¹ Josiase yaan 8 jaaboob ti' caj chu'unpaj u ajawi';me'ectaana 31 peel ja'abo'ob. ² Josías tu beetal baax utz tu taan u yiich Yuumtzil xiinbalnaj tu beejil David u ma'anja'an chi'ibal, ma'a su'unaj mix tu noj kab mix tu dzic kab. ³ Tu ocho ja'abo'ob u ajawil ca'aliquil ta'anquelen, caj jo'op u caxtic Yuumtzil u Dios David, u ma'anja'an chi'ibal. Ti' u doce ja'abiloobe, joop u yutzquintic Judá yeetel Jerusalén ti' le manba'al kulnajo'ob, u yo'ochelo'ob Asera, le be'etbil kuob Yeetel le kuob ma'ascab u ca'ajo'obo. ⁴ Le caajo tu laaj kascunta'al tu taan le ti' ; tu xoota je jelas u multu'unil kultajo'ob tu'ux cu to'oca'al po'om yaan tu yookoloobo. Tu tuxla xan mamaxtunbil u yo'ochelo'ob Asera, le beet bil kuobó, bey le joybil kuob fierro u ca'ajo'obo tu xiixcunta ca tu tosaj tu yo'okol u mucnal le ma'axo'ob j kub quiimsbil baalcheob tiobo. ⁵ Tu toocaj u ba'aquelo'ob le aj kiinoobo tu yo'okol le u multu'unilo'ob le kultajo'ob. Ca tu yutzquintaj u yani judá yeetel Jerusalén. ⁶ Bey xan tu beetilac tu ca'ajilo'ob Manasés, Efraín, Simeón,tac Neftlí, tu kiiwiquilo'ob tu laacal le ca'ajo'obo. ⁷ Le tie tu juta tulaacal le multu'unilo'ob, u yo'ochelo'ob Asera yeetel le beetbil kuobó tu xiixcuntajoob, tu laaj ju'uju'utaj xan u multu'unilo'ob kultajo'ob utialtoocaj poom yaan ti' tu laacal u muuch caajiloob Israel; cu dzoocole j suunaj Jerusalén. ⁸ Ti' u ja'abo'ob u ajawil, caj dzo'oc Josías u yutzquintic le luum yeetel le kulnajo, tu tuxta Safán u paal Azalía, yeetel Maasías, u me'ectáanil le ca'ajo, yeetel Joa, u paal Joacaz u aj dziib, tial u yutzquintic u kulnaj Yuumtzil u Dios. ⁹ Le tiobe bino'ob u yiil Hilcías u nojoch le aj kiino'obó ca tu kubajo'ob tie tula'acal le ta'akin bisa'ab tu kulnaj Yuumtzil lej mool tumen lej levitaóbo aj canan jo'olnajo'ob tu ca'ajilo'ob Manasés yeetel Efraín, lej mo'ol ichil le ma'aco'ob pa'ato'ob Israel yeetel tulaacal Judá yeetel Benjamín yeetel u ca'ajilo'ob Jerusalén. ¹⁰ Cu dzo'ocolé, kuub ti' maaxoob ilic u beetal u kulnaj Yuumtzil. Le ma'aco'obo tu bo'otajo'ob ti le meyajo'ob tu yutzquintajo'ob le kulnajo. ¹¹ Letiobe tu bootajo xan ti' le pol cheob yeetel ti' le pool tu'unicho'ob, utial ca u mano'ob po'ol bil tu'unicho'ob yeetel cheob utial u wiinclil yeetel u bujbil cheilo'ob le na'ajo'ob jcha'ab u kascunta'alo'ob tumen u ajawo'ob Juda. ¹² Le ma'aco'obo tu beeto'ob le meyajo ma'alo'ob. U nu'uquilo'ob le aj meyajo'ob letióbe lej levitaobo cu ka'abaintico'ob Jahat yeetel Abdías, le levitas, u paalaloob Merari; yeetel Zacarías yeetel Mesulam, u paalal Coat. U laak levitas, tulaacalo'ob jaach ma'alo'ob u paxo'ob, tu yalo'ob ti le meyajo'obo naatz. ¹³ Le levitas letiob xan ilic u meyajo'ob le aj bisaj cucho'obó letiob ilic ca'ach ma'axo'ob beetic tula'acal le meyajo'ob. Yan xan levitas cu be'etico'ob u aj dziibil ba'axo'ob cu yu'uchul j meektaano yeetel aj canan jool najo'ob. ¹⁴ Ca tu taso'ob le taakino j bisaab tu kulnaj Yuumtzil, Hilcías le aj kiino tu nu'uptaantaj u ju'unil u ya'almaj táan Yuumtzil jdaza'ab tumen Moisés. ¹⁵ Hilcías tu yala'aj ti Safán le aj dziib:"Dzo'oc in ca'axtic u juunil u ya'amaj taan Yuumtzil tu kulnaj Yuumtzil." Hilcías tu ta'asaj le ju'uno ti' Safán. ¹⁶ Safán tu biisaj le ju'un ti' le ajaw, ca tu yala'aj xan:" U palitziilo'ob a tzicbeenilé, taan u be'etico'ob tulaacal baax ta tuuchiitaj tiób. ¹⁷ Dzo'oc u la'alico'ob le ta'akin ca'axta'ab tu kulnaj Yuumtzil tu dzajo'ob tu kab le aj meyajo'ob yeetel ti' le meyajo'obo." ¹⁸ Safán le aj dziibo tu yala'aj ti' le ajaw:"Hilcías le aj kiino dzo'oc u kuubicten jun peel juun." Tuune Safán tu xo'ocaj ti le ajaw. ¹⁹ Uuch tuune le caj tu yuuba le ajaw ie juun le aalmaj ta'ano, tu jataj u nook. ²⁰ Le ajaw tu tuuchiita ti' Hilcías, Ahicam u paal Safán, ti' Abdón u paal Micaías, Safán le aj dziibo yeetel Asaías,u nojoch u noj meyaj, caj tialaj: ²¹ "Xeenex ca'atex tin woolaj ti' Yuumtzil, yeetel tiolal u yala'ab pa'ato'ob Israel yeetel ti' Judá, tiólal le ta'an ya'an tej juuno ca'axta'abo. Tumen jaach nojo'och u puujul Yuumtzil tu we'ecaj t ocool. Nojoch tumen c ma'anja'an chiibaloobe ma' tu yuubo'ob le ta'an yan tej juunaj tial u beetoobo." ²² Hilcías yeetel maaxoob, tuuxtaab tumen le ajaw, bino'ob u yiloob x Hulda x aj boobat, u yatan Salum u paal Ticva u paal ti' Harhas, canant nuuculoob ( x letie caajacbaal Jerusalén tu caa jaatz) letiobe ta'anajo'ob yeetel tiólal le baaloob u yaan u kaaticoob. ²³ Letie tu nuucaj:" Lela le tie baax cu yaatic Yuumtzil, u Dios Israel, cu yaalic: Áal ti' le maac tuuxtech tiin weetel, ²⁴ Lela le tie ba'ax cu yaalic Yuumtzil:' Ilé, teen biin i caaj in taas jun peel numyaj tu yo'okol le cu'uchila yeetel u ca'ajilo'ob, jeel bix tulaacal le lo'olob ta'ano'ob dziibtaan tej juun dzooc u xooquic u ajaw Judá. ²⁵ Tumen letiob tu xuunpattenoob utial u tooquicoob poom ti' u yaanal kuob, lelo tu be'etal in puujul tu yeetel baaxoob cu beeticoob, lel oolal dzooc u le'equol in puujul yookol le cuuchilá, ma'biin tuupuqui.' ²⁶ Tiolal le ajaw ti' Judá, maax tu tuuxtex kaat chi' ti Yuumtzil baax biin u beet , lela letie baax caana waaleex ti, Yuumtzil u Dios Israel cu yaalic lela:' Tiolal le taan ta wuuyajoob, ²⁷ tumen a pucsiicai aak, yeetel ta tonquintajaba tu tan Yuumtzil ca ta wu'u yaj ta'an tu yookal le cu'uchila yeetel u caajiloob, tumen la tonquintajaba tin taan yeetel ta jataj a nook yeetel okol najech tin tan, ten xaane dzooc wuuyiquech,' cu ya'alic ti' tech Yuumtzil. ²⁸ 'Ile, biin in bisiquech yeetel a maanjaan chiibaloob. Teeche yaan mo'loj tuux can muucul yeetel jeedzel ma' biin a wil le numyaj biin in ta'as tu yo'okol le cuuchila yeetel tu yo'okol u ca'ajnalilo'ob.' " U aj bisaj ta'no'ob le ajawó, su'unajo'ob utial u biso'ob le nu'ucta'ano. ²⁹ Dzoocole le ajaw tu tuuxtaj taanbil u nu'uquilo'ob Judá yeetel Jerusalén. ³⁰ Tuune le ajaw, naac tac tu kulnaj Yuumtzil, yeetel u xiibiloob Judá yeetel u caajil Jerusalén, yeetel le aj kiinoobo, levitas, yeetel tulaacal maacoob, nojoch yeetel chichanoob. Ca tu xoocaj tu tan le caajo tulaacal baax cu yaalic u juunil le nuptaano naaclaanlaab tu kulnaj Yuumtzil. ³¹ Le ajaw j walaj tu chuun u yocomtuune ca tu beetal jun peel nuptaan tu tan Yuumtzil, u xiinbal tu paach, yeetel u dzoo beesic u yaalmaj taan, yeetel tu laacal baloob jeel bix dziibtaanil, yeetel tulaacal u pucsical yeetel tulaacal u cuxtal, tial beetic u taan le nuuptaano dziibtaan tej juuno. ³² Le tie tu beetaj tulaacal le maaxoob caaxtaboob ti Jerusalén yeetel Benjamín u muchubaob ti le nuuptaano.U caajiloob Jerusalén tu dzoocbesajoob u nuptaan Dios u Dios ma'anja'an chiibalo'ob. ³³ Josías tu lukesaj tulaacal le kakas baaloob lej luumo utial u caajil Israel. Tu beetal tulaacal Israel u kuilikool Yuumtzil, u Dios. Caaliquil cuxan le ti,ma' naj chaajoob ti Yuumtzil, u Dios u maanjaan chiibaloob.