¹ Wa Puchina tachuwinalh Moises chu Aaron. Chu xla wanilh: ² "Kakaputlakgá lakchixkuwin xkaman Coat xlak stipan Levitas, lata akgatunu xchik'kan chu xtachikikikán xa lak xamakgan. ³ Kakaputlakgatit putum lakchixkuwin tí kga lhi xak akgpuxmakaw chu xa'akgpuxumakaw kata. Umakgolh lak'chixkuwin natamaxtumikgoy xpalakata naskukgoy nak chiku tamakxtumikan. ⁴ Xkamanan xa Coat ma makgtakgalhkgoy putum cuantu xasantulan wantu wi kila nak chiki niku tamakxtu mikan. ⁵ Akxni tamakxtumin natakaxkgoy xpalata na tlawaparakgoy, Aaron chu xman natanukgoy nak chuki. na maktikgoy ama lilakgatlapan wantu mapapitsi niku lu xakasantulan chu niku xasantulan chu na liakgtlapakgoy ama lilakgatlapan ama arca xla talak'kaxlan. ⁶ Nali akgtlapakgon k'xuwa xkuti ama arca. Nachuna nakspumukakgoy xaspupuku lhakat. Na nawilinikgoy xa kiwi tu nalikukakgoy. ⁷ Na nastakgawakgakgoy ama lhakat xaspupuku xakgspun mesa niku wilikan kalanchu. Xkagspun lhakak xaspupuku nawilikan putum pulatu (Platos). kucharas, tazones chu xalu tu li'kamunukan. wa kaxlancha ankgalhin natolay nak xakspun mesa. ⁸ Nalitlapakgoy xa spini lhagat chu xuwa xkutí. Nánawilinikgoy xa kiwi wantu ná lilinkgoy xa mese (Puwilin) ⁹ Natiyayatit maktun lhakagat xa supuku chu nali akgtlapayatit ama limakskgo, putun tu pasakgoh chu xlichipakan, xa kgaxí, chu putum xputajun xa aceite xla limakskgo. ¹⁰ Nawilikgoy ama limakskagó chu putun tu tatamaklakaskin nak lilakgatlapan xuwa xkuti, chu nawilikgoy anta wantu napulinkgoy. ¹¹ Na'naliakgtlapakgoy maktum lhakat xas pupuku nak xakgspun ama pulakatay xa oro. Naliakgtlapakgoy k'xuwa xkutí, chu alistalh nawiilinikgoy xa kiwí wantu na lilinkgoy. ¹² Na'natiyakgoy putum limakaskujní wantu wí nak xakasantulan chu nalimakswitkgoy maktum lhakgat xa spupuku. Na liakgtlapakgoy kxuwa xkuti chu na nawikgon anta wantu napulinkgoy. ¹³ Natiyakgoy putum lhakaka' yalak pulakgatay chu na liakgputlapakgoy maktum lhakat xa pustapuwa xakpun pulakgatay. ¹⁴ Nawiligon putum limakaskuni wantu xla limakas'kukgoy nak anta kpulakatay anta niku pulinkan takuka: Wa uma tu tokay xkagpun pulagotní, chu putum limakaskuni xpalakata pulakgatay. Natiakgputlapakgoy kxuwa xkuti ama pulakgatay chu alistalh na wilinikgoy xa kiwi wantu naliku'kakán. ¹⁵ Akxni Aaron chu xkamanan pak'sa akgputlapakgonita nawan nak xa kasantulan chu putum tuku tamaklakaskin, chu akxni tamakxtumit Nata tsuwi. Chinachu xkaman Coat chuna naminkgoy kgoy kukakgoy ama xakasantulan. Chupara xlakan natokglhkgoy ama limakas kujni tu xasantulan, chinanchu nanikgoy wa uma xtaskujutkan xkaman Coat nakukakgon putum jalan wantu wi nak chiki niku tamakxtamikan. ¹⁶ Eleazan, xkgawasa Aaron wa ama pali wanti ukxila xa aceite xla makgskgolh. Chu limakinín lu xamuksu, chu ama taltsi wantu lilakgatayan chu ama aceite wantu lithawanakan wanti na makgtakgalha putum ama chikí niku tamahxtumikan chu putum wantu wi anta, putum limakas kumi nak xa kasantulan." ^{17 19} Wa Puchina tachuwinal Moises chu Aaron. ¹⁸ Chu xla wanilh: Ni kamastá talajasjin pi xtachiki Coat pi'nakamakganukan xlak sipan Levitas. Kakamakgtakgalhti, xpalakata xlakan nalatamakgoy chu ninanikgoy, akxni natlawakgoy uma. ²⁰ Ni tsinu tlan katitanukgolh xpalakata nankgoy ukxgoy nak xakasantulan, u nanikgoy Aaron chu xkaman wa natanukgoy, chu alistalh chatunu na kalagayawakgokan taskukutkan ama licoatitas, wantu xlaka xkatsikgy." ²¹ Wa Puchina santí tachiwinamapa Moises chu xla wanilh: ²² Katlawa akgtun taputlakgan lata putum xkaman Gersón, lata cha xtachiki xalak xamakgan, chu putun xalak chik'kan. ²³ Kaputlakga amakgocha ti kalhi xpuxumakaw na kitayáya ti kgalhí tipuxumakaw katá. Kaputlakga putum tiku namak'tanukgoy nat taskujun antak chikí niku tamakxtamitan. ²⁴ Wa uma xtaskujutkan xtachiki gersonita, akxni naskukgoy chu nakukanakgoy. ²⁵ Nakukalinkgoy ama lilakgatlapan xla pulakgachixkuin xla chiki niku tamakxmikan, chu liakgtlapawin, liakgtlapan kxuwa xla xkuti wantu lila'akgtlapanit chu lilakgatlapu niku laktanukan nak chiki xla putamakxtumit. ²⁶ Nakukalinkgoy lilakgatlapan xlak kilhtin, lilakgatlapan xálak tankilhtin niku ya lanka malakcha, wantu ya lakatsu nikuya chiki niku tamakxtumikan chu niku lakatsu ya pulakgatayan, chu lichiyatin, chu putum limakaskuní wantu liskujkan. Lata luku titlawakan uma liskujní, xlakan china natlawakgoy. ²⁷ Aaron chu xkaman napulalinhgoy uma taxkujut xlak stipan xkaman gersonitas, putum wantu xlakan nalinkgoy, chu putun tu naliskujkgoy, wix nakalakgayawaya putum xtalitaykan. ²⁸ Wa uma xtaskujutkan ama xlikachiki xkaman gersonita antá ama kchiki niku tamakztunikan. Itamar, xkgawasa Aaron ama pali nakapulalin nak xtaskujutkan. ²⁹ Wix na kaputtakgaya xkamanan xla Merari lata akgtunu xchik'kan, china titun nakalhka'kan lata akgatunu xtachikikan xlak xamakan. ³⁰ Lata xakpuxumakaw kata chu nakichan lata xa tipuxumakaw kata. Kaputlakga putum wanti na makgtanoy chu wanti na makg'skujkgoy nak nak chiki tamakxtumikan. ³¹ Wa uma xtalitay chu xtaskujut putum tu naliskuja anta nak chiki niku tamakxtumikan. Na makgtakgalhgoy lantla natalaknuy ama chiki niku tamakxtumikan, xa kiwi xatalayaw, chu tu nalaktaya, chu lichuptijun. ³² Chu xalayaw xalah kilhtin wantu listili ama chiki niku tamaktumikan, xlaktay, chu lichuptijun, chu lichitin, chu putum xalimakskuni. Katsokgwili xtakwini putum jamán wantu xlakan na kukalinkgoy. ³³ Wa uma xtaskujutkan xtachikikan xkaman Merari, wan tu natlawakgoy anta k'chiki niku tamakxtumikan, wa napulalin taskujut Itamar xkgawasa Aaron pali." ³⁴ Moises chu Aaron chu xanapuxkun xalak kachikin taputlakgakgolh xkaman coatitas lata cha xtachikikan xalak xamakgan. ³⁵ Taputlakgakgolh lata cha xakpuxumakaw kata chu lata xatipuxumakaw kata. Taputlakgakgolh putum wanti makgtanukgolh naskujkgoy nak chiki ni tamakxtumikan. ³⁶ Taputlakgakgolh akgtiy mil, akgtujun ciento akg tipumakaw lak'chikuwin lata akgatunu xchik'kan. ³⁷ Moises chu Aaron putlakgakgolh putum lák'chixluwin xtachiki xalak coatitas wanti k'skumakgolh nak chiki niku tamakxtumikan. Tlawakgolh chiná. Kalhagaxmat'kgolh wantu Puchina limapak'silh Moises na tlawa. ³⁸ Xkaman Gerson taputlakgakgolh lata akgatunu chik'kan lata xtachi'kikan xalak xamakgan. ³⁹ Lala xak puxumakaw chu lata xa tipuxumakaw kata, putum wanti na makgtanukgoy naskujkgoy nak chikí niku tamakxtumikan. ⁴⁰ Putum lakchixcuwin, taputlakgakgolh lata akgatunu chik'kan chu lata akgatunu xtachikikan xlak xamakgan, wankgolh akgtiy milh, akgchaxanciento akg puxumakaw. ⁴¹ Moises chu Aaron putlahgahgolh xtachikí xkaman Gerson tiku k'skumakgolh nak chikí niku tamakxmika tlawahgolh china, kgalhakgaxmat'kgolh wantu Puchina limapahgsinalh natlawa Moises. ⁴² Xkaman Merari wankgolh taputlakgakgolh lata akgatunú chik'kan lata xtachikikan xalak xamakgan, ⁴³ lata xa puxumakaw chu xa tipuxmakaw kata, putun wanti xamakgolh naskujkgoy nak chiki niku tamakxtumikan. ⁴⁴ Putum lak'chixkuwin, taputlakgakgolh tata akgatanu xchik'kan chu lata akgatuna xtachikikan xlak xmakgan wankgolh akgtutumilh, akgtiy ciento. ⁴⁵ Moises chu Aaron putlakgakgolh putum umakgolh lak chixkuwin, xkaman Merari. Tlawakgolh uma kgalhakgaxmatkolh wantu Puchina kalimapak'silh natlawakgoy watu Moises katatlawalh. ⁴⁶ China chu Moises, Aaron chu xanapuxkin xalak Israel puttakgakgolh putum wa Levitas lata akgatu xchik'kan lata akgatunu xtachikikan xalak xamakga. ⁴⁷ Lata xak puxumakaw chu xa tipuxumakaw kata. Pulhakgakgon putun wanti na tlawakgoy taskujut nak chiki niku tamakxmikan, chu tiku nakukakgoy chu namaktakgalhgoy limakaskujni nak chiki niku tamakxtumikan. ⁴⁸ Taputlakgakgolh akgtsayan milh akgkitsis ciento akgtatipuxum lakchixkuwin. ⁴⁹ Lata xlimapak'sin Puchina, Moises putlakgalh lata chatunu chixku, putlakgawililh lata chatunu lata pulakatunú xtaskujutkan wantu xlakgayakgolh natlawakgoy. Xa putlakgalh chatunu chixku lata tu xlakgaya na tlaway. China uma tlawalh, kgalhakgaxmat'li wantu Puchina limapakg'silh na ka tatlaway Moises.