-nto ani ba nkaa ba nde, kobun nde le bwel. ³⁷ Si mud wun wo wisil Nziem mu lifhu a bwel we ³⁸ Ako bin ba kun ni yab ne ku ngwel a mud wun ndolol ye masum ba liliel. ³⁹ Bin li fed yab ne mansik ma Moyize makele we ma ikiele bad mu impik ke masum. ⁴⁰ Lo lin bin ni keb ka ne we man ma mwe mbang maya ni bwil. ⁴¹ Li tal bin bad ba li nia mi, bin li yibii, ni fha munud me sal mu tel li ni kel bin manda man ma ni win kwikil bin nso bi tsii, ka ne mud a ni liel we. ⁴² Mu tel tswie Pol ani Balnabas mu nzo Nziem, bad baba bwene ne: bin ni bud ya tsu likim li ipem li ya ku nkul, munud iya li liel manda ma. ⁴³ Ku ngwel a bisam bad ban baba bwidi ba yuda ani ban mba twe ba yuda li ba lwin Pol ani Balnabas. Akoyan Pol ani Balnabas le swelel ani bo, li baba bwene mu idzing mudis libwed le ba tala Nziem . ⁴⁴ Mu tsu li ipem lili lwin, bila bi mutsin li ba bwes mbel mo munda iyu malong ma mfum Nziem. ⁴⁵ Tel le mwen ba yuda bad ban li ba kwed impal ki ngol ku mbwun. Liba bee ima man ma mwe Pol, liba bee imutu. ⁴⁶ Kobun Pol ani Balnabas le ba liel ani ikes kio-iso ne: " Nziem a dzwel ne iso bis liya liel nshia nde ku kel bin. Si bin ya nime. Bin ba ngako ni ya mon ne ni kwi we mu ibid mwi wo nvul ani nvul. Tal, bis ya beme ku kel ba mpan. ⁴⁷ Munud Nziem le liswi kobun:" Me a isi munda nze kal mwil wo ba mpan ( bad ba masum), munud igulus bad bo baso baba kel mu nti ntod. ⁴⁸ Tel le ywi ba yuda kobun, ba kele mu kies ingol li ba bee iwa likum mu nkwum a Nziem. Bad ban baba pwenam mu lidzing li mvul-mvul li ba sepel. ⁴⁹ Nsiaa ye mfum Nziem iwene ndam-ani-ndam nto-ani-nto. ⁵⁰ Bun ba yuda li ba bee ishini bad, ba kad ba nkim ban baba seme Nziem mbel mo ani ba yuda, ani ba kwud ba bila. Ba bie bad munud Pol ani Balnabas ba yuu nswen kobun li baba byi mu ntod a bo. ⁵¹ Pol ani Balnabas le ba kwisil man mama kele ku makol makol mabo, mu isu bad ban ne yaba kebwan ani bo, lo lin li ba win ku bila bi ikonem. ⁵² Bun ba longok ba kele mu kies ani mpev a santu.