Burdet wa Simeon ¹ Bitke do we syesyar wa simeon bi wis i sisu ketke simeon su ketke si bi yewis i kadit Yehuda bi wis i. ² Suga ketke yewis re kadit Beersheba, Sheba, Molada, ³ Hazar-sual, Bala, Ezem, ⁴ Eltolad, Betul, Horma, ⁵ Ziklag,Bet-Hamarkabot, Hazar-Susa, ⁶ Bet-Lebaot si Saruhen; kota musyu gri si kampung ne. ⁷ Ain, Rimo, Eter, si asan kota at si kampung ne, ⁸ Sane desa bokyo karawa kota ne kadit de nobu nim Baalat-Beer,sor Rama komo nobu ket tepsu Simeon bi wis i si bi rus i ⁹ Tepsu Ketke Simeon wis ke kadit Yehuda we yehuda bi wis anato sye wa an mo Simeon wis ketke kadit Yehuda. (Burdet wa Zebulon) ¹⁰ Bitke do gri ma kadit Zebulon bi wis i sor komo Sarid. ¹¹ Monuiten ete an it taknobu ket sane an syidem syu yu mo dabeset mo em gato sye kadit Yokneam mit. ¹² Sese mo Sarid tak nobu nim tak de kam it tak nat gawas wa teislot tober mu tate Dobrat ete it mo Yafia. ¹³ Sane sar komo de kaam it sa Gat-hefer, Et-Kazin, tak Rimon,sane tak ide Nea. ¹⁴ Sese mone gere mu tate nobu nim Hanaton,si ormo bur Yiftah-El. ¹⁵ Kwo gato Katat, Nahalal gumdo,Simron,Yidala,si Betlehem sagato desa-desane,kota musyu gi dik sopwe. ¹⁶ Anato tepsu Zebulon bi wis ketke si bi rus ketke kota-kota ne si desa-desa. (Burdet wa Ishakar bi wis i) ¹⁷ Tepsu yewis kadit Ishakar,si bi rus we bitke do at tepsu Ishakar bi wis i. ¹⁸ An dakai bi bur anato Yizreel,Kesulot,Sunem, ¹⁹ Hafaraim, sion, anaharat, ²⁰ Rabit,Kisyon,Ebes, ²¹ Remet,En-Ganim,En-Hada,si Bet-Pazes. ²² Sese mone ye gwem yu mo Tabor,Sahazima,si Bet-Semes,si sese mo bur ketke Yordan ;kota musyu dik sop at si desa-desa. ²³ Sane tepsu Ishakar bi wis si sukdu taru su ketke mo kota-kota si desa-desa (Bur Det Wa Asyer) ²⁴ Bitke mumek wa Asyer bi wis i tepsu rus gebokyo. ²⁵ An dakai bi burdet mone anato Helkat,Hali,Beten,Akhsaf, ²⁶ Alamelekh,Amad,si Misal.An gwem yu mo kamsu ete me gwem mo kamsu mo bo Karmel kak de takde nubuket si Libnat. ²⁷ Momoiten ne brek tak nobu nim tak kam it gato Bet-Dagon,gwem sayu me Zebulon bi burdet Yifta-El mo de nobu Ket mo Bet emek si Nehiel,sane mu tak Kabul tak nobu ti. ²⁸ Sane Ebron, Rehob, Hamon,si Kana, sane mo Sidon sye. ²⁹ Sugane mo mit ne brete mo brek sane Rama, bene sa temo kota gato trat,Tirus,sane syese ne brek mo Hosa si hor mo im ne mona Akhzib, ³⁰ Uma,Afek si Rehob;kota musyue sokwe si desa-desa. ³¹ Sane tepsu ketke Asyer dakai bi wis i mo kota si desa-desa. (Burdet wa Naftali) ³² Naftali me bitke syesyar wam do mumat ne tepsu Naftali bi wis si bi rus si no komo ne dom. ³³ Bur det tak an kemone Helef, kadit kwe jati mo Zaananim,Adami-Nekeb,si Yabneel,sane sa Lakum,si ormo syur Yordan. ³⁴ Wom yo,mone brek mon de kamsu Aznot-Tabor,mone tat mo Hukok,gwem si ye Zebulon mo de kam bok, gwem si yede Asyer mo de nobu nim i sane mone Yehuda mo im Yordan,ne tak kam it mo nobu nim. ³⁵ Kota-kota gato wa os ne anato si tim,Zidim,Zer,Hamat,rakat,Kineret, ³⁶ Adama,Rama,Hazor, ³⁷ Kadesh,Edrei,En-Hazor, ³⁸ Yiron,Migdal-El, Horem, Bet-anat, si Bet-Semes; musyu dik sopmusi anato kota si desa-desa. ³⁹ Sane Naftali bi wis ketke tepsu ketke mo kota si desa-desa. (Budet wa Dan) ⁴⁰ Burdet mufit yowa Dan. ⁴¹ Sane burdet gato ye syo,Zora,Esytaol,Ir-Semes, ⁴² Saalabin,Ayalon,Yitla, ⁴³ Elom, Timna, Ekron, ⁴⁴ Eltek, Gibeton,Baalat, ⁴⁵ Yehud, Bene-barak,Gat-Rimon, ⁴⁶ Me-Yarkon,Rakon, sane karowa yafo. ⁴⁷ Yewis Dan ku sukye mo binat i sane yeko gato mo tu nggiwai kadit yewis Dan,sane yewis Dan mu wa si yewis Lesem. Ngguyu,sane an nggi wa i kadit Lesem sane an syun nje mone we si nyom oreteyo an kendo nat ne gumdo Dan Tepsu anbi amam bi wis i. ⁴⁸ Kota bokyo si bi nggwe gato mone ye syowa yewis Dan tepsu budik-budik si birus i dakai. (Burdet wa Yosua) ⁴⁹ Sane Yefun or fro burdet gedik wa syo mo Yosua po Nun mo yene degwem. ⁵⁰ Sane Yefun tomdo bere nun syo burdet sane an syo sagato Yefun Tomsu mo kota Timnat-Serah mo de Efraim kota re anato yene iwa sane Yosua dom fro sukngwa mo kota ne. ⁵¹ Sane bur det ketke gato yesyo mo yetu wis dete wis dite YeIsrael ne Yekwesu Eleazar, si Yosua nun an tepsu dik mo Yefun degwem mo nu gun mit ete an kido sureneyo or mo burdet re son.