YOSUA HOS YE WIS ISRAEL
1
TEPSU KEKE GANE YEFUN BI SUK TINGGI GATO NDO WA YE ISRAEL SUBE,E AN TINGGI SU WA ESWA JEKO GATO MU KAGIT UN YO NE, KAM GANE YOSUA KAYENG GELANG SUGOKWAE, WO NGGI WAI ORE,MO YE KONGGWA GATO MANE.
2
YOSUA KENDO YEKWESU NGWA GATO MO BUR ISRAEL NE MA,OR SINO ETE AN KI SUDU NAI DE NIR GENGGRAS YE KWASU SI YE HAKIM SI YEKWESU GATO FRO SUDU WA YE GATO DET SUMI SANE,DU NIN DA KAI FRO KAIUT WA NDO SOR WE AN KA YE NGGRAG E AN SUGO KWORE.
3
NANJE U GANE IT DAKAI ME SU MGWA GATO YEFUN BE NE,IT.MO KOMO BUR NGWA GANE OR SINO.WE YEFUN DAKAI BI SUK MI SE O I WAI MO YE TE NGWA NE RE,JEYO MI SE,ONDE.
4
NUN JAMDU AN CO YE WIS NGWA KEM TEPSU SUK SOK GATO KEM ONE YE WIS NGWA GATO KEM ONE YO TI, ONDE YE NGGO OR KAGIT NAT NEU.KOMO SEM EE MIT DOM,KOMO DE KAM BOK.MO SEM GUM.
5
YEFUN DAKAI GUMN YE GANE NAGIT AN SUGWEM WE YE WIS NGWA,GANE DAKAI KU SUK DU TEPSU GATO YEFUN TOM SU NE.
6
ME NAI SUK TINGGI GATO WA ME NGGI SU,ET MEN MEWA YE SUK GATO YE KOM NE SI SU NDO SANE SU BUR E NU YO BUK TAK DE CIMGE ATO DE CIM GAM ONDE.
7
SANE SU BUR E NUYO GWAT CIM SI SE YE WES YO YE WIS YO ONDE WE AN YO BI YE YEFUN N YO ONDE IT SI AN YO SOOM YEFUT YO ON DE WO AN KEM NOT SOR.
8
SANE SUK NGWE NE KE OR SINO MO YEFUN CIM RE TEPSU SUK NGWA GATO NAN DAKAI BE NE MA KOMO RE.
9
YEFUN DAKAI YAWA SUK NGWA GATO NGGI NE OR SINO WE JE YO NGGI MO NAT NE ON DE IT YE WIS NGWA GATO KEMO NE SI MO SOR.
10
SANE JE TO KADIK YO NGGI WA CUN SU BOT SUK NGWA NE NDE WE JE TU KEMO RIBUDIK GATO YEFUN DAKAI JOM WA NE DAKAI JOM WA JI YE KO TEPSU GATO YEFUN DAKAI DE WE NE.
11
SUK GANE SU SANGGE SANGGE SOR WE MAS TI NGGI GANE KOMO YEFUN CIM,SOR.
12
SANE NIN BUK SUK NOT GATO BI BIT NE,O ETE NU MA MO NU YE GGRA DI YO, O ETE BUR ETE SU SUK SU NOT NE.
13
NUN JAM SUK GANE SI SANGGO SANGGO WE YEFUN ALLAH YO YAWA NIN , ONDE IT WE YE WIS NGWA DAKAI JOM WA NE TEPSU SU SUK GATO NDO WA NU NDAKAI NOT MO NE.
14
SUK SANGGE NE BUR YO,O IT JO,MENKU OS GATO KOI IT NE YO NDO , ONDE TEPSU SUK DU GATO YEFUN KI NE ONDE, WE SUK NGWA NE YO TEPSU SU NDE.
15
SANE SUK NGWA MA SI SU NDO WA NU WA YEFUN BI SUK DAKAI AN ATO KI NE OND,WE SUK NGWA KAS SI NDO NE.
16
SANE NIN WAI MO SUKDU GATO YEFUN KI NE IT JO NIN MU SOM YEFUN YI YO IT ANE KAGIT YEFUN SANGGE NEWO NIN KU SUK YE NGWA MO KAM SUK NE MA RE.