¹ Echi Israelitas kie nijeuli mapu rika nuleso rojonanla kara mapu kiosram nima reli. Acan, ranala Carmi, ranala ali Zabdi, ranala ali Zera, echi najiremami suwaba echona pirem Judá, juli namuti mapu rojonarami nili mapu ikosram nili, echi WALUBEALA RIOSI we yoli echona Israel pirem yua. ² Josué júli mina Jericó echi ralamuli echona Hai, echona mulupi Bet Aven mapu Betel nalik nili. Echi aneli: "Simibka inesi echi kawi''. Ali ma simibili echi ralamuli ma ineli Hai. ³ Mapali aboni ku isili echona Josué, atichi, Ali Aneli:''Kie jula kara ralamuli mina Hai. Julama okua mil o bakia mil ralamuli mapu sayerma echona pireami Hai. Kie kara julabo nakosia, mapujiti echona aboni kuá ju.'' ⁴ Ali ma simibli echi bakia mil ralamuli mapu nakosma, aboni kujumsla echona Hai pireami majaka. ⁵ Echi ralamuli echomi pireami Hai ko'ali baisa makoy usani ralamuli echi wikabe we oberla sontali mapali najatk echona jonsa wikabe pirechi jonsa, mikabe echomi bileni rite niruki pan tichina iyenli. Aboni echona pireami pachana sulachi we majali ali ma pi cha riweli jiwerli. ⁶ Ali echi Josué ma chiwanli echi napachi. Echi binoi ali bacha chuwami ocherami echi Israel pireami ucheli napiso abo mo ochi, munaka chupli echona bacham echi bile kajon oro ucherami WALUBEALA ONORUAMI, echona a muchuli machi yensi aliwachi. ⁷ Mapali Josué anili:'' ''¡Ah, WALUBELA RIOSI!¿Churikare nakikim simarma na iba pireami echona Jordán?¿ mapurika echi Amorreos tamuje suwabsa? ¡minani kala nili echona bo' ontami Jordán a muchuso! ⁸ !WALUBEALA RIOSI! ¿Piri anime nije, echi Israel pireami ma umparam nili aboni ko kujumli echi sayela jiti majaka? ⁹ Jipi echona Cananeos suwaba echona pireami namli. Aboni ko tamuje nolerma ali tamuje ko'wimé, echi ralamuli ma kie natama tamuje jiti. Echika, ¿Chosima muje echi walubela rawala jiti?'' ¹⁰ WALUBELA RIOSI aneli echi Josué, ''"¡Iliska! ¿Chukiare muje chuku echona bunak echina rile raweka? ¹¹ Israel chati olali. Aboni ko kie olali mapurika aboni anili onoruami yuwa. Aboni chikoli echi namuti rojonarami. Aboni ayena chikoli ali we nasoli echi chati olakuami, ku mukuli mapu abo chikoli aboni nili. ¹² Echirika, Israelitas kie omerli echi sayel sayera. Aboni ku jumli echi sayeroli majaka, Aboni nira nakili echirika suwabram nima. Kie asime emi yua mapu yensi nosubusa namuti mapu nokalit nosubu mina echi nasotam. ¹³ ¡Iliska! Kariwe emi nai pireami nije nili nima ali jeane: 'Kariwesi, biwasi mapu va ali oche bile rawe ju. ECHI WALUBEALA, RIOSI echomi Israel anili: ''Niruli namuti mapu nili rojonarami mapu nosuburam nima riwueli mina oche biji emi ka muchili, Israel, kie omerma muje sayera mapu yensi yesa karka namuti nima nili rojonarami mapu nima riyueli nosuburam. ¹⁴ "Biya, Kariwesi suwaba Najiremam. Najirema mapu WALUBEALA RIOSI baye nawamare karka najiremami. Najiremam mapu WALUBEALA RIOSI baye simarma suwaba ralamuli ibili nira. ¹⁵ Simirma mapu anerami ju echi akasali namuti niwa mapu chikoli; Echi nima kiosram, binoi, ali kara suwaba binoi kalila ,mapu binoi kie nijeuli mapurika nuleli WALUBEALA mapu aboni chati olali echona Israel. ¹⁶ Ali ma, Josué Iliska biya simili pali echi Israel suwaba najiremam ibili nira, echi Juda , chapirun nili. ¹⁷ Josué pali najiremam Judá echona mulupi, Zera yua najiremam chapirum nili, ali pali echi zera rijimala ibili nira ali ma zabdi anerami nili. ¹⁸ Echi najiremam Zabdi, ibili nira, Carmi ranala echi Acan,echi Zabdi ranala,echi Zera ranala,echi najiremam echona Juda,chapirum nili. ¹⁹ Echa aneli Josué echi Acán: ''Nije ranala, achinka ruvo MALUBELA RIOSI nai si ati Israel, karka ruwenla echi RIOSI. Tami piriko, ane, ¿Chu sikim? Kie bi iri naso. ²⁰ Acan ku je anili: ''Ni bichika nira, chati olali nije echi WALUBEALA RIOSI yua echona Israel. Echi ju mapu ani: ²¹ Mapali nije riwali echi karka namuti we nateami ali we vayoami echona Babilonia, okua kilo biteami plata, bile pita kapilami we viteami oro jiti niwarami soku bile kilo biteami, mapu binoi we nachili ma juli. Nasota ati echona riye,nasipi echona tamuje kalirasa muchui, echi wika nomi niwarami plata jiti muchuli echona rile. ²² Josué juli jare runla, we jumka echona kalirasa muchuli echona mukili namuti. Mariwisa nasotami mapu aboni muchili echona rile, ma inesa, ali ma riwali mapu muchuli echona nasoto echona kalirasa muchuli ali echona rile muchuli echi nomi plata jiti niwarami . ²³ Aboni juli echi namuti mapo echona a boni muchili kalirasa ali ma riwirli echi Josué ali suwaba echona Israel. Ku riwirla echi namuti echi WALUBELA RIOSI. ²⁴ Echi Josue, suwaba echona pireami si Israel, chapilti echi Acán Zera Ranala, Suwaba echi aboni juli echi plata, echi walu napachi, ali echi peta kapilami niwarami echi oro jiti, kara kuchili ali towi ali tiwe, kara mapu binoi niwali was, buliti, bowa, mapu echona kalirasa asali ali kara suwaba mapu echi binoi nili, ali ma tolti echona rile ripo rinatachi Acor. ²⁵ Echali Josué anili: ''¿Kiare ke kanila nijam muje? Echi WALUBEALA RIOSI yama echi kie kanilkuami jipi muje yua.'' Suwaba echona pireami Israel ali basibuli ali ma Ikosli. ²⁶ Aboni ilali echi walu rabotam rite jiti niwarami jipi echirika a ili. Echi WALUBELA RIOSI ma kie yoli. Echi jiti, echiriwe echona, jipi ayenasi, 'rile ripio rinatachi Acor.'