¹ Yuntzil t’an Moices yetel Aaron caa tu yaati: ² Wa yan wa max caa Yanac tu yoot’eelil u wincilil un p’el chuupil wau dzooyel leledzqui le ek cumeeno cu no-yaatal yan un p’el kojaanil tu yoot’elil u wincilil, beytuno leetie kabét u bisaal ti Aaron le canal yunkiino wa ti un tul u palaloo le yunkinoobo. ³ Tu seeblaquil le yunkino cu xixpactic le kojaanil tee tu yot’elil u wincililo. Wa u tzotzel tee tu cuuchilo tun sactal wa le kojaani bey mas taame quet u jeel u yoot’elo, beytuno un p’el kojaani pakbeen. Le chen dzoococ u xixpactaal men le yunkino, leetie kabét u yaacuba kasil. ⁴ Wa le ekcumeni leledzquilo tee tu sac oot’elo, u pactaale maa mas tam quet u jel u yot’elo waa le tzoodz le tux yan le kojaanilo maa joop’oc u sactalo, beytuno le yunkino kabét u dzic un paayil leeti yolal le kojaanilo ichil siete kinoo. ⁵ Tu siete kine, le yunkino kabét u xixpactic leeti tial cu yila le kojaanilo wa maa cha-ket chaqui, wa maa buucbesaac u yot’eli. Wa mae, beytuno le yunkino kabét u dzic un paayil u laac siete kinoo. ⁶ Le yunkino cu caa xixpactic tu siete kin cuu yile wa le kojaanilo tun yudztal wa maa jach t’iitpajac mas tam ti u yot’el. Wa , beytuno le yunkino cu yaaque leetie udz. Chen u chuupil tu yoot’el. Leetie Kabét u p’oic u nook, cu dzoocole leetie udz yani. ⁷ Baale wa le chuupil tee tu yot’el dzuu t’iitpajal le caa dzooc u yeesic leeti ti yunkino uchic u yaala udze, letitune kabét u tasic tu caaten ti yunkin. ⁸ Le yunkino cu caa xixpactic leeti tial cu caa il le chuupilo wa dzuu ch’actic u yoot’el. Wa dzuu t’iitpale, beytuno le yunkino kabét u yaalic leetie dzuu kastal un p’el kojanil pakbeen. ⁹ Le chen Yanac un p’el kojaanil pakbeen tu yot’el wa maaxe, leeti tune kabét u bisaal ti yunkin. ¹⁰ Le yunkino yan u xixpactic leeti cu yil wa yan sac chuup tee oot’elo wa u tzootzele dzuu sactal wa chicaan u cheche bakel tee tux chuupo. ¹¹ Wa yaane, beytuno un p’el kojaani maa udz-tal u caa tu yot’eli le yunkino kabét u yaaic leeti maa utzi . Muun dzic un paayil , men letie kasilie. ¹² Wa le kojaani caa toop’oc yaa tee tu yot’elo cuu buucbes tu lacal u yot’el le maac kojaana u caajal tu pol tac tu yok, caliquil u chiicpajal ti yunkin, ¹³ Beytuno le yunkino kabét u xixpactic leeti tial cu yile wa le kojaanilo dzuu buucbesic tu lacal u wincilil. Wa dzooque , beytuno le yunkino kabét u yaalic le maac yan le kojaani tia maa kaasi. Wa tu lacal dzuu sactale , beytuno leetie udz. ¹⁴ Baale wau cheche bakel chicaan ti leetie yan u yaalale kas . ¹⁵ Le yunkino kabét u yilic le u cheche bakelo cuu yaal leetie kas men cheche bakele kas. Unp’el kojaani pakbeen. ¹⁶ Baale wa le cheche bakel cu sactal tu caateno, beytuno le maaca kabét u bin yicnal yunkin. ¹⁷ Le yunkino kabét u xixpactic leeti tial cu yil wa le bako dzuu sactal. Wa dzooque beytuno le yunkino kabét u yaalic le maaca dzuu yudztal. ¹⁸ Wa un tul mac yan chuuchum ti tu yot’ele baale dzuu yudztal, ¹⁹ Tee tu cuuchil le chuuchumo yan un p’el sac chuupili wa leledzquil men ekcumeen, sac-chac, beytuno kabét u yeesaal ti yunkin. ²⁰ Le yunkino cu xixpactic tial cu yil wa mas tam quet u yot’el,wau tzootzele dzuu sactal. Wa dzooque le yun Kino kabét u yaalic leeti kasyanil. Up’el kojaanil pakbeen, wa le tux yan caach le chuuchum yanchajo. ²¹ Baale wa yunkin cu xixpactic cu yilic minaan sac tzootzii ti leeti yetel maa tu tamil le oot’el yano tan xan u saactal, beytuno yunkine kabét u dzic un payil ichil siete kinoo. ²² Wa cu buucbesic ol tu lacal u yot’ele, beytuno yunkine kabét u yaaic kasil. ²³ Baale wa le ekcumeenil leledzquil cu p’aatal tu cuchil ma t’iitpaqui, beytuno chen u dzooyel le chuuuchumó le yunkino kabét u yaic leeti dzuu yudztal. ²⁴ Wa caa elec u yot’ele u cheche bakel le tux elo dzuu sut sac-chac wa sacwayeen, ²⁵ beytuno yunkine cu xixpactic tial cu yil wa le tzootz tee tux ekcumeeno wa tun sactal wa xan mas tam u yilal quet u yot’el. Wa dzooque , beytuno un p’el kojaani paakbeen. Dzuu ch’aatic le tux elelo, le yunkino kabét u yaic kasil. Un p’el kojaanil pakbeen. ²⁶ Baale wa yunkin cu xixpactic cu yilic minaan tzooc sac tee tux ekcumeeno, maaxan mas caambal yanil quet u yot’elo baale dzuu saatal, beytuno le yunkino kabét u dzic un paayil ichil siete kinoo. ²⁷ Beytuno le yunkino kabét u xixpactic tu siete kin. Wa dzuu jach t’iitpaajal tu yot’ele, beytuno le yunkino kabét u yaalic leeti ma-utzi. Un p’el kojaanil pakbeen. ²⁸ Wa le ekcumeenil cu p’aatal tu cuchilo maa t’iitpaqui baale dzuu saatal, beytuno un p’el chuupil ti le elelilo, le yunkino kabét u yaique udz yanil, men chen u dzooyel tux udzcha elico. ²⁹ Wa un tul xiib wa un tul colel yan ti un p’el kojaanil pakbeene wa tu pol wa tu camaach, ³⁰ Beytuno le yunkino kabét u xixpactic le maaca cu yila wa ma pakbeen u kojaanili tial cuu yil wa ma mas tam quet u yot’el wa yan mejen tzootzel kantac tu yot’el. Wa yaane, beytuno le yunkino kabét u yaic leetie kas. Chi-an , un p’el kojaanil paakbeen tu pol wa tu camaach. ³¹ Wa le yunkin cu xixpactic le kojaanilo tux chiaano cu yilic ma yanal u yot’eli minaan xan box tzootzii , beytuno yunkine cu dzaic un paayil le maac kojaan uchic u chiibila ichil siete kinoo. ³² Tu siete kine le yunkino cu xixpactic cu yil le kojaanil wa dzuu t’iitpajal. Wa minaan mejen kan tzotz wa xan le kojaanilo chen tee oot’el cu yilalo. ³³ Beytuno leetie kabét u dziiquil baale le tux yan le kojaanilo ma kabét u dziiquili le yunkino kabét u dzic un paayil le maaca le kojaan chia na ichil u jel siete kinoo. ³⁴ Tu siete kine le yunkino yan u xixpactic le kojaanilo tial cu yil wa dzooc u ch’eenel u buucbesic u yot’el. Wa ma bey mas tam quet u yot’ele, beytuno le yunkino kabét u yaaque dzuu yudztal. Le maaca kabét u p’oocunok, beytuno leetie udzchaji ³⁵ Baale wa u kojaanil chiibico dzuu t’iitpajal yaab tu yoot’el le caa dzooc u yaic yunkin dzuu yudztalo, ³⁶ beytuno le yunkino cu caa xixpactic leeti tu caaten. Wa le kojaani dzuu t’iitpajal tu yot’el, le yunkino ma kabét u caxtic kantzoozi. Le maaca kaschajaan. ³⁷ Baale wa tu paacat le yunkin le kojaanil chiaanilo dzuu p’aatic u t’iitpajal box tzootze dzuu chiijil tu cuchil, beytuno le kojaanilo dzuu yudztal. Letie udz, le yunkino kabét u yaic udzchajaan. ³⁸ Wa un tul xib wa colel tun sactal u yot’el, ³⁹ beytuno yunkine kabét u xixpactic le maaca cu yila wa u t’un saquil le maaca wa kas ek,wa chen un p’el chuupil dzuu jokol tu yot’el. Letie udz yanil . ⁴⁰ Wa u tzootzel u pol mac tun juutul tu pol, leetie kolis baale udzyanil. ⁴¹ Wa u zootzel dzuu juutul tee tu tan u polo u tan u poole kolis, letie udzyanil. ⁴² Baale wa yan un p’el yajil chacsac tee tu kolis pol wa tee tu tan u kolis polo, lelo un p’el kojaanil pakbeen cu xiitil. ⁴³ Beytuno , le yunkino kabét u xixpactic leeti tial cu yila wa le chuupil le tux yan le kojaani tee kolis polo wa tu tan u polo wa chac-sac, bey u yilal un p’el kojani pakbeen ti oot’ele. ⁴⁴ Wa beyo, leeti tune yan un p’el kojaani ti pakbeen yetel kas. Jach in waaque kas yolal le kojani tu polo. ⁴⁵ Le maac yan kojaani ti pakbeene kabét u buquintic nok jaajaat, u tzootzel u pole kabét u jiit-chatic, leetie kabét u pixcu yich tac tu ni-i yetel cu yautic : “kasen, kasen”. ⁴⁶ Tu lacal le kinoo cun yantal ti pakbeeno leetie kas cun ilbil. Men letie kas yoolal un p’el kojaani juubeytal u t’iitpale, letie kabét u cuxtal tu juun. Letie kabét u cuxtal paachil ti le campamentoo. ⁴⁷ Un p’el buuk cu kaasal men u kasil leprae ,wa lana, wa nok de lino, ⁴⁸ Wa jeenbaaxac joojokan wa jiit’aan de lana wa lino, wa keuel wa jeen baax meta-án yeel keulel , ⁴⁹ wa tun kastal men tun yaaxtale wa chac-buyeen le nooko,le keuelo, le baa kaxaan wa jiit’aan, wa jeen baaxac de keuel , beytuno lepra cu xeexeekal, kabét u yeesal ti yunkin. ⁵⁰ Le yunkino kabét u xixpactic le nooko bix wa yaan quimbalii: letie kabét u dzic un payil jeen baaxac caa Yanac plaga tie ichil siete kinoo. ⁵¹ Leetie kabét u caa xixpactic tu siete kinoo wa dzuu t’iitpajal ti le nooko ,le jeebax kaxaano wa jit’aano de lana wa u baalil lino wa keuel wa jeen baax tux cu meyatal le keuelo, beytuno lolo lepra le baaloobo kastacoo. ⁵² -Letie kabét u tooquic le nooko wa jeen baaxac kaaxi wa jiit’i wa de lana wa de lino, keuel wa jeen baaxac meyajaan yetel keuele, ti jeen baaxac yaan plaga loobee, juubeytal u biscoon ti un p’el kojaani. Le nooko kabét u laa toocal. ⁵³ Wa le yunkin cu xixpacte le nookoobo cuu yil le plagao ma t’iitpajac ti u jel nookoobi wa le baa kaxaano wa jit’aano wa de nok wa de lino wa u meyjul keuel, ⁵⁴ Leti cun tuchitic tioo cu p’oob le nokoobo le tux caxtaab le leprao letie kabét u dzic un payil u lak siete kinoo. ⁵⁵ Beytuno le yunkino cu xixpactic le nookoobo le caa dzooc u p’oobol le nooko. Wa le plaga ma kex u color , quex ma t’iitpaqui, kas. Teche kabét a tooquic le nooko, quex maa tuclic tux coo le plagao. ⁵⁶ Wa le yunkin cu xixpactic le nooko cu yilic le plagao dzuu kexel u color le uchic u p’oobolo , beytuno leetie kabét u xotic le tux kas le nooko wa le keuelo wa le baa kaxaano wa jit’aano. ⁵⁷ Wa le plaga laili chicaan ti le nooko, wa tee tux kaxaano wa jit’aano wa ti jeenbax meyajaan yetel keuel, tun t’iitpale .Teche kabét a tooquic jeen baax nookil yan plagae ⁵⁸ Le nooko wa tu lacal le jookaan wa jit’aan ,wa keuel wa jeen baaxac meyajaan yetel keuel wa caa p’oe le plagao cu bin, beytuno le baalo kabét u caa p’oobol tial caa utzaac. ⁵⁹ Lela leti u leyil le plaga cu yantal ti nok de lana wa lino wa jeen baaxac wa jookaan wa jit’aan wa keuel wa le meyajaan yetel keuelo tial teexe caa beyac a waaquexe dzuu yudztal.