¹ Ruknogitka wa tye kaka wa ruknoga jgekanutinitka wa Pogirchi Gaswuro , yanshinikanyegitlo wa Wasti wala kamrutyawaka. Wale koxa yanshinikanutlu waleko gitakanru tokanchi poyagkanrupnakna wala chinanu pmaka. ² Giyagni yine jejine wale gipxakachine wane chinna: "Rujgapkona kiglerone suxone makojine kpashirone pogirchi chinanupa. ³ Puchichanru wa gitsrukachi yokanatyapna solalone pogirene psoluko prowinsya yanna pogirewatyawakna, rapatikolupna kiglerone suxone maklojine Hare chinanupa wa pogirchirchipji Sosa gajeru. Petashatanna Hegai girukotyapna, Pogirchi solalotene, wannapni suxone girukotachinepa ga wa rugletinwana. ⁴ Petashatanro wa makloji pogirchi gigleretyaplo pguro tixinripa wa Wasti gipekole tixinripa. " wa tye gijretlu ruglereta wa pogirchi, wane rixatka. ⁵ Waneko-xna pimrine Gotiyone wa Sosa pokchi wale giwakni Martokewo Gair wgene, Simey gwene wa Cis, walanwa Wengamita. ⁶ Waleni giknokalurunni Gerosale pokchiya wane gwanatane-yma, paptogirune wanna Gekoniya gajene-yma, Gota gajeru pogirchi, walenwa Nabukotonosor, Babilonya gajeru pogirchi, wale ganikanatkana kashichkalunni. ⁷ Wale girukotamtlu wa Gatasa, walekni, Gistila, tukojiru wgene, gi rixanu wala giwa kgirlo gi koxa kginrolo. Wala makloji kiglero suxni ga wa kiglepotlo tomane. Martokewo gwatkalo rushicho pixka. ⁸ Wa pogirchi towu gitakaluru pogiwatinitka, gixo suxonni maklojinni ganikana pogirchi-pji Sosa. Gekayi girukotyapna. Gistila koxni ganikana pogirchi pogirewatyakapji, wala koxni Gekayi girukota, walanwa suxone girukotachro. ⁹ Wala makloji gigleretlu wale, ga wa tkanashka galuklewletlo wala. Giyasmpotunanuko reneklo wala tuglewatinripa ga wa tnikanru. Wale geneklo wala payokgipre twayegrenepa pogirchi-pji gajene rutakna kiglewakpotu suxone-pji. ¹⁰ Gistila gi wa gigkaklu ginakni topokchi waka tomole sreta, Gi rixanu Martokewo wane chinro ma tunkaklewatinripa, ¹¹ Pagognemnunanuka Martokewo giputu yaglotata kagwuru gitakikowaka, maleka sreta suxone-pji, rumatyaplona gitixpokota wa Gistila, ga wa kluneru giknoganu wala-yma. ¹² Wa rapokinitka gipapko wa satkaka makluji yayegityaplu wa Pogirchi Gaswuro, jemyapluna wa rugnantakikolupa wa suxone chinanu, satkaka makluji waneya tpoyagkakyplu pamole gepi ksuru tuglewleya, patsrujire ksuru mirra ngiyma, ga wa patsrujire pgamluro ga wa saglechi. ¹³ Ga wa sato makloji Pogirchi yegi yini, klunerukokta talukini teneeka suxone-pji gajeru, wa wala ganikyaplu pogirchi-pji yegi. ¹⁴ Kayi rixinitka wala jiglokapa, ga wa goyechnokawa tsatokjeta gepi chinri suxone-pji, girukotjetikowaka Saazgaz, wa Pogirchi solalote , ralukanune girukotachine. Wala gi satokinirpa pogirchi yegi tsru potu rushiniklewle-yma wala-yma ga wa rumepe tomsaletanmaklo. ¹⁵ Xani, rapokitka gipapko wa Gistila (Gabihail, Martokewo gikojiru, walenwa kashichlo rushicho pixka) pogirchi migje, wala gikeko tanjita wa Hekayi pogirchi solalotene,wannanwa suxone girukotachri gitakaluru, reneka nshinikanutlu. Xani Gistila kanashkatlu pejnuruneko getyaplo. ¹⁶ Gistila ganika Pogirchi Aswero yegi gitoko gruko rawyawaka walenwa pamole ksuru, walenwa Tebet, ksuru ga wa payokgipre walapu pogirewatinri. ¹⁷ Pogirchi galuko Gistila pimrone suxone pnute wala kanashkatlu tetwamonutikolu wale yegiya, pimrone jeji mumatkanewa pnute, giyagni rutaklo sagyeta galikakpotu wala juwu ga wa pogirchi rixlo Wasto gipekole. ¹⁸ Pogirchi genekna tsru niklewlu pejnuruneko solalone ga wa wayegrene, "Gistila kamrutlu tsru niklewlu" ga wa ruyagokatka wa gipwesto wenutikolu prowinciaya, Wane pnute koxa reneka genekashlu tser- piranawle.yma. ¹⁹ Xani, wa jeji mumatkanewa kpashirone rapatjetna gepi kata chininri, Martokewo tuplanata pogirchi gipgaptote. ²⁰ Gistila gikeko tugkaka tomolene chinanu ga wa topokchiya, Martokewo chinyawaklo. Waka gomkagitlu Martokewo chinyawaklo , wala wane gixa gi rixanu tseruwaklo wale. ²¹ Wale gognekaka, Martokewo tuplanatiniwa pogirchi gipgaptote, gepi solalone pogire, Wiktan ga wa Tere, wa pipgapto girukotachine. Rumtuwnana rujgaluna rumtukya pluna wa pogirchi Gaswero. ²² Wa Martokewo gekgi kayigawletkoklunutka. Wale wane chinro pguro Gistila, wa Gistila giynumsatlu pogirchi Martokewo giwakaya. ²³ Giyagni wa tokanchi gepomsayegitkalurni ga wa gimatkalurni giyagni gepinniko gostunojitkana ga wa giknogachri yonatkalurni Kronika kirukate pogirchi getanu.