¹ Mapari karra RaIamuli simarli echi Jordán, Echi WALUBELA RIOSI je aneli Josue. ² " Valle makoy okua Raramuli je'na iva pireram, bile rijoi najiremam. ³ Jerika nurwe: "Jusa makoy okua rite msip jonsa echi Jordán, mapona robachi nocham ich jau ke samich, ari to mujeyuk, ari chabo nia muchuas echona simarmare echiari roko.'' ⁴ Echali jonsa, Josue bayeli echi makoy okua Raramuli nop nureram niri ich najiremam karka aboni Israel kuchuala najiremam, bile ibilta najiremam, ⁵ Josué je aneli: "Simarsi ne bachami kajon oro ucherami wuarubera nurum echi Riosi ni masipari jordán. Ibili yemi bile rite motora echona mtoch map ki niru najiremam niru echi Israel. ⁶ Je na jiti macherutma, mapari echi kuchari rikuesa echari rawe nawamare:' ¿pir nira ju na rite muje ji'ti?' ⁷ Jonsa muje ko anemam echi:' Bawi jordán niruch rojunaram niri bacham nira bile kajon oro ucherami mapawika katiwarami bile raichali Walubuela Nurum. mapari chkiri narch jordán. echi bawi jordán niruch rojonaram niri. anati rite echi raramuri israelitas ku natama ji na jiti chulubi". ⁸ Echi Israel pireami mina olali nop Josué aneli, aboni mapabuli makoy okua rite nasip jonsa jordán. nop rika ECHI WALUBELA ONORUAMI aneli Josué. Aboni muchuli rite nop kiu pireli echona Israel. Torli echi rite echona yuk nop echo na kaliriasa muchurli nia echona muchuri. ⁹ Echona jonsa Josué muchuli makoy okua rite narch ni masip narch Jordán, nop echona rarek jarli ralamuli re obachi nocham nop mutuli echi kajon oro ucherami mapawika katiwarami bile raichali jabli. Mina echi jip a riko jala rikiorwa echi rite ala tikioram jip a rikiora jip a rawe. ¹⁰ Echi re obachi nocham nop muturi echi walu kajon oro ucherami ni masip jabli Jordán mapari yensi karra sunusa ora nop ECHI WALUBELA ONORUAMI nuleli Josué je anenla echi raram Israel pireami ma snuri nop rika karra echo Moisés nuleli echi Josué. Echi raramuli we sapuno simarli. ¹¹ Nopali karra raramuli sunuli simara echi kajon oro ucherami echi WALUBELA ONORUAMI ro bachi nocham simarli bacham echi pireami. ¹² Echi Rubén bi najiremam, Gad bi najiremam, echi nasipsi Manasés ka najiremam simarli bacham echi Israel pireami nasulk sirli bwerla sontal nop rika Moisés aneli. ¹³ Sukui naosa makoy mil raramuli karra nop binertam niri oberla sontali, simarli echona bacham simarlarwa mapona ECHI WALUBELA ONORUAMI sari niarli sayersa Jeriko pirem echona rinatach ¹⁴ echari rawe ECHI WALUBELA ONORUAMI niwari echi Josué buerla nuluam echirika a nijerarwa echi Israel pireami. Aboni kiri nilarua Josué yuk nop rika kiri nirarwa Moisés - churupi rawe ¹⁵ Jonsa ECHI WALUBELA ONORUAMI raichli je aneli echi Josué: ¹⁶ ''Nure echi ro bachi nocham nurueri mutunra echi kajon oro ucherami machi simanra echi Jordán." ¹⁷ Echirika niri echi, Josué nuleli echi ro bachi nocham '' Machi echi Jordán". ¹⁸ Nopari echi ro bachi nocham muturi echi kaj oro ucherami ECHI WALUBELA ONORUAMI buwali ni nasip echi jordán. ari echi ronola kala akichech ku raleli, jonsa echi bawi jordán nirum ku simili bawi nop rika nili nao rawe chabep. ¹⁹ Echi raramuri buwali Jordán echari rawe mako ali bile micha. Kaririása muchubri Gilgal, nalim echona Jericó. ²⁰ Echi makoy okua rite mapu machiburi echona Jordán, Josué uchari echona Gilgal. ²¹ Je aneli echi Israel pireami: ''Nop ri echi rijimar rukuesa muje onola choquime jipi nira minami rawe: "¿pir ju nari rite? ²² Je ane muje kuchawala: "Naiba ko ju nop Israel pireami simarli echi Jordán ripo akichech'' ²³ ECHI WALUBELA ONORUAMI kichiebli echi bawi jordán niruch muje anil, yensi muje simirlach, mapurika nop rika WALUBELA ONORUAMI echolali echi wa'lu bakoch sitana manich nop rika ich kichiebri tamojitri yensi simarsa tamo jue, ²⁴ yensi, karra suwaba karra raramuli naiba kawi echi sikar WALUBELA ONORUAMI nil ich ka jigweram, Mina yemi nijemare echi WALUBELA ONORUAMI yemi nira churupi."