¹ Tye kakpejnu nanuka giknoginitka , wa pogirchi Gaswuro tserutatkalu wa Aman-tka wa Hamedata wgene Agagueo neru, ga wa gitsrukachi tuplatyawaka rutakatkalu pejnurune solalone waleyma gwanatachine. ² Pejnurune pojirchi wayegrene gipjepto gwanatachine yoptsojtayengetluna wa Aman, girixanu pogirchi towutyawakanna kamrutna,seyni Martkeyo giwa yoptsojityegitlu gi koxa yonogyegitanru ³ Ga wa pogirchi wayegrene gipgepto gwagetachine pogirchi-nu gepomgalu Martokeyo :"¿Girixa giwa pgemlu pogirchi towutyawu?". ⁴ pagognemnunanukamka wane chinruna seyni wale pnute gi gemgentanna wa towutyamkaluna. giyagni wanna giynumsatakalu Aman wa giknojachi Martokeyo pirana wa wane rixinri, girixanu Martokeyo wane chinna Goteyo rixinri. ⁵ Giyagni Aman getinitkalu Martokeyo giwa yoptsojityegityawaklu, giyagni Aman rimtuwnapotuta. ⁶ Giyagni wale galuka giylalenatanru Martokey-ni . Girixanu pogirchi wayegreru ginkaklu girunanni gichigne Martokeyo. Girixanu Aman galuka nikatlenatanna pejnurune goteyonni, Martokeyo chigne, Gaswero pogirewatyawaka wachinni ⁷ Muchichachri skuru (walenwa Nisán ksuru)gepi chininri pamole walapu rixinitka pogirchi Gaswuro, wanna gipkaklu wa Pur, tye ralukachinreta ruknokyegityaluna gipenoklu wa Amán,gipenoklu waneya rixinripa pagognekaka chinanu ga wa paksurkaka chinanu,wale gijruklu wa gepi chininri pamole ksuru(tyenwa Adar ksuru) ⁸ Giyagni Amán wane chinri pogirchi Gaswuro:" waneru satu pokchi gitspalgeshatachri ga wa gipalashatachri pejnuruko provincia-teya pixa pogirewatyawaka. Wanna ponyankakanru pnuko rixyana wa pimrine pokchine poyankakanru ga wa gi poyankakluna pogirchi towutyana. Giyagni giwa gewi runkata gitukletna. ⁹ Seyni ralikini wa pogirchi, ptowutanu runkata giylatikolupna , ga wa gita pamole waranka tsroschi wenutanna wa gegine rutalyapluna pogirchiyegi wa tye pejnuruko tsroschi" ¹⁰ Giyagni wale gwaloyo yoshmaklemyoji rupxakyaplo ga wa renekluna wa Amán, Hamedata wgene wa Agagueo neru.Wa Goteyone kamnixgene . ¹¹ Pogirchi wane chinri wa Amán:"Wa punkaletanro sroschi pixako gwanro ga wa pupokchi chinannu. pixa gimatatkalu gi pixpoko kastaletanro." ¹² Giyagni pogirchi tomsatna yonchikjapine wa pamole mapa yinwakle ksuru ga wa wanna yonatatkalu kiruka poyankakanrupna psoluko Aman towutyana wa pejnuruneko gitrukachine pogirchi provinci-te gagene, wanna satkaka provincia gwakine, wa gitrukachine pegnuruko pokchigajene ga wa pejnuruneko solalone gitrukatene satkaka pokchite gajene , satkaka provincia tokanuymana ga wa satkaka pokchi yanumleymana. tye kiruka yonatka pogirchi Gaswuro giwakaya ga wa yoshmaklemyojiyma rupxaklona. ¹³ Giyagni wana potuko genekna kiruka yonatkalurotka pejnuruko pogirchi provincia gajene, rumkata nikatikolupna, ruylatikolupna, ga wa rumkata nikatpotletikolupna wa goteyone , ge gishpaklene,truskikine, mturune ga wa suxone , pagognepje wa pamole mapa gogne wa gepi chininri pamole ksuru ( Tyenwa Adar ksuru)ga wa gnikataginna regnunkatna. ¹⁴ Satkaka yimkaluro kiruka rutakamtatkana tpoyankakikolpatka satkaka provincia-ya. Giyagni wanna ginkakatkana satkaka provincia gajene ga wa pokchi kaka, ralpokotyapna wale gogne chinanu giknojachipa. ¹⁵ Giyagni wa ginkaklewatachine shitetgishpakemtatkana kopalatyapluna wa towutyana pogirchi. Wanan koxa shiretkotspaltaletlo psoluko Sosa pokchi. Wa pogirchi ga wa Amán yunwa girletna , seyni Sosa pokchi gagene yine tsru pupgeru.