¹ Eliseo tiwá: “kakgaxptit xtachiwin PUCHINA. Wa uma wan PUCHINA: ´chalí ka noyma kilhtamakú akgtum talhkan harina tu lusmatanka nalitastay akgtum ciclo, chu akgtuy talhkan cebada akgtum ciclo, anta nak xkilhtim Samaria.·” ² Chu xa puxku lakskujni tiku xlakskujnaniy puxku, kgalhtilh xlakskujni Dios, chu tiwanilh: “kawkxilhty, maski wa PUCHINA xmalakilh xa ventana akgapun, ¿Tlan kawa uma xlalh ? Eliseo kgalhtinalh: “Kawkxilhty, man wix naliwxilha milakgastapu tuku nalay, wampi nituktsu katiwat wix tima.” ³ Naxwilakgolh nchu kgalhtaty lak chixkuwin ti xtsinankgoy anta nak xa kilhtin kachikin. Wa xla´kan xlawnimakgolh: ¿Tuxpalata nchu kinin uma wilaw kgalhkgalhimaw kilininkan? ⁴ Champala nawanaw pi nanaw nak kachikin. Anta xla wilacha tatsikstat. Antiya naniyachaw. Chumpala umaja natamakgaxtakgaw. Na chunta naniyaw. Lanchiyu nchu kaw nak xputalatlawankan arameos. Champala kakinkgamatsankgan´nikgoyan kilatamatkan. Nalatamayaw; chupala kinkgamaknikgon, naniyaw kinin,” ⁵ Wa xla´kan taxtutak´kikgolh la kgotanulh ankgolh tani xtamakxtumikgoy arameos; wa xla´kan lakgapalhkgolh tani tlakg makgat nak putamakxtumit anta niku nity xwilakgoka. ⁶ Wa PUCHINA tlawalh pi nakgaxmatkgoy arameos namakasanantylakgoy putlaw chu kawayus, xmakasanantilakgoy lhuwa makgtakgalhnanin, lawanikgolh chanu xla´kan: “ Wa puxku xalak Israel, kasakwalh puxku xla´kan hititas chu ejipcios xlakata namimkgoyan kinkatalatlawakgoyan.” ⁷ Wa makgtakgalhnanin taxtutak´kikgolh tasakgolh la kgotanulh: xla´kan makgaxtaktakikgolh xtakgtlapayawkan, chu xkawayukan chu xaxnukan, makgaxtakgtakikgolh putamaxtumit laxtatakgsa, tsalakgolh xlakata xlatamatkan. ⁸ Akxni wa lakchixkuwin tixtsi´tsinankgoy tiyankgolh niku nixkichankan nixwilacha putamakxtumit, Xla´kan yankgolh nixwilacha pustan, wayankgolh chu kgotnankgolh, liyankgolh plata, oro chu klhakgatkan, xla´kan ankgolh chu matsekgolh, wa xla´kan taspitpalakgolh na tanukgolh lakatum nak pus´tan chu maxtuna´nankgolh na matsekpalakgolh. ⁹ Alistalh lawanipalakgolh chanu xlakan: “Nitlan tuku tlawamaw.” Wa uma kilhtamaku, wa kilhtamakú xla tlan tamakatsinin, wampi wa kinin nitu chiwinamaw xlakata uma. Palapi nakgalhkgalhiyaw akanku naxkgakgayachi, nakinkalakgchinan li akgastakyaw. Lanchiyu kalakgaw kaw waniyaw nak xchik puxku.” ¹⁰ Wa xla´kan ankgolh, tsanikgolh skgalananin xalak kachin. Xla´kan wanikgolh: “Kinin kilaw nak xputamakxtumitkan arameos, wanpi nitiktsu xtataksa anta, nitiktsu xmakazanan, wanpi anta xwilakgocha kawayus xtachikgonit, chu axnu na anta xtachitayakgonit chu takgtlapatay na chunta xyakgochá.” ¹¹ Chu skgalnanin palha katasakgolh mastakgolh tamakatsinin, chu alistalh anta makatsininankgolh nak xpulakni xchik puxku. ¹² Alistalh wa puxku kakilh katsisni , tiwanilh chatum xlakskujni:” Akit nakawaniy tuku kinkatlawanikgonitan arameos. Xlakan katsikgoy pi wa kinin tsikstama´maw, chunanchu xla´kan taxtukgolh nak xkilhtin putamakxtumit ankgolh tsekg tawilakgoy. Wa xla´kan kilhwamakgolh: “Akxni xla´kan nataxtukgoy nak kachikin, kinín nakachipayaw chu naxastakna nakatamakanuyaw nak kachikin.” ¹³ Chatum xlakskujni puxku kgalhtinalh chu kawanilh .” akiy kskiniyan litlan, ka masta talakaskin pi makgapitsin lak chixkuwin katiyakgolh tankitsis kawayus wantu tamakgaxtakgmakgolh, wantu tamakgaxtak´kgolh nak kachikin. Wa xla´kan xtachuna tu akgataxtulh tu xalak Israel (lhuwaja nikgonita); kinkamaxki talakaskin chu nak ukxilhaw.” ¹⁴ Chuna xla´kan tiyakgolh akgtuy putlaw chu kawayus, chu wa puxku kamalakgachalh nak xputamakxtuminkan makgtakgalhnanin xalak arameos, xkilhwama, “kapintit na kawxilhtit.” ¹⁵ Xla´kan ka akstalakgolh anta nak Jordán. Xliputum nak tiji timakgankgolh lakgat ka xtalakgapalitkan, chu makatsinanin taspitpalakgolh chu lixakgatlikgolh puxku. ¹⁶ Wa tachixkuwitat taxtukgolh ankgolh nak putamakxtumit kitiyakgolh putum tuku xmakgaxtakgonit arameos. Chunanchu la xatalhkay harina tu lusmatanka nalitastay akgtum ciclo, chu akgtuy talhkan cebada akgtum ciclo, chuna kgantaxtulh lantla xtalakgtsokinit xtachiwin PUCHINA. ¹⁷ Wa puxku lakgayawalh chatum skgalna watiya ti luxmakgtaya, wanty naskgalay malakcha, wa kachikin puxtikakgolh anta nak malakcha. Wa xla nilh, chuna xwanit kskujni Dios, wa tiku tichiwinalh akxni tikilakchilh. ¹⁸ Chuna kgantaxtukh laxwani´nit kskujni Dios ama puxku, xkilhwama: ” Chali kanoyma kilhtamaku, aktum talhkan harina wantu lusmatanka nalitastay aktum ciclo, anta nak xkilhtin Samaria.” ¹⁹ Wa xapuxku skgalna xkalhtinit kskujni Dios chu tiwá: ”Kawxilhty, chu pala wa PUCHINA xkaxtlawalh putalkaxtun nak akgapun, ¿tlan kawa xlalh uma?” Eliseo kgalhtinalh: Kawkxilhty, wix man naliwkxilha milakgastapu tu nalay, wampi nitu katiwat wix tiyma.” ²⁰ Chuna kgantaxtulh wantu xla akspulalh, xpalakata wa kachikin puxtikakgolh anta nak xkilhtin malakcha, chu anta nilh.