¹ Yuntzile tu t‘ana Moices-lelo chen p’elac u quimil leu caatul paalal Aaron, letie caa tu nadz ubao ti YUNTZIL le caa quimoobe. ² YUNTZILE tu yaala ti Moices: T’an Aaron a sucuun , aatie mau u tal tee cuchil quilicho tee ichil le cortinao jeen baax horae tee u pixil le cu piixil le yan nadz ti le arcao. Wa leti cu meete , leetie cu quimil, men tene yan in weesquinba ichil un p’el muunñal tux cu pixil le pixkebanilo. ³ Bey loobal cun ocol Aaron tee cuchil quilicho. -Letie kabét u yocol yetel un tul wacax tanquelen bey un p’el siibal tial kebane, yetel un tul taman bey tial un p’el toocbil siibale. ⁴ Letie kabét u betic le quilich tunica de lino, leti xane kabét u yalal u nok de lino, kabét xan u dzic u kax nak de lino. Letie kabét u yichquil ich jaa beytuno cu buquintic le noko dzin waaco. ⁵ Letie kabét u ch’aic ti u much maaquil Israel caatul chiivos bey u siibalil quebaane yetel un tul taman tial toocbil siibal. ⁶ Cu dzoocole ,Aaron kabét u kubic le wacaxo bey un p’el siibal tial kebane, lela u tial leeti, tial cu meet pixkeban tu yolal yetel yolal u palal. ⁷ Beytuno leetie kabét u ch’ic caatul chivoo cu dzaa tu tan YUNTZIL tu jol u najil much’tal. ⁸ Cu dzoocole, Aaron kabét u joosic suerte yo-lal le caatul xibichivoso un tule yolal YUNTZIL u jeelo tial pixkeban. ⁹ Aaron tune , kabét u kubic le xibichivoo ti le luub le suerteo yolal YUNTZIL cu kub le xibi chivoo bey u siibalil keban. ¹⁰ Baale le xibi chivoo ti le luub le suerteo tial pixkebano kabét u tasaal cuxaan tu tan YUNTZIL ,tial caa meetaac pixkeban le chen tuxtaac nachilo bey un Tul xibi chivoo pixkeban tee xtocoy luumo. ¹¹ Cu dzoocole, Aaron kabét u kubic le wacaxo bey u siibalil kebane, lela u tialte. -Letie kabét u meetic pixkeban tu yolal u baa yetel yolal u palal le olale leetie kabét u quinsic le wacaxo bey un p’el siibal yolal keban tu yolal u baa. ¹² Aaron kabét u tzelic un p’el incensario chuup yetel u chuuquil kak le yan tu multunil kulta tu tan YUNTZIL yetel u kab chuup yetel ch’ujuc incienso mamay juuch’aan, cuu tas le baalooba ichil le simbil noko. ¹³ Teelo, leti kabét u dzic le inciensoo ichil le kak tu tan YUNTZIL yoolal u munñalil le inciensoo caa beyac u pixic u mac le pixkebanilo yokol u noo t’aanil le nuupt’aano. Letie kabét u meetic lelo yolal letie muu quimil. ¹⁴ Beytuno, letie kabét u ch’ic un p’iit u kikel le wacaxo cu wedz yetel u ch’ilbil u kab tu tan u mac le pixkebano.- Letie kabét u wedzic un p’iit le kiko yetel u ch’ilbil u kab siete u tenel tu tan u mac le pickebano. ¹⁵ Cu dzoocole ,letie kabét u quinsic le xibichiboo yolal u siibalil keban tial le maacoobo cu tas u kikel ichil le simbil noko. -Teelo letie kabét u meetic yetel le kiko jeebix tu meta yetel u kikel le wacaxo: letie kabét u wedzic tu mac le pixkebano beytuno actaan ti u mac le pixkebano. ¹⁶ Letie kabét u meetic pixkeban yolal le cuchilo jach quilicho yo-lal le baaloo kastac cu meetic le u maaquiloo Israel, yo-lal u kooxiloo, yetel tu lacal u kebanoo. Leti xane kabét u meetic lelo tu najil much’tal,,tux YUNTZIL, cuxaan ichiloo, tu tan yaa baa cas cu meetcoo. ¹⁷ Mix mac kabét u yantal tu najil much’utal le chen ococ Aaron Ichilo tial cu meet pixkeban tee cuchil jach quilicho, caliquil u jookol chen dzoococ u meetic pixkeban tu yo-lal u baa yetel yo-lal u palal, yo-lal xan tu lacal u luumcabiloo Israel. ¹⁸ Letie kabét u jokol tee altar yan actan ti Yuntzil cu meet pixkeban yolal leti, letie kabét u ch’ic un p’iit le u kikel le wacaxo yetel un p’iit u kikel le xibichiboo cu dzaa tee baac yan tee altaro tu lacal u suutul. ¹⁹ Letie kabét u wedzic un p’iit le kik ti leti yetel u ch’ilbil u kab,siete u tenel tial u yudzquintic, cu dzaa un payil tial YUNTZIL, naach ti baaloo kastac cu meeticoo u maaquilo Israel. ²⁰ Le chen dzoococ leeti u meetic pixkeban yo-lal le cuchil jach quiliicho, u najil much’tal, u multunil kulta, letie kabét u kubic le xibichivoo. ²¹ Aaron kabét u dzic tu caap’elil u kab yokol le xibichivoo cu caantic yokol tu lacal u kasaanil u maaquilo Israel, tu lacal u minaan uymat’aanilo, yetel tu lacal u kebanoo. -Beytuno, letie kabét u dzic tu pol le xibichivoo cuu tux naachil cuu canant un tul mac u liismubaa tial u bis le xibichivoo tee xtocoy luumo. ²² Le xibichivoo cu bisic tu baa tu lacal u keban le maacoo ti un p’el cuchil tu t’uruchjuun. Tee xtocoy luumo le maaca kabét u chaic le xibichivoo. ²³ Cu dzoocole, Aaron kabét u suut tu najil much’tal cu tzelic u buquin nok lino le tu buquinta maili ococ ichil le cuchil quiliicho, letie kabét u p’atic le buucoo telo. ²⁴ Letie kabét u p’oic u wincilil ich jaa tee cuchil jach quiliicho cu dzaic u xmankin nok; beytuno letie kabét u jokol u kub toocbil siibal yetel u toocbil siibal le maacoobo, ’beytuna cu meetic pixkeban tu baa yetel ti le maacoobo. ²⁵ Letie kabét u tooquic leu tzatzelil le siibal yolal kebano tee tu multunil kultajo. ²⁶ Le mac cun chaic le xibichivoo cuupixkebano kabét u p’oic u noko yetel u wincilil ich jaa; cu dzoocol lelo, letie juubeytal u suut tee campamentoo. ²⁷ Leu wacaaxil le siibal yolal kebano yetel le xibichivoo le u siibalil kebano u kikel dzuu taasaal tial pixkeban tee cuchil jach quiliicho, kabét u bisaal pachil ti le campamentoo. Teelo kabét u toocal u keulel, u bakel yetel u taa. ²⁸ Le mac cun tooquic le dzin waaco kabét u p’oic u nok yetel u wincilil ich jaa; cu dzoocol lelo , letie jubeytal u suut tee campamentoo. ²⁹ Muun xulul u yilal bey un p’el estatuto a Tiileexe le u siete uuhoo, ti u lajun kin ti u uuhil, teexe kabét a chicancuscabaex yetel maa meyajeex, mix a huet cajaleex, mix tanxel cajiloo le cajaano ichileex. ³⁰ Lelo men le kin jeelo, le pixkebano cu metal ta wonsaleex, tial caa tzel ca kebanex, tial ca utzaquex tu tan YUNTZIL. ³¹ Un p’el tzicbeen kinil jeelel a tialeex, teexe kabét a chichan cunscabaex yetel maa meyajeex. Lelo mantadz un p’el estatuto a tialeex. ³² Le canal yunkino le cun dzaabil aceite tu polo yetel cun tuchitaal tial canal yunkini tu cuchil u tata,leti kabét u meetic le pixkebana caa xan u buquint u nokil lino, leloobo u buquil quiliicho. ³³ Letie kabét u meetic pixkeban yo-lal le cuchil jach quiliicho; letie kabét u meetic pixkeban yo-lal u najil much’tal yetel le u multunil kulta,,letixane kabét u meetic pixkeban yo-lal le yunkinoobo yetel tu lacal u maaquilo le much’talo. ³⁴ Lelo un p’el estatuto a tial, le u metal pixkeban ti u maaquiloo Israel yolal tu lacal u kebanoo, un teen un p’el jaab.”Lelo meetaa jeebix YUNTZIL tu yaala ti Moices.