¹ Naamán, xa lakapuxkuna maktakgalhna xla puxku xalak Aram, lu makchiya xwen na luxtakakniy ama chixku nak xlakgatin xmala´ná, kaxpalakata uma chixku, wa PUCHINA xmaxkinit tatlajan Aram. Tima chixku lu tliwakga xwanit na lu nixmakpuwan, wampi xkgalhiy tu lu lixkajnit tsitsi ² Wa arameos xtaxtukgonit xankgonit lakatawkanankgoy na kitiyakgolh chatum tsumat xalak Israel. Wa xla wa kskujnaniy xpuskat Naamán. ³ Ama tsumat xwaniy xpuskat Naamán: “¡Kit xa klakaskin pi wa kimala´ná anta xtatawilacha palakachiwina nak Samaria! Chuna chi tlan xpaksli xtsitsi kimala´na. “ ⁴ Chuna nchu, Naamán tanulh chu wanilh puxku laku xwaninit ama tsumat xalak Israel. ⁵ Wanchu puxku xalak Aram wá: “Kapit lanchiyu, kit nak malakgachanniy maktum kapsnat tatsoknit puxku xalak Israel.” Naamán alh chu tiyalh pulakaw xataputlakgan plata, akgchaxan mil oro, pukaw lhakgat. ⁶ Wa xla naliyanilh puxku xalak Israel maktum kapsnat tatsoknit chu xwanit: “chu akni namaklhtinana ama kapasnat tu tatsoknit, wix nawkxilha pi kmalakgachan´nichan kiskujni Naamán, lakimpi wix tlan namapaksanya xtsitsi.” ⁷ Akxni wa puxku xalak Israel lekgalhtawakgalh kapsnat la xtatsoknit, lakxtitli klhakgat chu wá: “¿Ni Dios kit, pal tlan nak makgninan chu nak malkgastakwaninan, chu uma chixku lakaskin pi kit nak mapaksay chatum chixku xla xtsitsi? ka chuna takgataksa piwa ama chixku ka takglhuwit kiputsanma". ⁸ v. Akni nchu, Eliseo, kskujni Dios, kgaxmatli pi wa puxku xalak Israel tilakxtitli klhakgat, wa xla malakgachannilh tachiwin puxku: “ ¿Tuxpalata lakxti´ti milhakgat? kakimalakgachan´nipí Naamán lanchiyu, wa xla nakatsiy pi wi chatum palakachuwina nak nak Israel.” ⁹ Chuna nchu Naamán kalimilh xkawayu chu xputlaw, chu anta tayalh nak xkilhtin xmakcha xchik Eliseo. ¹⁰ Eliseo malakgachalh chatum makatsinina xkilhwama: ”kapit na kataju makgtujun nak chuchut xla Jordán, chu mintiyat liwa na paksa; wix xa tachakgen nawana.” ¹¹ Wampi wa Naamán luk sitsinit alh chu wá: “ Kit kpaskli pi wa palakachuwina nakimakgamaklhtinan, chu anta xtayalh na xkilhanilh xmapakuwilh PUCHINA x Dios, nax malaktsujelh xmakan chu xpaksli kintsitsi. ¹² ¿Niwa Abaná chu Farfar, chuchut xalak Damazco, nikawa tlakj lu lakuan chuchut la xlipoktu xalak Israel? ¿Nikawa tlan pala anta xak paxli chu xa tachakgen wa kua? Chu xla Naamán lutisitsilh ti alha. ¹³ Chu kskujnin Naamán lakg´talakatsuwikgolh na takgalhchuwinan´kgolh: “Kimala´na, champalawa palakachiwina xmatlawin wantu lu tuwa, ¿Anixtlawa wix? ¿mililakgachixkut akxni waniyan:´kataju chu xatachakgan nawana?´´´ ¹⁴ Wa xla takgalhjulh, tajulh makgtujun nak xa chuchut Jordán, lakgachixkuwilh tu wanilh kskujni Dios. Wa xtiyat liwa talakaxtlawalh amaktun litum, la xtiyat liwa la chatum aktsu kgawasa, wa xla paksli. ¹⁵ Naamán laktaspitli kskujni Dios, chu putum ti xtalamakgolh, chilh chu anta tayalh nak xlakatin. Wa xla wá: “Lanchiyu nchu katsiy pi wi Dios xli putum katiyatna, chu nak Israel. Chuna nchu kskiniyan litlan, pi kamaklhtinanty uma akgtum tatain xla miskujni.” ¹⁶ Wampi wa Eliseo, kgalhtinalh, “Lama PUCHUNA, tiku nak xlakatin kya, kit nituktsu ktimaklhtinalh.” Naamán xwanima Eliseo pi kamakglhtinalh ama tatain, wampi wa xla nilakaskilh. ¹⁷ Chu Naamán wá: “Nilakaskinti, chu kskiniyan pi wa miskujni katamaxkilh tantuy mulas kukakgonit tiyat, xpalaka lawku kwaniyan, wa miskujni yalh katimastalh likakni xalhkuni nimpala wa lilakgatay, xla katuwa tatlawlakxtu, chu xman wa nawan PUCHINA. ¹⁸ Xman wa nchu PUCHINA kamatsankgan´nilh miskujni, akxni ki puxku na´an nak xchik Rimón kakninan, chu xla natamakgtayay nak kimkan chu kit nak takilhputay nak xchik Rimón, wa PUCHINA kamatsankgan´nilh miskujni xlaka uma tatlaw.” ¹⁹ Eliseo wanilh ama xla: “Aktsiya kapit.” Chu Naamán alh. ²⁰ Wa xla xkilhtayanit tiji tu nina lu makgat akxni Giezi, wacha xlakskujni Eliseo, kskujni Dios, tiwanika xla xakstu: “wa kimala´ná lu tlan likatsinilh Naamán, wacha arameo, la nimaklhtilh tatain tu xliminima. Lama PUCHINA, kit nakgosnan nakstalniy chu pala wi tu nakimaxkiy.” ²¹ Chuna nchu, Giezi akstalanilh Naamán. Akxni Naamán ukxilhli piwi ti xkgosnanit xakstalanima, wa xla taktalh nak xputlaw chu xakgatlilh: “ ¿putum tlan?” ²² Giezi wá: “Putum tlan, wa kimala´na kimalakgachachi, nakuaniyan: ´Chu kilakgchinkgonit kit, minkgocha nak kakiwin xalak Efrain chatuy lakgawasan xkamankan palakachuwinanin. Katlawa litlan, kakamaxki akgtum tapulhkan plata chu putuy lhakgat. ´´´ ²³ Naamán kgalhtinalh: “Lukpaxuway pi kaman maxkiyan pulakty tatain. Naamán timaklhuwilh ama Giezi chu timujunilh pulakti kuxtalh xaplata chu tikgalhchilh tamujulh matuy lhakgat chu timaxkilh chatuy xlakskujni wanti kukakgolh wantu maxkika kuxtalh nak xlakatin Giezi. ²⁴ Akxni nchu Giezi lchilh nak xa kaxtum, wa xla tiyalh kuxtalh, kamatsekli nak chiki; xla makgat kamalakgachalh skujnin, wa xla´kan ankgolh.v. ²⁵ Akxi Giezi tanulh chu tayalh nak lakatin xmalaná, Eliseo wanilh Giezi: “¿Niku wix kila Giezi?” Xla kgalhtinalh: “Wa miskujni niniktsu akilay.” ²⁶ ¿Niwa ki spiritu kitalan, Akxni wa chixku taspittayalh nak xputlaw makgamakglhtinan? ¿Lanchiyu xkilhtamaku pi namakgamaklhtinanaw tumin chu lhakgat, tachanan xla olivo, kalhninlu chu wakax, chu lakskujnin la puskat chu chixku?. ²⁷ Chuna nchu, wa xtsitsi Naamán anta natatawilayan chu militalakgapasni xa xlipan. “Chuna nchu Giezi tapanulh nak xlakatin , chatum ti pasalh tsitsi xtachuna la mik´ki.