¹ Mardoqueo gimatinitkalu psoluko kamrunatanrutkana , suskamkapotuta ga wa kastugalu mkachri rutaka ga wa chichipagi koxa . ganikaji pokchi rushpaka ga wa saplewata gimtuwnachri gichko saple rixa. ² pogirchi gipgaptotepje rapkapana waleni , girixanu gisatunna kastugalu mkachri gitakachine jiglokakna. ³ pejnuruko pogirchi pokchi towu ga wa shinikanchi gapokyawaka , wanenanru satu tsru wamonchi Gotiyone yegi, rogajirewatna, wamonnuyma, ga wa saplewje chiyagletna. gixo wannalune gikluga kastugaluyma ga wa chichipagiyma. ⁴ Wa moklojine suxone ga wa Gistila wayegrechrone ginyegitlo wala ga wa runkaklona , wa pogirchi kogwakanshinikanuta. Wala yokanyegitlu mkachrikaka Martokeyo( remkatyapatka) seyni wale giwa yoptotlu. ⁵ Giyagni , Gistila tomgalu Gataka, satu pogirchi solalote gitakaluru wala towreru rixyapa . Wala towutlu Martokeyo yegi yiyapa tumatyapa klu giknoga gawa kluchinanu ⁶ Giyagni Gataka yayegitatkalu Martokeyo gapnanjetikowaka pogirchi gipgaptote potukle gwachri. ⁷ Martokeyo ginkaklu psoluko ruknonjeru, ga wa runkaklu AMAN galuka kamruretanru shroschi renekyaplu pogirchi ruylatikolupna Gotiyone. ⁸ renekoxlu satu yimkalurotka yonatkaluro kiruka renekyaluna Sosa pokchiya rumkata giylakikolupna Gotiyone. wa tye kamruta rumkata Gataka gekakgiretyaplo Gistila , wala gimkata yayegletyaplu pogirchi tangityaplu wale chinanu , ga wa tangipotutyaplu gipokchi chinanu. ⁹ Giyagni yatka Gataka ga wa runkakatkalo Gistila Martokeyo wane chinyalu. ¹⁰ giyagni Gistila wane chinatkalu Gataka psatokanu Martokeyo yegi. ¹¹ wane koxa chinru: "pegnuruneko pogirchi wayegrene, ga wa pogirchi pokchi psojitkaka, gimatlu girukta jeji waka suxo jigloklu pogirchi putu mtomga giwakatkotu , yonatkalurutkani giylatkalurupni: seyni rumkata giwekleta pogirchi korijeteyma yokgitanunepa. seyni mapamole gogne giknogatka gi tomgiyannona netyaplu pogirchi." ¹² Giyagni Gataka ginkakatkalu Martokeyo Gistila chinyalu. ¹³ Martokeyo yokanyegitlo tye pirana:"gi wa pyanshinikanutanru wa pixa pmayxewninripa pogirchipji pwakal chinanu goteyone pnute . ¹⁴ ga wa pixa pochke pixinipa tye gognekaka, ginnipgalu ga wa kigleru gwashle waneypatkana goteyone pnumnu gwachine, seyni pixa ga wa purupji nikawnachripni. ¿katu gimatlu xawakni pogirchipji papokinritka tye gogne pixkalutu? ¹⁵ Gistila wane china rugityapluna Martokeyo, ¹⁶ "pyanu ga wa papatatjetanna pejnuruneko gotiyone SOSA pokchi gwachine, ga wa gogajirewatanu gita chinanu. gi gnikanu gi giranu mapgogne potuko, goyechno ga wa gogi. gitkoxa ga wa makloteneyma nogajirewatanu gixa kopixka. wane gixachrino jiglokyegitanru pogirchi, gimka wane potuko nixanu chinyawaka wa yokanatkaluru. ga wa nupnini, gikerixa nupnanu." ¹⁷ Giyagni Martokeyo yatka, kamrutatkalu Gistila chinyawakpotuklu