¹ Wa Puchina xakgahil Moises. Xla wanilh: ² Kalimapakg'sí xkachikin Israel natamakgtukgoy xlakgstipan tamakxtumit putum tiku kalahilkgoy kaxlantsitsí nak xtiyat'liwakah, chu putum tiku kgalhpitsikgoy xtakgawinhan, chu latantiku tiku taxhawalinin xamanit xtiyat'liwa chatum nin. ³ Oso wá chixku osowá puskat, namakpina kilhtin niku wi tamakxtumit. Ni xli maxkawilitkan tamaxtumit, xpalakata anta Akit kuí. ⁴ "Wa kachikin tlawa lantla limapakgsika. Katamakxtuka kilhtin nak tamakxtumit, lantla Puchina mapak'sil Moises. Xkachikin Israel kalhakaxmat'lí Puchina. ⁵ Katachuwinanti wa xkachikin Moises. Xla wanilh. ⁶ Katachuwinanti wa xkachikin Israel. Akxni chatum chixku osa wa puskan na tlawa akgtum talakgalhin latla lamakg'lakgalhinankgoy amakgapitsin chu makgalhina kilakatin, tama talataman lin xtalakglhin. ⁷ Chinachu nalitaya xtalakgalhin wantu tlawalh. Xli xokgot lantla lakgchan xtapalh xtalakgalhin chunamaliwki xtapalh latla kilhmaktum lata kilhmk'kitsis xlakata. Namaxkiy uma wanti makglakgalhilh. ⁸ Chú ama chixku wanti makglakgilhilh nix kgalhilh xtalilakgapasni lakatsu xpalakata namakgamaklhtinan xtapalh, naki xokgoiy xtapalh xtalakglhin Akit. namakamaxkiy ama palí, natamastay tantum kalhnilo xpalaka wa napalakgaxokgoy xtalakgalhin ⁹ Akgatun xlilakgatay xkachikin Israel, wantu kawilikanit nak xpaxtun chu nalinikan ama paliní wantu liminkgoy xkachikin Israel, nakalak'chan ama paliní. ¹⁰ Putum xlilakgatay tachixkuwitat wantu naliminkgoy xlakan paliní na wankgoy; chatum wanti namaxkiy wituku ama palí, xla na wan. ¹¹ Amakgtum, Puchina tachuwinampa Moises. Xla wanilh: ¹² Ka xakgatli xkachikin Israel. Kakawaní: Xwaw chatum xpuskat chatum chixku xkg'tsakgatayalh chu xlikgamanalh xchixku. ¹³ Chinachu xwan ama puskat xtalhtatalh achatunu chixtu. Chinachu, ama puskat xtaxkawalilh. Chu chixku ni nukxli oso ni xkatsil uma, chu nitiku xmanokglhlhul tu tlawalh chu nitik xmakgasiyulh, ¹⁴ Lata xwa, akgtum espiritu xla talak'katsalakan xmakatsinilh xhixku pi wa xpuskat taxkawalilh. na wanaw akgtum espiritu xla talak'katsalakan tlan akglakgawa namin xakgspun chatum chixku maski xpuskan nitu taxkawalinit. ¹⁵ Lata ama chu, wa chixku nalimin xpuskat xala katin palí. Wa xchixku nalmin likgotní lá akgtum lilakgatoy xpalakata xpuskat. Xla nalimin akgtiy litro xla xataswakga xla cebada. Wa xla ni natatlawa aceite u xupalí xpalakata uma lilakgatay xla taltsí xpalakata talak ta lak'katsalakan, akgtum lilakgatayan xla talsí wa uma lilakpastak'kan talakgalhin. ¹⁶ Wa palí nalimin lakatsu chu nawilí xlakatín Puchina. ¹⁷ Wa palí natiy akgtum xalu chuchut xasantulan chu natiya pokgní xalak tiyat nak chiki niku tamaxtumikan. Xla na mujuy pokgxní nak chuchut. ¹⁸ Wa palí na yawa ama puskan xlakatin Puchina chu xla na lakgxkuta chixit ama puskat. Xla na wilí nak xmakat ama puskat ama lilakgay tu ama lilakapastakní ama talhsi, tuku ama talhtsí tu lilakatayanakan xpalakata ala chixku lakapastaklí pi xpuskat xakskgawama, Wa palí nachipay ama chuchut xa xun tu tlan limin takgastakyaw. ¹⁹ Wa pali na li yawa amapuskat chu na waní: nití talhtatanita achatunu, ni akgtsakgatayanita chu ni taxkawalinita, chinachu na lakgtaxtuya xla ama chuchut xa xun tu limin takgastak'yaw. ²⁰ Cha wix, chatum puskan xmakan minchixku akgtsankgatayanita, pi wix taxkawalinita, chu achatum chixku talhtatanita. ²¹ chanchu, (wa palí nawani ama puskan akgtun talitay wantu limin takgastakyaw xakgspun xla, chu alistalh natixagatli) WA PUCHINA nalimin takgastayaw mi akgspun wantu natamasiyu nalmin takgastayaw mi akgspun wantu natamasiyu nak kachikín wantu titaxtunit. Wa uma natitaxtoy wa Puchina natlawa pi wix ni lá katikgalhi kaman chu nakun mi pan. ²² Wa uma chuchut tu limin takgastakyaw natanú nak ni pan chu na tlawa pi mi pan nakun chu wix ni lá katikgalhí kaman: Wa puskan na kgalhtinan: Chuna katitaxtulh, pala akin klin talakgalhin. ²³ Wa palí na tsokwilí nak takgasmil umatakgastak yaw, chu alistalh na lichakgan ama xa xun chuchun ama takgastakyaw. ²⁴ Wa palí na nawi ama puskan xa xun chuchut wantu limin takgas takyaw. Wa chuchut tu limin takgastakyaw na lak tanuy xla chu na malakgaputsí ama puskat. ²⁵ Wa palí na makgamaklhtiy nak xmakan ama puskat wa lilakgatay ama talsi xla talak'ktsalakan. Xla nalimakan talhman ama lilakatay talhtsi nak xlakatín Puchina chu nalin nak pulakgatay. ²⁶ Wa pali natiya lata maxtum chipakan ama lilakgatay talhtsi lachu latu nalilakapastak'kan ama puskat, chu nalhkuyukan nak palakgatay. Alistalh xla namaxkiy ama puskat ama chuchut xa xun xpalakata na kgota. ²⁷ Axni na maxkiy ama chuctut xpalakata na kgota, cha pala wa taxkawalonin pi tlawanit talakgalhin xlakatin xchixku, chanchu aama chuchut naliminí takgastak'yaw na laktanuy xla chu namalakgaputsi. Xpan nakun chu nila katikgalhilh kaman. Xla puskan lixkan na wan nak xlokstipan xkachikin. ²⁸ Cha pala pi ama puskat ni taxkawalanit chu pi xakstitum, chachu xla nalak'taxtuy. Xla tlan nakgalhi kaman. ²⁹ Wa uma limapkin xla talak'katsalakan. Wa uma limapaskin xpalaka chatun puskan wati makxtakga xchixku chu maxkawalá xlatamat. ³⁰ Wa uma limapaskin xlakata chatum chixku wantí laktunu akgtum espiritu xla talak'ka tsalaka akxni xla lak'katsalakan xpuskat. Xla nalimin xpuskat xlakatin Puchina, chu palí natlawaní xla putum wantu limapaksin xla talak'katsalakan talak'tsotalanit. ³¹ Xla chixku ni katililh talakgalhin xpalakata xla limilh xpuskat xla katin palí. Xla puskat xli tatayanit lata tuku talakgalhin xla xamaktum kgalhí."