¹ Lanchu wa uma xtalataman xkilhtsuku xa Aaron chu Moises akxni Puchina tachuwinalh Moíses antak'sipi nak Sinaí. ² Wa xtakuwinikan xkaman Aaron, Awankgonit Nadab xapuxku, chu Abiu, Eleazar chu Itamar. ³ Wa uma xtakuwinikan xkaman Aaron, wa paliní wanti kalak'sak'ka chu kalímapak'sika na skujkgol la palíni. (sacerdotes) ⁴ Cha Nadab chu Abiú nikgolh xlahatin Puchina akxní lilakgatayakgolh tanu lhkuyan wantu ni xlakchan anta nak xa kaskajni tiyat nak sinaí. Nadab chu Abiu ni xkalhikgoy kaman, china chu xman wa Eleazar chu Itamar skjunanikgolh la paliní chu Aaron xtlatkan. ⁵ Wa Puchina tachuwinalh wa Moises. Chu xla wa: ⁶ "Kalita xkilhtsukut Levi chu kamalakatsuwini wa Aaron la palí xpalakata xlakan na mak'tayakgoy. ⁷ Xlakan natlawakgoy anta xtakwini Aaron chu xlakata tlan nalitamakgtaya kuchikin nak xlakatin chiki niku tamakxtumikan. Xlakan na skujkgoy nak chiki niku tamakxtumikan. ⁸ Xlakan na makgtakgalhkgoy putum tu wi nak chikí niku tamakxtumikan, chu xlakan na makgtayakgoy putum xkiltsukut Israel laku nalinkgoy taskujut nak chiki niku tamakxtumikan. ⁹ Na kamakamastaya ama levitas nak Aaron chu xkamankan. Xlakan tamakamastakgonit xpalakata na kamakgtaya nataskujkgoy xkachikin Israel. ¹⁰ Na kamapak'kuiya wa Aaron chu xkaman la paliní, chu wanti xa la alakatunu natalakatsuwiputun ama xlinit." ¹¹ Wa Puchina xakgatlih Moises. Xla wanilh ¹² Kukxti, Akit ka'lak'tsaknit wa amakgolh levitas xlakg'stipan xkachikin Israel. Akit wa uma klitlawalh xpalakata ni nak lak'saká chatunu lak'chixkun xanapuxkun tiku lakachinin xlak'tipipan xkachikin Israel. Wa levitas kitapakg¿sinikgoy. ¹³ Putum kaman xanapuxkun kitapakgsinikgoy. Akxni ama kilhtamaku laku akit katalatlawalh putum xanapuxkun kamanan xalak pulataman nak Egipto. Akit kamapapitsilh kilakatá putum xanapuxkun xkaman Israel. Pulaktiy tachixkuwitat chu takgalhin. Xakan kitapakgsinikgoy. Akit wa Puchina." ¹⁴ Wa Puchina xakgatlilh Moises nak xakaska'ní tiyat nak Sinaí. Chu cla wa: ¹⁵ Kaputlakga xkamanan Levi latá akgatuna xchik'ka latá xchik'kan xlak xamakgan. Kaputlakga latá tikú kgalhí akgtum papa chu latá xlakg'kgolon." ¹⁶ Moisés kaputlakgalh, latá cha wa Puchina, lacha la limapakgsika na tlaway. ¹⁷ Xtakuwinikan xkaman Levi wankgolh Gersón Coat chu Merarí. ¹⁸ Xta chikikan wa xkaman Gerson wankgolh Libni chu Simei. ¹⁹ Xta chikikan xkaman Coat xtachikikan xkaman Coat xwankgonit Amram Izhar, Hembrón chu Uziel. ²⁰ Xta ckíkikan Merari wankgolh Mahli chu Mus wa umakgolh xtachikikan Levitas, taputlakgakgolh akgatunu xputawilhkan. ²¹ Xtachikikán libnitas chu simeitas minkgoyachu nak Gerson. Wa umakgolh xtachikikán xalak Gersonitas. ²² Putum lakchixkuwin latá xak'akgatunu papá chu xalak'kgolon wankgolh taputlakgakgolh kitayalh akgtujunmilh akg'kitsis ciento. ²³ Xtachikikán xlak gersonitas natulakgoy nak xpaxtun niku tsankgay chininí nak chikí niku tamakxtumikan. ²⁴ Eliasaf, xkgawasa Lael, napulalin xtachikí xkaman gersinitas ²⁵ Xtachikí Gerson xlimaktakgalhat ama chiki niku tamakxtumikan. Namakgtalhlhkgoy ama chikiki, xli taktlapat chu tu lilakgatlapan niku laktanukan ama chikí niku tamakxtumikan. ²⁶ Na namakgtakgalhgoy ama lilakgatlapa xlak kilhtin, lilakgatlapan xalak kilhtin niku laktanukan ama kilhtin tu listilí ama niku xasantulan chu ama pulakgatayan. Na namakgtakgalhkgoy ama xatasiw xla chiki niku tamaxtikan chu putum wantu wi antá. ²⁷ Wa uma litachikí nin kgoyacha nak Coat: Xtachikikan amakgocha amramitas, xtachikikan izharitas, xtachikilan xla hebronitas chu xtachikikan xla uzilelitas. Wa uma litachiki tapakgsinikgoy ama kgocha coatitas. ²⁸ Akgtsayanmilh, akgchaxan ciento lakchixkuwin ti taputlakgakgonit lata xakg akgtum papá chu xalak'kgolon xpalakata namakgtakgalhkgoy putum tu wi xla Puchina. ²⁹ Tachikinin wanti minkgoyyacha nak Coat na tamaxtumikgoy xkgalh pakgalhu chiki xla putakxtumit. ³⁰ Elizafan, xkgawasa Uziel, napulalin xtachiki li coatitas. ³¹ Xlakan na makgtakgalhkoy ama arca, chu mesa chu pumakgskgo, chu pulakgatay, putum tu wi xasantulan wan tu tamak'lakaskikgoy axni makaskukan, lilakgatlapan chu putum taskujut xkamaknin. ³² Eleazar, xkgawasa Aaron ama palí, naka pulalin amakgocha lakchixkuwin wanti pulalimakgolh li Levitas wa xla na ka'xilha ama lakchixkuwin wanti makgtakgalhnankgoy ama niku xakasantulan. ³³ Akgtiy litachiki xla merari: Xtachiki li malhita chu xtachiki li musitas. Wa umakgolh litachiki minkgoyacha nak Merari. ³⁴ Akgchaxan milh, akgtiy ciento taputlakgakgonit xak akgtum papa' chu xalak kgolon. ³⁵ Zuriel, xkgawasa xla Abihail, napulalin xtachik xla Merari. Na tamakxtumiy nak xhilhpaktuy chiki xla putamakxtumit. ³⁶ Kamanan tiku minkgoyacha nak Merari namakgtakgalhkgoy xmakni ama chiki niku tamaxtumikan xa kiwi mikuma takilhstuk'kgoy, xa talayaw, chu niku tatukta, putum limakaskuni chu putun tu tatamaklaskikin anta, na makgtanuy. ³⁷ Talayaw chu talayaw xalak kilhtin tu litastifinit ama chiki xla putamakxtumit, chu niku tatutakgoy, chu xlak chup chu tu lilaklhtak'yawakan. ³⁸ Moises chu Aaron chu xkaman natulakgoy nak xpaxtun niku taxtuy chichiní nuku ya chiki xla putamakxtumit; xlakatin, niku pulha chichiní. Wa nalitayakgoy namakgantaxtikgoy tashujut. Xla xa kasantulan nalimakgtayakgoy xkachikin Israel. Latantikú xala alakatunu wanti natalakatsuwi nak xakasantulan xlinit. ³⁹ Moises chu Aaron putlakgakgoy putum lakchixkuwin xtachiki Levi lata xakg akgtum papa chu xalak kgolón, lata cha Puchina limapkgsil. Putlakgakgolh puxumtiy milh, lakchixkuwin. ⁴⁰ Wa Puchina wanilh Moises: Kputlakga putum lakchixkuwin xana puxkun nak xkachikin Israel lata xakgtum papa' chu xalak kgolon. Kakatsokgwilí putum xtakuwinikan. ⁴¹ Nakatiyaya' ama Levitas kilá na katlawaya, akit wa Puchina lata chaxkilakchan putun xanapuxkun nak xkachikin Israel chu xtakgalhinkan xla Levitas lata cha xkilakchan xanapuxkun xtakgalhinkan xkaman Israel. ⁴² Moises putlakgalh putum xanapuxkun xkaman xkachikin Israel lata Puchina xli mapakgsinin natlawa. Putlakgalh putum lakchixkuwin ⁴³ xanapuxkun lata cha xtapak'kuwikgoy, lata cha xak akgtum papa' chu xalak kgolón. Xla putlakgalh puxumtiy milh akgtiy ciento akg tutupuxumakgaw a chatutu lakchixkuwin. ⁴⁴ Amakgtum, Puchina tachuwinalh Moises. Chu xla wanilh. ⁴⁵ Xman wa kaktiya Levitas ni putum xana puxkun xkaman xkachikin Israel xman wa katiya xtakgalhinkan xla levitas ni putum xtakgalhinkan kachikin. Wa Levitas kintapakgsinikgon Akit, wa Akit Puchina. ⁴⁶ Natitaya' akgkitsis siclos cuanto malitamawaxtokgoyatit lata akgtiyciento a tutupuxumakaw achatutu xanapuxkun xkaman xkachikin Israel lata xlakan taliwkikgoy lata xkaman Levitas. ⁴⁷ Na mak'lakaskina lá lipulhkan ama siclo anta nak santuario. Ama sico tata lakxtami la akghawitu ⁴⁸ Na maxkiya xtapalh cuantu wix xokgo wa Aaron chu xkaman." ⁴⁹ China Moises tiyalh xtapalh wantu litaxokgonalh xlakatakan wantu xtaliwkinit lata xkaman Levitas wantu xmatajinankanit. ⁵⁰ Moises tiyalh ama tumin wantu xlakan xanapuxkun xkaman Israel. Xla mastokli akgtum milh, akgtutu ciento a tutupuxum akgkitsis siclo, lipulhkaká ama siclo xla santuario. ⁵¹ Moises mastalh ama tumin tu lilatamawaxtunalh maxkilh wa Aaron chu xkaman. Moises tlawalh wantu wa xtachuwin Puchina, lata cha'xla Puchina xli mapakg'sinit sinit.