¹ Sugane Yeraja Amori mwa ne kem mo syur Yordan de ket, ete yewis Israel anato kem karowa sem. Án sino jam sukdu do, bere Yefun ben syur Yordan sa. Syur do sa yewis Israel tok mo syur deta, sane yewis Amori yo nggi wa fut mu gu ye Israel nde. ² sane Yefun kinai Yosua do,nan fro jok re tepsu nyomgan wa nan kum ye Israel bisuk men danap rut we.nan ben satu o wam ke dowe o et. ³ Mo nat gato gum do,Gibeat-Haaralot ete Yosua fro nyomgan kadit jok, ete nan kum yeIsrael bi sukmen danap rut we. ⁴ Sukgato bento Yusua kum ye Israel bi sukmen danap rut we ne anato, Yebris gato sokmo yesukmise si yebris yi ne gato mu syesyar kadit bur Mesir. Sugane yewis ye Israel mu kadit bur Mesir re yebris gebokyo kwop mo os miten. ⁵ Ye mwa gato mu kadit bur Mesir ne, nje kum bi sukmen danap rut were, wo yegato bi im kemsu subot os ne nje yo kum bi sukmen danap rut nde to. ⁶ Tahun 40 ye Israel mu bot os gato kwe yo kom mo nde, sane ye Israel mwa kwop mo os mit. Sane dom yesukmise gato yo jam mo Yefun bi sukdu-i nde. Sane Yefun du fo mo àn Yefun ki do, Ye Israel yo kom mo burdet gato Yefun fro wa yewis ye Israel ne nde. Yefun tom su ye Israel bi amui do, bere Ji fro gato ses su susu si for rom ete Ji syo nai nin. ⁷ Sane pa gato bi im kemsu wari ne anato Yosua sum win bi yenggras. Pa be re anato Yosua kum bi sukmen danap rut we. Pa be gare anato nje yo kum bi sukmen danap rut nde we sugane yeIsrael mu bot os mo nat gato kwe yo kom mo nde. ⁸ Sane or we ete suno mo wisne an ansimo sunat gato kum anbi sukmen danap ko orete ankemo naf nemo numit sor angesino. Paskah Ket kemo Kanaan ⁹ Kamyoo Yefun ki sukdu wa Yosua,kamgare orete su kamgare jimus ndetyo kadi mesir neit kadit nindakaisor anganeit.nan kidar wanat negum kido Gilgal sor komo kamre. ¹⁰ Yeisrael gebok yo kemonuh mo gilgal anben paskah sunukwo mo nat gato yamo Yerikho su kam mosyudik sophat su amana. ¹¹ Sukam gane paskah ore ete angitsuk gato yakadit burgane orete sugit si fas gato an grei su. ¹² Sane ankemnot suma ben anato sukamga ikne angit suk kadiburne ye israel yo ku suk manao wa andom nde an git suk kadit bur Kanaan su tahungane. (Yefun kendo yepa sye si yek suk mise) ¹³ Orete Yosua kem karo wa Yerikho an sokwa nden ete ansokme yeyo ti mo an syu gwem sisu an njom nyom gato pedan ne sane yosua karo waan orete ndomo saredo anoo nangareanto ji bi yesyim bado yegafoben sukndi suiji e?". ¹⁴ Anki do yondere orete ji gare anato Yefun biye kwesu wa, sugane jima orete Yosua kem sumubur un an orete kido suma anato Yefun andai sare wa pa kwerut dakai kine?" ¹⁵ Kendo ye sukmuse gat kadit Yefune nai Yosua do tanggal gato nan las nan kwes sune we nat gato nantimo dor ityo ndo.orete Yosua dom benbot tepsu gato ye syogat wa ne.