¹ Yuntzil tu t’ana Moices yetel Aaron tun yaic: ² ”T’aneex u cajil Israel, aalex tioo : Wa jeen maaxac caa joop’oc u jookol u mejen tu wincilil bey kojaane, leetie cu suut kasil. ³ U kasile yo-lal le cu mansic u mejen bey kojaane. Quex wa u wincilile mantadz tun mansic wa cu tziitzil,kas yani, ⁴ Tu lacal le tux cu chitalo cu kastal, beyxan tu lacal le tux cu cutalo cu p’aatal kasil. ⁵ Jeen maxac cu mach le tux cu chitalo kabét u p’oic u nok yetel kaanaan u yichquil ich jaa, kas caliquil u chiinil kin. ⁶ Jeen maxac caa culac le tux cula le mac cu maansic u mejeno, le maca kabet u p’oic u nokoo yetel caa ichquinac ich jaa, leetie kas caliquil u yokol kin. ⁷ Jeen maxac cu mach u wincilile le mac cu tul u mejeno noo -yajo kabét u p’oic u nokoo yetel caa ichquinac ich jaa, kaschajaan caliquil u chinil kin. ⁸ Wa le mac cu tul u mejen cu tu -ub wa maax utze, beytuno le maaca kabét u p’oic u nokoo yetel caa ichquinac ich jaa , leetie kas tac tial u yakatal. ⁹ Jeen bax tux cu nat’ic u tzimin le mac cu tul u mejeno cu p’aatal xan kasil. ¹⁰ Jeen maaxac cu mach baa yan yaanal le maca cu p’aatal kas tac chen ococ kin, jeen max cu cuch le baalooba kabet u p’oic u nokoo yetel caa ichquilnac ich jaa, leetie cu p’aatal kasil caliquil u akatal. ¹¹ Jeen maxac wa cu tul u mejene cu mach baal wa ma u seen p’oma u kabe, le mac maacha kabét u p’oic u nokoo yetel u yichquil ich jaa, leetie kas tac tial u yocol kin. ¹² Jeen bax vasijaile de kat wa tu macha le mac cu tul u mejeno kabét u xixcuntaal , tu lacal baal de che tux cu liisal baale kabét u seen p’oobol. ¹³ Le chen udzquintaac le mac cu t’uul u mejeen ti u mejeeno, beytuno leeti kabét u xoquic siete kinoo uchic u udzquintaalo; cu dzoocole leetie kabét u p’oic u nokoo beyxan u wincilil yetel alca-jaa. Leeti tune cu yudztal. ¹⁴ Tu ocho kine leetie kabét u ch’ic caatul mucuy wa caatul sacpacal loobayeen caa talac tu tan Yuntzil tu jol u najil much’tal; teelo leetie yan u dzic le ch’iich’oo ti yunkin. ¹⁵ Le yunkino kabét u kubicoo , un tuule bey u siibalil kebane u laac un tuulo bey toocbil siibale, le yunkino kabét u meetic pixkeban yolal leeti tu tan Yuntzil yoolal u t’uulo. ¹⁶ Wa yan max cu t’uul u mejene, beytuno leetie kabét u p’oic tu lacal u wincilil ich jaa; leetie cun p’aatal kasil tac u chinil kin. ¹⁷ Tu lacal buuc wa keuel tux ch’oo le mejeeno kabét u p’oobol yetel jaa; kas tac tial u yokol kin. ¹⁸ Wa un tul coolel yetel un tul mac cu much’weneloobe cu kuchul le mejen ti le coolelo,kabét tu caatulilo caa ichquilnaco ich jaa; leetioobe kasoo caliquil u yokol kin. ¹⁹ Le chen u yil u “mes” un tul coolel u kasile muun cheenel ichil siete kinoo jeen maaxac cuu mache cu kastal tac chen chinic kin. ²⁰ Jeen tux caa chilac tu kiniloo u “meso” cu kastal xan; jeen tux caa culaque cu kastal xan. ²¹ Jeen maaxac cu mach u kaane kabét u p’oic u nokoo yetel caa ichquinac ich jaa; le maaca kaschajaan caliquil u chinil kin. ²² Jeen maaxac cu mach baa le tux leeti culaje kabét u p’oic u nokoo yetel caa ichquinac ich jaa; le mac jeela p’aat kaasil tac ti u yocbal kin. ²³ Wa tian tee kaano wa le tux cu cutalo, wa leeti cuu maache le maaca cu kastal tac tial u t’uubul kin. ²⁴ Wa un tul xiib cu wenel yétele,wa u t’uul u kikel coo-tie leetie cu p’aatal kasil ichil siete kinoo. Jeenbaax kanil tux cu chitale cu kastal. ²⁵ Wa un tul coolel tun mansic kik yaab kinoo maa jeebix suuquil u “meesanquile” wa le cu maansic kik ma u kinil u “meese”, tu lacal u kinile le tun t’ul u kikele kaschajaan, leetie bey u yilal u kinil u “meese”. Leetie kasyani. ²⁶ Tu lacal u kaanil tux leeti cu chitale, tu lacal caliquil tun yilic u kikel bey u kaanil tux cu chital tu kiniloo u “mesanquilo”, tu lacal le tux cu cutalo cu kastal, jach bey u kasil tial u “mese”. ²⁷ Jeen maaxac cu mach jeen macamac le baalooba cu kastal,; leetie kabét u p’oic u nokoo yetel caa ichquinac ich jaa, letie cu p’aatal kasil caliquil u yokol kin. ²⁸ Baale wa cu yudzquintaal ti u yic u kikelo, leetie cu xoquic u tialte siete kinoo, chen dzoococ lelo letie cu yudztal. ²⁹ Tu ocho kine letie cu machic caatul mucuy wa caatul sacpacal loobayeen cu bisic ti yun kin tu jol u najil much’tal. ³⁰ Le yunkino cu kubic un tul ch’iich bey un p’el siibal yo-lal keban u laak un tulo tial toocbil siibal, letie cu meetic pixkeban yo-lal leeti tu tan Yuntzil yoosal u kasil u t’ul u kikelo. ³¹ Bey can a meetex tex ca dziquex ti un payil u cajil Israel yolal u kasil, beyo yolal leetio muu quinloo yo-lal u kasiloo, wa cu pokolcheetcoo in najil ti much’tal, tux quin cajal ichiloo. ³² Lela leti bix kanun meetal ti jeen maaxac caa Yanac ti t’ul kik, yo-lal jeen max xiibil cu yiidzbal u mejen yetel kascuntic. ³³ ti jeen max coolelil cu yilic u”mese”, ti jeen maaxac muun tziitzil u t’ul wa u yidzlanquil, wa chuup wa xib, ti jeen max xibil cu wenel yetel un tul coolel kaschajaan”.