¹ So gbeɖegbe yi le mɔ vovovowo nu lɔ, Mawu xonɔ nu nɛ mia tɔgbewo to nyɔnuɖɛwo dji, ² vɔ le yeyiyi kpɛtɛwo mɛ lɔ, ele nuxo xoɔ nɛ mi to Viɛ, tsi ɖo tsinɔ ɖo nu ɖesiaɖe dji, amɛtsi dji yito han sɔ wɔ xixeɛ, ³ yi yinyi yo kinklin kudo yo nɔnɔmɛ kpata, yi yile nu ɖesiaɖe to yo ŋsin nyalɔ dji. Yi yiklɔ nuvɔwo ɖoɖa etsimɛ yinɔ anyi le Tɔlɔ yo lɔ ɖusi mɛ le texoe kɔkɔwo, ⁴ yi yixo tanɛ mawudɔlawo yiŋtsi yixɔ nyikɔ tsi kpɔ gan wu wotɔ. ⁵ Ɖo mawudɔlawo ŋde ŋtsi Mawu tole be: " O nyi Vinyɛ, ŋdjɔo egbɛ? Yi ke be: " Nanyi Etɔ nii, yi yila nyi vi nuŋ? ⁶ Yi tsi sɔ viɛ tutugban ɖo ɖoɖa xixe tsɛ mɛ lɔ , enu be: " Mawudɔlawo kpata nɛ subɔɛ! ⁷ " Yi tsan lɔ enu so mawudɔlawo ŋtsi be : "Amɛtsi wɔ mawudɔlawo ayaxoxowo, yi yinu so yo subɔlawo ŋtsi be wo nyi ezo yo ɖe. ⁸ Vɔ enu nɛ viɛ be: " Axo fiɔzikpe, Õ Mawu, le tegbe; axo fiɔtiklɛ lɔ le djɔdjɔɛ; ⁹ Olɔn nudjɔdjɔɛ, yi Otsri nuvɔnɖi; yiŋtsi, Õ Mawu, axo Mawu si ami nɔn kudo djidjɔ yo ami le tɔwo domɛ. ¹⁰ Yi tsan: " Ewo, Axoetɔ, ewo yi wɔ anyigban lɔ le gɔmɛdjedjeɛ mɛ, yi djiŋkusiwo nyi axo alɔ yo nuyɔyɔwo; ¹¹ Ola tsrɔn, vɔ Ogbe nɔn anyi; wo ladoxo sigbe avɔ nɛnɛ, ¹² O laŋlo wo sigbe awu nɛnɛ yi wola ɖɔli; Vɔ wɔɛ lɔ Ogbe le sigbe san, yi ŋkeke tɔwo ŋda vɔ. ¹³ Yi le mawudɔla tsiŋde ŋtsi yi nule be: Nanyi ɖo axĩn ɖusimɛ, kaka vaɖo tsi nasɔ axo futɔwo sɔwɔ afɔkpatutunu? ¹⁴ Ŋ gbɔngbɔnwo yo nyi le dɔ wɔɔ nɛ Mawu, yi wo dɔwo be woa wɔdɔ sɔna amɛtsiwo la kpɔ gomɛ le ɖeɖekpɔkpɔ lɔ?