¹ Josías tu kiinbesaj tu caajil Jerusalén le taadzmaan baal ti u nojbeenil Yuumtzil tu 14 kiinil u yaax winalil le jaaboo tu quiimsaj u tamano'ob le kinbsajó. ² Tu dzaj le aj kiino'obo tu cuuchiloob u meyajoob ca tu yaalaj tiob ca yanac u yooloob utial u meyajoob tu kulnaj Yuumtzil. ³ Tu yaalaj ti le levitas cu aj caanbesajoob tu laacal Israel jun paaycunanoob utial Yuumtzil:" Dzaex le quiilich baasché tu kulnaj Yuumtzil lej beetaab tumen Salomón u paal David, u ajawil Israel. Ma' a caa biseex ta queleenbaleexi. Bejelae jach dza'abaex a meyajteex Yuumtzil a Dios yeetel Israel u caajal Yuumtzil. ⁴ Muchabaex ta jujun laaktzileex ca toxeex u kiinilo'ob a meyajeex je'el bix tu pataj dziibaltanil David u ajawil Israel yeetel salomón u paal. ⁵ Paatac ich quiilich naj jun much le levitaobo ti junjun much' u yotochnaaloob tu kaaba u junjun muuchilo'ob u yotoch naaloob Israel u laaktziloob. ⁶ Ouimseex u tamanoob le taadz maanbalo, utz quint a wanileex yeetel nuucbesex le tamanoob tial a cucuneex, utial ca dzoocbesaac tumen a laaktzileex baax u yaalmaj Yuumtzil ti' Moises ca beeta'ac. ⁷ Josías tu dzaj ti tulaacal le caajo 30.000 tamanoob yeetel mejen j yuucoob ichil yaalakoobe utial u kiinbesicoob le taadz maanbalo ti tulaacal yanoob teelo. Tu dzaj xan 3 mil wacaxoob; u yaalakoob le ajaw. ⁸ U nuuquiloob tu dza'ajoob xan siibaloob tu juunal u yooloob ti le caajó, ti' le aj kiinoobo yeetel ti levitas. Hilcías,Zacarías, yeetel Jehiel, u nuuquiloob u kulnaj Yuumtzil, tu kubajoob ti le aj kinoobo utial le kiinbesajil le tadz maabalo 2600 wacaxoob yeetel 300 mejen wacaxoob. ⁹ Bey xan Conanías, Semaías yeetel Natanael,u suucum, yeetel Hasabías, Jeiel yeetel Josabad, u nojchil le levitasoobo tu dzaj ti le levitasoob utial le kiinbesaal le taadz maanbalo 5mil tamanoob yeetel 500 wacaxoob. ¹⁰ Beey tuuno nuuctaabil le kiibesajo, le aj quuno'obo bino'ob tu cuuchil u mejajoob, le aj levitaobo xano tu toxajo'ob u kiinil u meyajoob, jeel bix u yaalmail le ajaw. ¹¹ Letióbe quiimsajoob u baalcheiloob te taadz maanbaló tumen le aj kiino'ob tu witzico'ob le ki'ik kuub tiob tu kab le levitas yeetel le levitaso tu kiimsajoob le tamanoobo. ¹² Letiobé tu jokesajo'ob tza'atz unaj u toocal, tial u pajta u dza'abal ti u laaktzilo'ob le caajo u maanjaan chi'ibal le caajo, utial j kubbil ti' Yuumtzil, je'el bix aalanil tu juunil u dziib Moisés. Cudzo'ocole bey xan tu be'etajo'ob yeetel le wacaxoob. ¹³ Cu dzoocole ka'abta'ab le tamano'obo utial u kiinbesajil le ta'adz ma'anbal yéetel ka'ak jeel bix aalanilo. U chuucan le quili'ich tiibil óolalo'obo, cha'aco'ob ti' cuumoob ti nuucuch cuumoob yeetel ti' jaay cab cuumoobé caj toox seebaan ichil le caajo. ¹⁴ C dzoocole tu nuuctajo'ob le to'ocbil baalcheob yeetel tzaatz utialoob yeetel utial le aj kiinoobo, tumen le aj kiinoobo, u chiibalo'ob Aarón, meyajnajo'ob tac tu yaakabil tan u kubico'ob to'ocbil baalcheob yeetel tzaatz. Let óolal lej levitaobo unaj u be'eticoob u meyajoob paaté yeetel u meyaj le aj kiinoobo u chi'ibalo'ob Aarón. ¹⁵ Le aj kaayo'obo, u chiibaloob Asaf, ti yano'ob xan tu cuuchil u meyajo'ob je'el bix ya'almilo'ob David,Asaf, Heman yeetel Jedutún le aj naay meyajtic le ajaw, le aj cananjool najo'ob. Letiobe mix jun tuul yanchaj u pátic u cuuchili, tumen u yet j levitailo'obe tu nu'ucbesajo'ob le quiimsbil ba'acheób unaj u nucbesico'ob letiobó. ¹⁶ Bey uuchic u nuucbesaal tulaacal u meeyjuliloob Yuumtzil ti' le kiin utial u kiinbesaal le taadz maanba yeetel le toocbil baalcheob j kuublajoob tu yookol u multuunil u kultaal Yuumtzil, jeel bix tu yaalajil Josías le ajaw. ¹⁷ U caajil Israel muuchmajubao tu kiinbesaal le taalz maanbal yeetel le 7 kiinóob u jaantal le waaj beetan yeetel tuuben sacan. ¹⁸ Mix jun teen kiibesac caach jun peel taadz maanbo beeyo liikbaal tu kiiniloob aj boobat Samuel,mix jun tuul u ajaw Israel u kiinbesmaj le taadz maanbal jeel bix lu kiinbesajilac Josías yeetel le aj kiinoobo lej levitaobo u caajnalilo'ob Judá yanoob tej cuuchilo yeetel tulaacal u caajnaliloob Jerusalén. ¹⁹ Ti' u 18 jaabil ujawil Josías ca kiinbesaab le taadz maanbalo. ²⁰ Caa dzooc tu laacal leelo, Josías tu pata le kulnajo maaloob u yaanil, Neco, u ajaw Egipto, naac tial u baatel yookol Cardemis u alcaab jail Eufrates Josías bin baatel tu yeetel. ²¹ Necao tuune tu tuuxtaj aj bisaj taanoob aalic ti':¿Baax yaan in wil ta weetwl , ajaw ti Judá? Teene ma' tiin tal ta wookol beelae, taan in bin baatel yanal muuch caajoob cu baateloob tin weetwl, Yuumtzil tu yaalaj ti' te'en ca in se'ebcunt, wa kaat ca xiic teech utzile p'ar a pechicaba ti Dios tu yoolal ma' u xuulsiquech. ²² Baale, Josías ma' j suunaj tu paachi tu chakajubaa j baatel yeetel ma' tu yooltaj u taan óolt baax tu yaalaj Necao tuumen bey u kaat Dios ca uuchuco bey tuuno j ooc u baatel tu taax koom u luumi Meguido. ²³ Le maaxoob cu baateloob yeetel u x puuncheobo tu chiinajoob ajaw Josías le ajaw tuuno tu yaalaj ti' u nuuquil u aj ba'atelo'ob jookeseneex wayé tumen jach yaj lool bil ta'anilen. ²⁴ Jookesaab, tuumen u nu'uquiloob le aj baateloob ti' u bolanil u baateloob ca maansaab ti' u laak bolane. Caj bisa'ab Jerusalén tuux quiimi. Caj muuc ichil u muucnaloob uj maanjaan chiibaloob. Tulaacal u caajnaliloob Judá yeetel Jerusalén okolnaj uuchic u quiimil Josías. ²⁵ Jeremías okolnaj tiolal Josías; tulaacal le aj kaayoob xiiboob yeetel x kaayoobe ocolnajoob tiolal Josías tac beejelae. Le kaayooba dzooc u suuctal u kaayaaloob Israel cu dzo'ocole dziibta'ano'ob ti' u ju'unilo'ob le ka'ayo'obo. ²⁶ U dzooc utzicbalil Josías yeetel le ocsaj óolal meyajo'ob tu be'etaj je'el bix dziibtanilo'ob tu yaal maj taan Yuumtzil- ²⁷ paate yeetel baaxo'ob tu beetaj tu yaax chuun tac tu dzoocbale dziibtaano tu dziibil juuniloob u ajawilo'ob Israel yeetel Judá.