¹ Bantum ani ba kuun ba bakele ku Yudée, li ba ywil ne ba mimpan si baywil nda Nziem. ² Tel a win Piel ku Yelusalem , ibwil bad baba kwikile ba mu lil, ba lielne: ³ " Nze afi vuun andi baba wun zolo isaam Nziem, nze ya di andi bo!" ⁴ Si Piel le be mu iku ba tendul nda yin mu bi tshul, le mwe ne: ⁵ " Me akele mu isaam mu mbee ye Joppée, me li mwen amon ne ku tol,iko inen ke mpemb, ifi ku yul mu masool ma na. Li ya kimin nto akele me. ⁶ Me lili tel, li bud tal imbe-imbe, li mwen ba niam ba nga makol ma na mama kel mu maan, ba niam ba nga makol ma na mama kel mu maan, ba niam ba musud, ba ba laba mu maan, ani ba nwin ba yul." ⁷ Kobun me li nzwil nda mo andiel ne:" Tsud, Piel dus, dia! Me li mfidil ne: ⁸ " Lo mfum, munda nto ilo imo we ke mbyin ani ki nga masum, iman kod we mu munwa me." ⁹ Si nda nkim li ibud mo sa fa ku yul ne:" Bin bi mwen Nziem ne bi kel bibi bwed, kaan iku bi mon ne bikel bibi mbyin." ¹⁰ Mo man ma lwid mbal tud, kobun bilo bin bio biso li bi fudu ku yul. ¹¹ Tal bad ba tud, ba tswid ku nkul a nzo yin yi likale bis, baba twim ku nkel me sa fa ku Cesalee. ¹² Mpev li intwim mu ikwe andi bo iwine iku bikab. Ba kuun ba siaman ban li ba win andi me, lili kwed mu nzo ye mud wun. ¹³ Le be iku li tshil isi nki nde a mwen wanzio mu nked a nzo nde a mu liel ne:" Tum bad ku Joppée, mu yemen Simon wu ba yemene ne Piel, ¹⁴ Nde iyi wu wa nsia mo yin yi kel ne nze ani nzo nze li gu-guluk." ¹⁵ Tel li mbe me mu iku ba liel, mpev a santu le yi kimin ya ngie bo amon ne le ikimin yo ya ngie bis ya iso. ¹⁶ Me ya i nzibi nda ye liel Mfum a Nziem :" Zwan a botike mu mania, si bini ba li botik mu mpev a santu." ¹⁷ Kyi, Nziem a ke a ba wi kab lo lin limo amon ne bis ba li kwikile ku kel Mfum Yesu Klistu, me akele na mu imee Nziem? ¹⁸ Li ba ywil bo bilo bi, li ba kes minwa ani ikumis Nziem mu imo ne :" Nziem bo sweb ma mbwun ku kel ba mpan munda ne bo si ba zwa lizing. ¹⁹ Kyi lo ban baba tseme mu nked a Yelusalem itsin iniokol ki ibee mu lifhu le Etienne, li mi win ti ku Fenicie, Cyple ani ku Antioche. Li ba keb nsia-mbwed na ku kel ba yuda . ²⁰ Si ba mo munked a bo, baba fi ku Chiple ani ku Cylene li ba yi ku Antioche ani imo ku kel ba Gelek, mu iku ba tshil nsia-mbwed ye Mfum Yesu. ²¹ Kuu li Nziem li kele andi bo, ani bad ba fhun, baba kwikil ani baba sweb ma mbwun ku kel Mfum. ²² Ma nsia man mama tel bo, li ma yi to ku nzo Nziem ye Yelusalem, li ba twim Balnabas ti ku Antioche. ²³ Tel a twe nde ani imon lizol li Nziem, nde akele mu isse, le ba wi inkes mu inam ku kel mfum mu mikol mi bo mio miso. ²⁴ Munda nde akele mud mu bwed, a wil andi mpev a santu ani likwikil. Bad ba fhun li ba si vuun andi mfum. ²⁵ Kobun, Balabas le win ku Talse mu iku wol Saul. ²⁶ Tel a mu mwen nde, le yi mutswal ku Antioche. Mvul mumo wo mutshin, li ba si vuun andi li bund ani ilong bad ba fhun. Ikele ku Antioche ku ba yemen ba longok, ba Klistu mu mbal ye iso. ²⁷ Mu tel lin ba mbikudi li ba fi ku Yeluzalem, li ba win ku Antioche. ²⁸ Mumo mu nked bo, nkwum a nde Agabis, le tswid mpev le muliel ne:" laam li ku kod mu mukil. Mio mi, mi bwi mu imfum ke Ilod(colot). ²⁹ Ba longok li ba tsid mu itum mu mpil ye izwa i bo, lisalis ku kel bakuun baba kel ku Yudee. ³⁰ Bo li ba kid kobun, li ba twim nzim ku kel ba kwud, ku makuu ma Balnabas ani Saul.