¹ Cu dzo'ocol le báaloba, yeetel u chiicaanil le chucaan óolalo kuch Senaquerib, u ajawil Asiriae ca tu cháa u ca'ajilo'ob Judá ca tu kalaj u paach u tuulum caajilo'ob yeetel u tuuculil u cha'ala'antic. ² Ca tu yiiláaj Ezequías Senaquerib dzo'oc u kuuchu yeetel tac u ba'atele yeetel Jerusalén, ³ letie tzicbalnaj tu yeetel nuuquiloob le caajo bey xan yeetel u na'acomo'obo ca tu ya'alaj tiob kaanan u butico'ob le sayabo'ob yano'ob tu pa'ach le ca'ajo ca tu pe'elilicuntaj u tu'uculo'ob u buticóob. ⁴ Tu muchajubaó tuun ya'ab maacoobe ca tu botajo'ob le sayabo'ob bey xan u be'el le ja ya'an tu yaanal le luumo tu yóolal le queen kuchuc u ajawilóob Asiriae ma' náactáanticoob yaab ja' utial u yuko'ob. ⁵ Ezequiase tu yu'ubajuba'a xiixib ma'aquile ca tu yutzquintaj le tu'ulumo tu yutzquintaj xan le witzil najo'ob yano'ob tu yo'okoloobó, bey xan u pakpakilo'ob yaan tu paach le caajó. Tu mu'uka'anquintaj xan u niix bu'util u caajil David, cu dzoocole tu béetaj ya'abcáach x loomteob, yeetel chimaloob. ⁶ Ca tu dzaj na'acomóob nu'ucbesic le caajo. Ca tu muuch quintajo'ob tu taax lu'umil u jool le ca'ajo ca tu dzaj u yo'oloob cáaliquil taan u yaalic tiob. ⁷ "Muukaancchajqueex yeetel xiixib. Ma' ja'ajquex sa'ajquil mq' u lu'ubul a wo'ole'ex tiolal u ajaw Asiria yéetel tuláacal u aj ba'atelo'ob tian ye'etelo'ob tumen yaan ma'ax t icnal asab no'ojo'och ti le ma'axo'ob yan ye'etelo'ob. ⁸ Letie yaan u muuk wiinicoob tu yicnal, baale t icnal yaan Yuumtzil c Dios utial áantico'on utial ca pa'a muuknacoon." Tuune le caajo yanchaj u yool ca tu yu'ubaj bix taanajic le ajaw Ezequiaso ti' u ajaw Judá. ⁹ Cu dzoocole Senaquerib, u ajaw Asiria, tu tuuxtaj u palitziilo'ob ti Jerusalén ( le tie tian tu tanti Laquis, tuláacal u aj ba'atelo'ob tiano'ob yéetelo'ob), ti Ezequías, u ajaw Judá, yeetel tulaaca Juda maxo'ob ya'ano'ob Jerusalén. Le ti Tialaj: ¹⁰ "Senaquerib u ajaw Asiria, cu ya'aliic:'¿ Baaxten ca tucultique'ex jach ma'alo'ob wanilee, utial ca pa'ataque'ex Jerusalén? ¹¹ ¿ Ma' wa tu tu siqueex Ezequías, tial u k'uubeex ca quiimiqueex yeetel wiij bey xan yeetel u ukaj, can u ya'ajte'ex:'Yuumtzil c Dios, biin u toqueex tu kab u ajaw Asiria?'. ¹² ¿ Ma' wa le ti' le Ezequias tu lukesa'al u cu'uchilo'ob u kulta'al Dios utial ca u yaal ti' u caajnalilo'ob Jerusalén yeetel Judá, ca u béeto'ob kultajil yeetel ca u toóco'ob p'oom?' ¹³ Ma' wa wo'ojleeex baax in béetma ten yeeten in ma'anja'an chiibalo'ob ti tulaacal le ca'ajo'obo tej lu'uma? ¹⁴ ¿ Ma'acal maac ti' u béetmil kuilo'ob le muuch ca'ajoob kas cuntaabo'ob tumen in ma'anja'an chiibalo'ob pa'atchaj u toquic u ca'ajal tin kab? ¹⁵ Bey tuuno, ma' paatqueex le Ezequías u tu'usique'ex mix u naisa'al a wooleex. Tumen wa mina'an mix jun pe'el u kuil mu'uch cáajo'ob jeel u pa'ajtal u toquic u caajal tin kab yeetel tu kab in ma'anja'an chiibalo'obé, Ma' xan biin pa'atac ato'ocole'ex tin kab tumen a Dios. ¹⁶ Cu dzo'ocole sen ya'ab ba'alo'ob tu yaalajo'ob u nuuquilo'ob u ajaw Asiria ti' Dios Yuumtzil, bey xan ti' Ezequías u palitzil. ¹⁷ Senaquerib tu dziibtaj xan ju'uno'ob tuux cu pochic Yuumtzil, u Dios Israel, iquil u ya'aliv ti:" Je'el bix u kuilo'ob u laak muuch ca'ajo'obo ma' pa'atchaj u to'oquico'ob tin kab u ca'ajob ma' paatchaj u tooquico'ob tin kab u caajaloob mix u dios Ezequías biin pa'atchajac u to'oquic tin kab u caajal." ¹⁸ U nu'uquilo'ob u aj ba'atelo'ob senaqueribé tu tanajo'ob u caajil Jerusalén ya'an tu yóokol le tuulumó ca tu kaamcach áalo'ob tiob ich hebreo tu yóolal u ja'asico'ob u yo'olo'ob yeetel u dzaico'ob sajaquil tiób utial ca u chaob le caajo. ¹⁹ Jtáanóob ti' u ujnab Dios Jerusalén je'el bix u táanóob ti, u kuob u laak muuch caajoob, le cu be'etaalo'ob tumen wiinico'obo. ²⁰ Ezequías, le ajaw, yeetel Isaias, u pa'al Amoz le aj bo'obato pa yalchiinajo'ob utial u ka'atico'ob áantaj le ca'ano. ²¹ Yuumtzil tu tu'uxtaj jun pe'el u aj tuuchi' utiál xuulsic le aj ba'atelo'obo, u nu'uquil le aj ba'atelo'ob, yeetel u aj nuucbesajilo'ob u cu'uchilo'ob u je'elel u aj ba'atelo'ob u ajawil Asiria ca j suunaj tu mu'uch caaj chúup yeetel sublaquil. Le caj óoc tu kulnaj u be'etbil kué, ti' j quiimsa'ab tumen u pa'alalo'obi yeetel maascab. ²² Bey u'uchic u to'ocol Ezequías yeetel u caajnaalilo'ob ti Jerusalén tu kab Senaquerib, u ajaw Asiría, yeetel ti' u kab ti' tulaaca u aj pe'ecóobé caj dza'ab jeedzel tiob tu yeetel ma'axoob caajna'alo'ob tu tze'elo'ob. ²³ Yáab maaxoob tu taáso'ob tiibil óoloob Jerusalén utial Yuumtzil, bey xan o'ocoj ba'alo'ob utial Ezequías u ajaw Judá, liikbal ti le kiinó, ya'abchaj u pe'ectzilil tu ta'an u chuucan muuch caajoob. ²⁴ Ti le kiino'obo, Ezequías luub ti' jun pe'el chaket koja'anil ba'ale j pa'ayalchiinaj ti' Yuumtzilé caj nu'ucaab ti' tu yeetel jun pe'el mactzil. ²⁵ Baale quex tumen tu kaama nojoch utzo,Ezequías ma' tu yeesaj u tziquil le utzo baale j chuup caanal ichil let óolal Yuumtzile j ku'uxilnaj tu yeetel bey xan ru yeetel Judá yeetel Jerusalén. ²⁶ Baalé, quex tumen cáanalchaj u yiché, Ezequías tu ton quintajubaa tu ta'an Dios, bey cxan tu be'etajilo'ob u caajil Jerusalén, let óolal Yuumtzil ma' tu jedzaj u pujaanil tu yo'okolo'ob pujaanil cuxa'an Ezequías. ²⁷ Ezequiasé, sen yanchaj u nucuch a yikalilo'ob yeetel u utziiquiloob, yanchaj tie yaabcach plata, oro jadzutz tu'unicho'ob, quiiboc ba'alo'ob, chimalo'ob yeetel tulaacal cóocoj baaloob. ²⁸ Tu be'etaj xan chiilo'ob utial u kalic u jejela'asil janal be'ex ne'eko'ob, vino yeetel aceite, bey xan u cuuchil u kalic jtamanoob. ²⁹ Cu dzo'ocole tu tuuxtaj beetbil ca'ajo'ob, yanchaj ya'abcach u wacaxo'ob yeetel uj tamano'ob, tumen dza'ab ya'abcach utz ti' tumen Yuumtzil. ³⁰ Ezequiasé le ti' xan tuuxt kalbil tuux cu jookol ja' tu caanalil u sayabil Gihoné, ca tu be'etaj u beel caabal tu tzeel u chikin u caajil David. Ezequiasé, jook máalobil tu láacal baax tu dzajubaa u beete. ³¹ Ba'ale le caj tu'uchiita'ab aj bisaj ta'ano'ob tumen Babilonia utial xiimbaltic Ezequías tu yoolal u kaat chiitico'ob maactziló, úuch ti' le muuch caajó, Dios yu pa'ata Ezequías tu juunal utial u tuuntic u tuucul. ³² U dzooc u tzibalil Ezequías yeetel le meyajo'ob tu be'etaj tu yo'olal u yoquesmaj u yool ti' Dios, ti' dziibta'an tu boobat ta'ano'ob aj bo'obat Isaias u paal Amosé, bey xan tu dziibiloob u ajawilo'ob Judá yeetel Israel. ³³ Le caj quiim Ezequiasé j muuch tu asab noj cuuchilil u mucnalil u caajil David. Tulaacal Judá yeetel u caajnaliloob Jerusalén tu dzajo'ob tziiquilo'ob. Caj culaj Manasés u paal tu jalach kaanché.