¹ YUNTZIL tu t’ana Moices tun yaati: ² “Lela leti u leyil tial le mac cu kojaantal leu kinil chen udzquintaaco. Leetie kabét u tasaal ti yunkin. ³ Le yunkino cu jokol tee campamento tial cu xixpac le maaca tial cu yila wa le kojaanila pakbeen tee oot’elo wa dzuu yudztal. ⁴ Cu dzoocole le yunkino cu tuchitic ti le max cun udzquimbilo kabét u ch’ic caatul ch’ich cuxaan udztac, u cheil cedro, un xoot kaan chac yetel ch’ulbil piitz. ⁵ Le yunkino cu tuchitic quinsbil un tul le ch’iich’oo yokol siisjaa dzaan ti un p’el vasija de kat. ⁶ Le yunkino cu ch’ic tun le ch’iich cuxaano yetel u cheil le cedroo le chac kaano yetel le ch’ulbil piidzo, letie cu t’ubil tu lacal le baalooba, taac le ch’iich cuxaano ichil u kikel le ch’iich quinsaab yok siisjaa. ⁷ Cu dzoocole le yunkino cu wedzic le jaa siete u tenej yokol le mac max cun udzquinbil ti u kojaanil, , beytuno le yunkino cu yaic dzuu yudztal. Cu dzoocole le yunkino cu chaic le cuxaan ch’iich tee kaax jaancabo. ⁸ Le maac cu yudzquintaala cu p’oic u nooko , cu kolis kostaal u tzotzel u pol cu yichintic ja-a , beytuno leetie udzchaji. Cu dzoocol lelo letie kabét u tal tee campamento, baale leetie yan u wenel paach nah ichil siete kinoo. ⁹ Tu siete kinoobe leetie yan u laa dziquic u tzootzel u pol,beyxan yan u dziquic u meex yetel u maatzab. Kabét u dziquic tu lacal u tzootzel, leetie kabét u p’ooic u nooko yetel u yichintic ja-a; letitune cu p’aatal utzil. ¹⁰ Tu ocho kine leetie kabét u ch’aic caatul mejen tamaan xiiboo mix baa uchultio,un tul ch’uputaman unp’el jaab ti mix baa uchulti, yetel, 11.1kg. harina mamayquil xaakaan yetel aceite bey un p’el u siibalil neeke, yetel un p’el tasa aceite. ¹¹ Le yunkin udzquintico cu waacunsic le max cu yudzquintico, tu tzel le baalooba, tu tan Yuntzil tu jol u najil much’tal. ¹² Le yunkino cu ch’ic un tul le taman xiibo cu kubic bey un p’el u siibalil siipile, yetel un p’el tasa aceite; leeti cun yuntic tial un p’ el siibal cu bookol actaan ti Yuntzil. ¹³ Letie kabét u quinsic le xibi tamano tu cuchil tux tu quinsoo u siibalil yoolal le kebano yetel le toocbil siibaloobo, tee tux yan u najil much’tal, men u siibalil le kebano u tial yunkin, jeebix u siibalil siipilo, men jach quiliich. ^{16 14} Le yunkino cu ch’ic un p’iit kik ti le u siibalil le siipilo cu dzic tu nii tuu lee u xiquin le max cun udzquimbilo,tu polquil u ch’ilbil u no-o kab, beyxan tu polquil u ch’ilbil u no o oc. ¹⁵ Beytuno le yunkino cu ch’ic aceite ti le taazao cu t’oojic tu tan u dzic kab.v 16 Cu t’uubic u ch’iilbil u noo kab ichil le aceite yan tu dzic kabo cu wedzic un p’iit le aceiteo yetel u ch’ilbil u kac siete u tenel tu tan Yuntzil. ¹⁷ Le yunkino cu dzic u yaala le aceiteo tu kab yokol u ni-i u sol u noo xiquin le max cun udzquimbilo yokol u polquil u ch’ilbil u noo kab, yokol xan u polquil u ch’ilbil u no-o oc. Letie kabét u dzic le aceitea yokol u kikel le u siibalil le siipililo. ¹⁸ Le u yaala le aceiteo le yan tu kab le yunkino, leeti cun dzic tu pol le maac cu yudzquintaalo, le yunkino cu meetic pixkeban yolal leeti tu tan Yuntzil. ¹⁹ Beytuno yunkine cu kubic u siibalil le kebano cu meetic pixkeban yolal leeti le max cun udzquimbilo yo-lal u kasilo, cu dzoocole leeti cun quinsic le toocbil siibalo. ²⁰ Beytuno le yunkino cu kubic t- oocbil siibalo, beyxan u siibalil le neko yokok u multunil kulta. Le yunkino cu meetic pixkeban yo-lal le maaca, beytuno leetie cu yudztal. ²¹ Chen baale wa otzil le maaco yetel ma un beytal u bootic le ya-siibalooba, beytuno leetie kabét u ch’ic un tul xibi taman bey un siibal tial siipile tial caa yuntaac , tial caa meetaac pixkeban tial leetiuba, yetel 3.7kg. harina mamayquil xaakaan yetel aceite bey un p’el u siibalil nek, yetel un p’el litro aceite. ²² Much yetel caatul mucuy wa caatul sacpacal loobayeen, jeenbix leeti juubeytal u yantal tie ; un tul ch’iich tial u siibalil keban u laak un tulo tial toocbil siibal. ²³ Tu ocho kine leetie kabét u tasic tial caa udzquintaac men yunkin, tu jol u najil much’tal, tu tan YUNTZIL. ²⁴ Le yunkino cu ch’aic le chan tamano tial un p’el siibal, leetie cu ch’ic yetel un p’el u litroil aceite de oliva, letie cu liisic canal caliquil tun kubic ti YUNTZIL. ²⁵ Letie cu quinsic le tamano tial u siibalil siipil, leetie cu ch’ic un p’iit u kikel leu siibalil siipil cu dzic yokol u nii u sol u noo xiquin ti le max cu udzquimbilo, yokol u polquil u ch’ilbil u noo kab,yetel yokol u ch’ilbil u noo oc. ²⁶ Cu dzoocole le yunkino cu wequic un p’iit le aceite tu tan u dzic kab. ²⁷ Letie cu wedzic le aceite le yan tu dziic kabo siete u tenel tu tan YUNTZIL. ²⁸ Leti le yunkin tuno cu dzic un p’iit le aceite le yan tu kabo yokol u xul u noo xiquin ti le max cun udzquimbilo, tu ch’ilbil u noo kab yetel tu polquil u ch’ilbil u noo oc, le laili tux tu dzae u kikel leu siibalil siipil. ²⁹ Letie cun dzic le aceite yan tu kabo yokol u pol le max cun udzquimbilo tial caa meetac pixkeban ti tu tan YUNTZIL. ³⁰ Letie kabét u kubic un tul le mucuyo wa le sacpacalo loobayeno, jeebix le maaco beycha u caxticoo-. ³¹ Un tuule bey tial u siibalil kebane u jeelo bey un p’el siibal toocaane, paate yetel u siibalil le neko. Cu dzoocole le yunkino cu meetic pixkeban yolal le cun udzquimbil tu tan YUNTZIL. ³² Lela leeti u leyil tial un tul mac le yan un p’el kojaanil ti paakben tu yot’el, max maun beytal u bootic le siibalil suucaan tial caa udzquintaac. ³³ YUNTZILE tu t’ana Moices yetel Aaron , tu yaati: ³⁴ Le chen ocquex tu luumil Canano le tin dzaa teex a tialteex, wa quin dzic plaga tial caa t‘iitpajac ti un p’el naje le tux dziin dziqueexo. ³⁵ Beytuno , le max u yumil le najo kabét u tal cuu yaati le yunkino. Letie kabét yaic:” bey in woole yan un p’iit plaga tin nayil”. ³⁶ Tu seblaquile cu tuchitic caa laa jook-coo tee najoo caliquil maa ococ u yil wa jach jaa yan plaga tee najo, yolal mix baa tee najoo caa kasac. Cu dzoocole le yunkino kabét u yocol ichil le najo u yile. ³⁷ Letie kabét u xixpactic le plagao tiu yilaa wa yan tee tu pakil le najo, tial xan cu yil wa yaax bukeen wa ol chac tee yokol le pako. ³⁸ Wa le naj yan plaga tio beytuno le yunkino cu jookol ichil le najo cu kalic u jol le najo ichil siete kinoo. ³⁹ Beytuno le yunkino cu suut tu caaten ichil siete kinoo cu caa xixpactic tial cuu yil wa le plagao dzuu t’iitpajal tu pakil le najo. ⁴⁰ Wa dzooque, beytuno le yunkino cu tuchitic tioo cuu joosoo le tuunchoo le tux ilaa le plagao cuu puloo ti un p’el cuchil pachil tee cajo. ⁴¹ Letie yan u tan-oltic tu lacal u pakil le najo caa joochaac, leetioobe kabét u ch’icoo le xix kas jok le joochabico cu bisoo pach le cajoo u puloo ti un p’el cuchil kas. ⁴² Leetioobe kabét u ch’icoo u laac tunichoo cu dzao le tux tzel le tunichoobo, leetioobe kabét u ch’icoo tumben kat tial u choo tu pakil le najo. ⁴³ Wa le plaga cu caa suut cu caa jookol tee naj le dzuu kexel u tunichilo u pakile joochaabi caa pix u pakil, ⁴⁴ Beytuno le junkino kabét u yocol cu xixpacte najo tial cu yil wa le plagao dzuu t’iitpajal tee najo. Wa dzooque, beytuno lolo plaga, le najo kakasnah. ⁴⁵ Le naja kabét u juutul . le tunichoobo, le cheo, tu lacal u saj-cabil le najo kabét u pulul pachil tee cajo ti un p’el cuchil kaschajaan. ⁴⁶ Uchen tip’aanile, jeen maxac caa ococ tee naajo caliquil u kinil kalaano cu p’aatal kaasil tac chen chinic kin. ⁴⁷ Jeen maxac wen tee najo kabét u p’oic u nokoo , jeen maxac caa janac tee najo kabét u p’oic u nokoo. ⁴⁸ Wa le yunkin cu yokol tee naj tial u xixpacte cu yil wa le plaga dzuu t’iitpalo ichil le najo le caa dzooc u caa dzaabal u katil le najo, beytuno, wa minaan le plagao, leetie cu yaalic le najo dzuu yudztal. ⁴⁹ Beytuno le yunkino kabét u ch’ic caatul ch’iich tial cu yudzquint le najo, yetel u cheil cedro un xoot chac ka-an yetel ch’ulbil piidz. ⁵⁰ Leetie cu quinsic un tul le ch’iich’oobo, yok tumben jaa ti un p’el pichel de kat. ⁵¹ Leetie cu machic u cheil le cedroo, le ch’ulbil piidzo, le ka-an box chaco, yeel le ch’iich cuxaano , cu t’ubic ichil u kike le ch’ich quimeno tee yicnal le tumben jao, cu wetzic tee naj siete u tenel. ⁵² Leti cun udzquintic le najo yetel u kikel le ch’iich’o yetel tumben jaa, yetel le cuxaan ch’iich’o, u cheil le cedroo, le ch’ulbil piidz, yetel le box chac kaano. ⁵³ Baale leetie cu chaic le ch’iich cuxaano caa xiic pach le cajo tac kaax chen minaan u xul. Beytuna kabét u meetic pixkeban tial le naja , lela cu p’aatal utzil. ⁵⁴ Lela leeti u leyil tial tu lacal kojaani pakbeen ti oot’el yetel baaloo tasic le kojaanila yetel tial u chii-bal mac. ⁵⁵ Yetel tial u plagail nok wa naj. ⁵⁶ Tial ch’uupil wa u p’orooxtal wincilil, yetel un p’el ekcumen leledzquil , ⁵⁷ Tial caa jeedzec wa jeebaaxac ti le lelooba wa kas wa baax kin udz. Lela leeti u leyil tial kojaanil pakbeen ti yoot’el wa plaga.