¹ Mu tel liso lin, Mfum Helod le si makuu kukel bad ba bamo muibwil ibad munda mu iku ba niokol. ² Nde le a duis Jacque mukuun Zwan mu mbiel ye mpel. ³ Nde li mwen ne, ba yuda basem, nde fudu le kwed Piel. Ikele matsu ma ikid mampa ma win vinu. ⁴ Kungwel iku mu kwad nde, li ba musi mu bolok,li basi biluu mina me ba suda, kons muluu, ba suda bana,munda mu iku mu keel . Ngin a bo a kele ne bo ba musuu ku nkul ye bad bo baso kungwel ye fed le pâque. ⁵ Akoyan, Piel li ba muswi mubolok, si imvuk isaam Nziem ngol munda nde. ⁶ Tsu le nde le iku muswi ku nkul bad bo baso, Piel a lele ya nked a ba suda bwel, ba mukes minod mile ani bad bwil ba mukeel. Ku nkul ye ifyi ibolok ba mukeel. ⁷ Tal li: wanzio mumo wo mfum be yi bisuu mu mbal mo, mwil le bel munkrd a bolok. Nde le bed Piel mu libes, bike-bike, le mu wisil, mu iku mu liel ne:" Wusuu mbal-mo." Kio kin nde ya le wisi minod min mi ba mukes, mikyi ku makuu. ⁸ Wanzio le mu liel ne:" Bwad biko bi nze ani masapat." Piel le bwed. Wanzio le mu liel ne:" Bwad kazak, ya yaduun!" ⁹ Piel le lwin wanzio, nde le tswi. Nde a yiebe we ne manda a kide wanzio makele ibini, nde a yiele ne mu ileel. ¹⁰ Tel ba lwid bo ifyi ke iso, ke ywel, li ba twe ku ifyi kee ibende, kin kikel munkwa mbee. Ifyi yan ifiele kio ngako ku nkul ye bo. Nde le tswii le kimin mu nzil ani wanzio. Kungwel nde le mu shis. ¹¹ Tel ayi fudu Piel ku kel nde, nde le muliel ne:" Me mwen ne ibini Nziem a mu twim wanzio nde ani iku nkiele ku kuu le Helod ani si ba yuda bo baso baba mu zele nde. ¹² Kungwel a kid manda man mo maso, nde le win kunzo ye madia (malia) ngwa wo Zwan, ba mu yemene Malko, ba klistu ba fhun, liba bwi mi mbel mo a koyan ba saam. ¹³ Tel ba bede bo ifyi, mwaan a isal wo mukaad, nkwum a nde Lode, le yi fiele. ¹⁴ Tel a ywi nde ne nda yin ye Piel, nde le pwimi mu isse, nde le djmin mu ifiele ifyi, le bed manan munda mu iku ba liel ne:" Piel akel ku nkul ye ifyi ke lipang. ¹⁵ Bo li ba mu liel ne:" Nze kel mubiel mishu." Si nde a bud -liel fudu ne ikel ibini. Bo li ba liel ne:" Wun wanzio wo nde." ¹⁶ Si Piel a lwin mu ibed, tel li ba ifiele bo, bo li ba mwen, li ba be mu yituk. ¹⁷ Piel le ba swi idiim ku kuu linde, munda bo ba kaan mu imo, nde a ba liel isi-nki mfum a mu tisil mu bolok. Nde le liel ne:" Li ku ba tshil manda ma mo maso ku kel Jacque ani ba kwun ba nde kungwel, nde le kyi, le win mbel nkim. ¹⁸ Tel a kie bwis, manteden li ba bwi ba suda ibo-ibo mu man mama tel Piel. ¹⁹ Kungwel Helod ya fi musa, ba mu mwen we. Nde ya fwil bad baba keele bolok, le ba twim ne baba kwad. Kungwel, bo li ba kimin ku yudee le Cezalee ani iku kal iko. ²⁰ Helod a kele mu mpud nsil ku kel bad ba Tyl ani Sidon. Li ba yi bo baso ku kel nde. Li ba mu liel Blaste, nde le ywil. Mud wun wo tala mfum, mu iku ba seles. Kungwele bo li ba lwim ngemb munda ntod a bo iwele bilo be idia ku ntod ye mfum wun. ²¹ Mu tsu li ba ken bo, Helode le bwed biko be imfum, le bwi-nsi ya ngie kid ke imfum, le be iku ba liel manda ma ntod. ²² Bad li ba ti milaal:" Yo yin ikel nda ye Nziem si kel we ye mud!" ²³ Mbal mo, wanzio wo mfum le mubed munda nde awi we likum ku kel Nziem. Ba niam li bo mu tsid nde le fhi. ²⁴ Si nda Nziem ikwe na ku nkul ani ibud mutel. ²⁵ Balnabas ani Saul, li ba men manda ma bo ku Yeluzalem. Li ba fidi iko kun, li ba win nzil mo andi Zwan wu ba wi nkwum inkim Malko.