¹ Wa xlakgawasan palachiwinanin tiwanikgolh Eliseo: “Anta ni katawilan kinin, lu kalakgtsu la kiliputumkan. ² Katlawa litlan kakinkamala´kgacha nak Jordán, chu kamasta talakaskin pi nak kayaw kgantunu kiwi, chu kamasta talakaskin pi tlan nakaxtlawayaw akgtum chiki niku tlan nak tawilayaw .” Eliseo kgalhtinalh: “Wixinan kapintit kapulatit.” ³ Chatum la xla´kan tiwa: “Katlawa litlan kakatapit miskujnin.” Eliseo kgalhtinalh: “Kit nakan.” ⁴ Chu xla katalh, akxni xla´kan chinkgólh nak Jordán, xla´kan tsukgokgolh kakgoy kiwi. ⁵ Xlimakgwa chatum xkama, wa xak´xekga x hacha tamakgwasli tajucha nak chuchut; wa xla palha chuwinalh: “¡Nixlikana wa kimakgalhtawkgana, kaj xmaskiwikanit!” ⁶ Chuna nchu wa kskujni Dios wá: “¿Niku tamacha¿” wa chixku masiyunilh Eliseo ni tamacha. Wa xla tunkan chukulh kgantum kiwi, makalh nak chuchut, chu tlawalh piwa likan kgalhtawakacha chuchut. ⁷ Eliseo wá: “Katiya.” Chuna nchu chixku stonkli xmakan na tiyalh. ⁸ Chu puxku xalak Aram xlakgmaxtuma tataratlaw xlakata Israel. Wa xla kakgalskilh kskujnin, kawanilh: “Anta niku natitamakxtumiyaw ka kaniwa, kaniwa. ⁹ Chu kskujni Dios malakgachan´nilh tachiwin puxku xalak Israel xwanima: “Kuenta natlawaya ni natitaxtuya uma kpulataman, wa arameos na nataktakgoy anta.” ¹⁰ Alistalh wa puxku xalak Israel kamalakgachalh chixkuwin anta niku xwaninit kskujni Dios, makglhuwa lakgtaxtulh nika makgtum makgtuy, wa puxku alh anta, na xmakgtakgalhmaka. ¹¹ Wa puxku xalak Aram lu tilisitsilh tu tiwanika, chu xla katasanilh kskujnin, kawanilh xla´kan: ¿Nikat kiwanitit wixinin tinta makatsinima puxku xalak Israel tu klichuwinan? ¹² Nachuna nchu chatum xlakskujni wanilh: “¡ni chuna, puxku, kimalana, wa palakachuwina Eliseo anta nak Israel, wan puxku xalak Israel uma tachiwin wantu lichiwinana wix ninta lhtataya!” ¹³ Wa puxku kgalhtinalh: “Kapit ukxilha ninta wi Eliseo chuna chi tlan nakamalakgachay chixkuwin chu nachipakgoy Eliseo.”ti tawanilh xla: “pi anta wi nak Dotán.” ¹⁴ Chuna nchu, wa, puxku kamalakgachalh lhuwa kawayus nak Dotán, chu putlaw chu lhuwa makgtakgalhnanin. Wa xla´kan katsisni minkgolh, stilwalikgolh kachikin. ¹⁵ Akxni wa kskujni Dios takilh tsisa, taxtulh kilhtin, anya xwilakgolh lhuwa makgtakgalhnanin chu kawatus, chu lhuwa putlaw kstilwalikgonit kachikin. Wa xlakskujni tiwanilh: “¡ Kimala´na! ¿tu nchu kinin natlawayaw?” ¹⁶ Eleseo kgalhtinalh: “Nikamakpuwanti, xlakata wanti kinkatawilakgon tlak lu lhuwa la xlakan ti katawilakgolh,” ¹⁷ Eliseo tlawalh oración, wá: “PUCHINA, kskiniyan litlan pi wix kamalakini xlakgastapu chuna chi tlan nawkxilha.” Wa PUCHINA makakinilh xlakgastapu xlakskujni, wa xla ukxilhli. ¡Anta uma, wa kasipijni litsamay lhuwa kawayus chu putlaw xla lhkuyat xkilhpanin ni xwi Eliseo! ¹⁸ Akxni wa arameos lakgtalaktakgolh Eliseo, wa Eliseo takgalhchuwinalh PUCHINA chu tiwá: “kaka liakgastakyawa uma tachixkuwtat talakgatsin, Kit kskiniman.” Chuna nchu PUCHINA kamalakgatsilh, chuna lantla tiskinilh Eliseo. ¹⁹ Alistalh, Eliseo kawanilh arameos: “Wa uma, niwa tiji, nimpalawa kachikin. Kakistalanitit, kit nakalinan ni wi chixku ti putsapatit.” Chu xla kaliyalh anta nak Samaria. ²⁰ Akxi xlakan lakapalhkgolh nak Samaria, Eliseo wá: “PUCHINA, kakamakini xlakgastapukan uma lakchixkuwin chuna chi tlan nawxilhkgoy.” WA PUCHINA kamalakinilh xlakgastapukan chu xla´kan ukxilhkgolh, ²¹ Wa puxku xalak Israel wanilh Eliseo, akxni kawkxilhli: “¿PUCHINA, kit nak´kamakniy? ¿kit nak´kamakniy? ²² Eliseo kgalhtilh: nikakamakgni xla´kan ¿wachu kalilaksakity pi ka nakamakniya? ka wali kaxlanchu chu chuchut nak xlakatinkan, pi wa xla´kan tlan nawayankgoy chu nakgotnankgoy, chu nalakgankgoy xmalanakan.” ²³ Wanchu puxku kalak´kaxtlawnilh lhuwa liwat xlakata nawayankgoy xla´kan, chu akaxni wayankgolh, kgotnankgolh, wa xla kamalakgachalh, wa xla´kan lakgtaspitpalakgolh xmalanakan. Wa umakgolh maktakgalhnanin arameos yalh makgas kat´tawlakgolh nak xa tiyat Israel. ²⁴ Xtitaxtunita nchu uma, wa Ben Adad, puxku xalak Aram, kamamakxtumilh putum xmaktak´kgalhnanin, stilwalikgolh chu lakatawak´kgolh Samaria. ²⁵ Chu tawi tlanka talipuwan anta nak Samaria. Wa makgtakgalhnanin kstilwalikgonit, naxlitastama xakxekga axnu 80 ciclos xla plata, chu xkgatsa paloma xlitastama akgkitsis ciclos xla plata ²⁶ Xlimakgwa wa puxku xtitaxtuma nixwi patsaps, chatum puskat palha kilhanilh xkilhwama: “kakimaktaya, kimpuxku, kimalaná, wa puxku.” ²⁷ Wa xla tiwa; “chu pala wa mimalaná nikatimaktayan, ¿Lantla chu kit tlan nak makgtay´yan¿ nitu kgalhiy kit liwat nimpal likogotna. ²⁸ Alistalna wa puxku kgalskimpa: “¿Tuku lakgsokgaliman?” wa puskat kgalhtinalh :” wa uma puskat kiwanima : kakimaxki mikgawasa xlakata kinin nak wayaw lanchiyu, chu kinkgawasa chali nak wayaw.” ²⁹ Chu kmakchaw kinkgawasa na kliwayaw, ktiwanilh ama puskat li chali : wampi wa xla matseknit xkgawasa:” ³⁰ Akxni kgaxmatli puxku xtachiwin ama puskat, lakxtit´tli xtalhakgan, (Wanchu xtitaxtuma nak xlaktin patsaps) wa tachixkuwitat ukxilhkgolh pi xatalakxtitni xtalhakgan xlin. ³¹ Alistalh wa puxku wa: Dios kakimaxkilh liakgastakyaw lapi ni chiyu tunkan nak chukuktiniy xakxekga Eliseo xkgawasa Safat ³² Wa Eliseo anta xwi nak xchik, xkatawi lakgoltsin. Wa puxku malakgachalh chatum chixku nak xlakatin. Xlimakwa yaxlakglakapalha Eliseo chixku tiku lilh tachiwinla, wa xla Eliseo tikawanilh lakgoltsin: “ Kawxilhtit, ¿Lantla xla uma xkgawasa chatum makgnina malakgachamacha tiku nalin ki akgxekga? kawxilhtit, akan nachin lakskujni, kamakchuwtit malakcha, kamalakchuwyawatit malakcha na anta natayayatit.” ¿ nitu takgaxmata tantuwantilay xmalaná?.” ³³ Xlimakgwa aku xkatakgalhchuwinama xlakán, chu tichilha lakskijni, taktacha niku xwanit puxku: “Wa uma takglhuwit, wa makaminit PUCHINA. ¿Tuxpalakata tlakg makgas naktikgalhkgalhiy PUCHINA?