¹ Yiŋtsi mi ɖola le ɖo nutsiwo mi se ŋtsi, kudo vɔvɔ be mi ŋgbe djo le wo gbɔ. ² Ke , nɛ mawudɔlawo manyɔ wa yo dɔ ɖe, yi nɛ yo sedjidada kudo tomaɖomaɖo xɔ fintu djɔdjɔɛ, ³ lede milawa asi nɛ mi wa ɖiɖɔ le xɔxɔgan tsɛ ŋtsi, tsinɛ Axoetɔ lɔ yi yini amɛtutugban tsi nui yi amɛtsiwo tsan se lɔ ɖokpedji, ⁴ yi Mawu zindji kudo djesi, kudo amliman nuwo, yi nukunu gbogbowo, kudo Gbɔngbɔnkɔkɔɛ yo nunana tsi man kudo yo lɔlɔnu . ⁵ Le nyawomɛ lɔ, ŋde mawudɔlawo yi mawu djibe wa sɔ anyigban tsi gbɔnɔ lɔ de asi nɔ. ⁶ Vɔ amɛɖe ɖi ɖase tsɛ: Mɛɖe yinyi agbetɔ, yi Ola ɖo ŋkuvii, alo amɛgbetɔvi be nasɔ belele nii? ⁷ O ɖiɖi vitukuiɖe le gaxoxo viɖe mɛ ɖo mawudɔlawo gɔmɛ, Osɔ bubu kudo ŋtsikɔkɔɛ sɔnii, Osɔ enuwo kpata sɔ ɖo yo afɔgɔmɛ. ⁸ Tsi Mawu sɔ nuwokpata nii lɔ Ŋde gble ɖekpekpe ɖɛɔ. Vɔlɔ mi ŋde kpɔ le kpɔkpɔɛ Ɔ be wosɔ nuokpata sɔdo wo gɔmɛɔ. ⁹ Vɔ amɛtsi yo bɔbɔ gaxoxo viɖe kpo ɖo mawudɔlawo gɔmɛ, Yesu, mile kpɔkpɔɛ Ɔ kudo bubu kudo ŋtsikɔkɔɛ le eku tsi kpefun kpe ŋtsi, be to Mawu yo amɛnuvevemɛ lɔ ya kpe eku yo fun ɖo miakpata ta. ¹⁰ Ɖo amɛtsi ta yi nuwo kpata le ɖo, amɛtsimɛ nuwokpata to va lɔ, amɛtsi kplɔ viwo kpata yi ŋtsikɔkɔɛ mɛ, edjɔdji nɛ be yasɔɛ ɖo gan to yo fũkpekpe mɛ ɖo miata. ¹¹ Ɖoŋtsi amɛtsi kɔnɔ kudo amɛtsiwo ŋtsi wokɔ lɔ so amɛ ɖeka mɛ. yi ŋtsi enu ŋde kpĩnii be nɛ yayɔwo be nɔviwo, ¹² tsi to be: Nanu nyikɔ tɔwo nɛ nɔvinyɛwo, Nakafuwo le amɛhalɔ dodomɛ. ¹³ Yike: Nasɔ nekenyɛ nao. Yike: Enyɛ ke, enyɛ kudo ɖeviwo tsi Mawu sɔ nam. ¹⁴ Yiŋtsi lɔ, nɛ ɖeviwo tsan kpɔnɔ gomɛ le ŋtsilan kudo ehun mɛ lɔ, yiŋtɔ tsan gbɔ gomɛ le mɛ , be , to ekumɛ lɔ, yatsrɔn amɛtsiɛ kpɔ ŋsin ɖo eku dji, legba, ¹⁵ yi yaɖe amɛtsiwo le wo agbemɛ ŋkekewo kpata mɛ tsi ekluvi me yi le vɔnvɔn kɔ nɛ ku. ¹⁶ Kudo kankanɖodji lɔ, ŋde nyi mawudɔlawo ŋtsi yiva be ya kpeɖo, vɔ Abraham yo djidjimɛ. ¹⁷ Yi ŋtsi yile veveɖe nii be ya ɖii nɔviɛwo le nuɖekpekpe mɛ, be nɛ ya nyi ŋzizikpɔla wo avɔsalagan yi yanyi nutexoe wɔtɔ dɔwɔtɔ nɛ Mawu , be nɛ yale avu to yo huan mɛ ɖo dukɔwo nuvɔn ta; ¹⁸ ɖo, tsi yi kpefun to tetekpɔwo mɛ lɔ, ela tinŋ hɔ nɛ amɛtsiwo le tetekpɔ mɛ.