¹ Jipi ko, yerta jali kara echi yeer echona Jerico mapujiti we majali echi wikabe oberla sontoal Israelitas, kie wesi buwali machi ali kie wesi pacha mo'wili. ² WALUBEALA ONORUAMI jeaneli echi Josué:"nati, nije mi yakin je'na Jerico pireami, ali echi wa'lula bachá chukúmi ali echi oberla sontali''. ³ Nolersi echona wikabe rijoachi, karra echi oberla sontali yencho nolerma sinibi rawe echona wikabe rijoachi. jerika olama usani rawe. ⁴ Echi Kichá ralamuli pacha re'obachi nochami, ibíl ka sirma echi upuchka simekuami trompeta aniliwami, bachámi sirma mapona inar echi kajon niwarami oro ucherami. Echali kichá rawe sebachi, nolerma echona wikabe rijoachi kichás chokeami, ali echi Kichá ralamuli pacha re'obachi nocham simema echi upuchka simekuami trompeta aniliwami. ⁵ Wi'li jama aboni upuch anera echi wa'lu bo'wa awal Trompeta aniliwami, mapali namsa echi upuch anerkuami trompeta aniliwami auche jare ralamuli ni jiwerka owáli sinakma, ali echirika karra kojuima echi suwe kalirarami echona wika rijoachi. Echi ralamuli Israelitas sayerma, ibíl bachami nokisma simiba." ⁶ Jonsa Josué echi Nun ranal, bayeli echi reobachi nochami ali jeaneli: "Motorsi echi kajon oro ucheka niwarami mapu echijiti katewarami ju ra'ichala, ali echi auche jare Kichá ralamuli pacha re'obachi nochami, ibíl ka sirma echi upuchka simekuami trompeta aniliwami, bachámi sirma mapona inar echi kajon niwarami oro ucherami echi WALUBEALA ONORUAMI iníl." ⁷ Ali Kara Ralamuli jeaneli:"Simibk ali nolersi echona wika rijoachi, alí echi oberla sontoal isirma bachámi mapona inar echi kajon niwarami oro ucherami echi WALUBEALA ONORUAMI iníl." ⁸ Mapurika nulali echi Josue, echirika echi kichá ralamuli mapu reobachi nochami nili, simibali ibíl aka echi upuchk simekuami trompeta aniliwami, mapona inarli echi kajon niwarami oro ucherami echi WALUBEALA ONORUAMI iníl. mapali simiba sirli, simesia sirli echi upuchk simekuami trompeta aniliwam. jubámi inarli echi kajon niwarami oro ucherami echi WALUBEALA ONORUAMI iníl. ⁹ Echi Oberla sontoal bachami isirli echi kichá ralamuli mapu reobachi nochami nili, ali aboni simeli echi echi upuchk simekuami trompeta aniliwam, ali jubámi mapona echi kajon niwarami oro ucherami echi WALUBEALA ONORUAMI iníl inarli ayenacho isirli auche jare kichá ralamuli mapu reobachi nochami nili ali aboni simeli echi upuchk simekuami trompeta aniliwam ¹⁰ Chopi Josue ayencho nuleli echi ralamuli, jeaneka:"Simasi kie biyir anika, yensi nije nulasa sinakbo ruwa. Echalibi sinakbo." ¹¹ Echirika Josué nulali mapu echi kajon niwarami oro ucherami echi WALUBEALA ONORUAMI iníl simirma nolerka echona wikabe rijoachi, sinepi echali rawe. Jonsa ku isili mapona kalirasa muchuli ali echali roko echona a kochili. ¹² Jonsa Josue bi'ya biji asisli ali echi ralamuli reobach nochami motorli echi walu kajon oro jiti niwarami echi WALUBEALA ONORUAMI iníl. ¹³ Ali echi Kichá ralamuli re'obach nochami mapu ibíl aka sirli bo'wa awalol jiti niwarami mapu upuchka simekuami trompeta aniliwami nili, bachámi isirli echona mapona walu kajon oro ucherami nili echi WALUBEALA ONORUAMI iníl yuwa, ali ne achinka simibli, simesia echi upuchka simekuami trompeta aniliwami. Echi Oberla Sontoal bachami isirli, auche jare ko jubuam isirli echi mapona walu kajon oro ucherami echi WALUBEALA ONORUAMI iníl yuwa, ali echi Trompeta aniliwami simesia isirli. ¹⁴ Ma auche sine ba'alinla rawe auchecho nolerli sinepi chokeami ali ku isili echona mapona kalirasa muchuli aboni. Usani rawe aboni Jerika nokali . ¹⁵ Ali ma kichá rawe sebachi biyá pe bukuli rayenachi muchusli ali simibali nolersia echona wika rijoachi Jerico mapurika olali usani rawe, chopi echali ko kichasi chokeami nolerli. Echali rawe ju mapali kichas chokeami nolerli echona wika rijoachi. ¹⁶ Echali ma kichá rawe sebachi nili, mapalí echi ralamuli reobachi nochami simeli echo bo'wa awal mapu upuchk simekuami nili echi trompeta aniliwami nili. mapu Josue nuleli echi ralamuli jeaneka: "!Sinasi!, Mapujiti WALUBEALA ONORUAMI mi 'yali jena kawi mapona wika rijoachi níli." ¹⁷ Echi WALUBEALA ONORUAMI nulali, mapu echona wika rijoachi ali mapu karra su'waba namuti ikosrami nima ruweli. Chopi echi Rahab riweami echi muki mapu we biruchi nili echi bi bitelma -- echi mukui a li karra mapu ikí echi yuwa piréli-- mapujiti echi mukui ku'wirli ichipa echi ralamuli mapu tamuje júli inesia echona. ¹⁸ Chopi yem, kala anaka, mapu karra sinepra suwabrame nimare echi karunti namuti, yem kie biyir jubo. Echirika nokosá yem, kie kanila pirelma sineami ali we risú riká ikimiea kara mapu iki Israleitas pirea muchuwi kalirasa mina kojunarami nima. ¹⁹ Karra echi plata, oro, namuti mapu bronce ali hierro jiti niwarami ju, yarami nima echi WALUBEALA ONORUAMI. Jenakó, katewarami nima WALUBEALA ONORUAMI yakuami nira." ²⁰ Mapali sineami ralamuli namali echi trompeta aniliwami simekuachi, sineami wáli sinakali ali ma kojuili echi mapu yerta ilili ali sinemka mo'wili pacha. Ali ne jiwerka sayerli echona wika rijoachi. ²¹ Karra kojuinli mapu iki namuti nirúli echona wi'li piya jiti -- Rijoi ali mukui, kurri ra'mali ali rijoi ma ochármi, was, bo'wa ali wikia bulit. ²² Ali Josue ko jeaneli echi okuank ralamuli mapu bacha yénali inie echi kawi: "Simibka echi mukui we biruchi bitelchi. Machibusi echi mukui ali mapu iki echona yuwa pireli, mapuriká yemi echirika aneli." ²³ Jonsa echi ralamuli mapu bachá yenli iné simibali echona ali machibuli echi Rahab. Aboni machi buyanli echi wenli, ali rijimala ali kara mapu iki muchili echona bitichi echi mukui. yurli we mika mulupi mapona aboni kalirasa muchuli. ²⁴ Ali wikosli echona wika rijoachi ali kara suwaba namuti mapu iki nirúli echona. Chopi echi Plata, oro, su'waba namuti mapu Bronce ali echi Hierro jiti niwarami ju, katewarami nili mapujiti yarami níma ruli echi WALUBEALA ONORUAMI . ²⁵ Ali echiriká Josué ko nakiwili mapu echi mukui we biruchi, echi wenli a li karra suwaba mapu iki muchuli echona bitichi. Jipi a piré echi kuchuala najiremka, mapujiti binoi ku'wirli echi ralamuli mapu Josué júli ka'la inenla echo'na Jericó aniliwachi. ²⁶ Jonsa Josué nuleli kara suwaba ralamuli je'na bichiwa nirá ra'ichka ali jeanili: "Kie kalerami níma RIOSI jiti echi mapu auche sine ku kalirako jena'í Jericó. Echi kuchuala suwimea, bacha ocherami kó otorami nima echi i'ye mapona jonsa kalirarami ju bile kali, ali echi jubála ko miliruami nima echona yeech. " ²⁷ Binoi echi WALUBEALA RIOSI sinibí yuwa asali echi Josue, ali ne chuwen kawirli jonsa machirúmi nili binoi.