¹ Cu dzoocole tulaaca lela, tulaaca u ca'ajalilo'ob Israel yano'ob te lo, joko'ob tu caajaliloob Judá ca tu bu'ubujo'ob u qui'iliich tu nichiilo'ob tu buubujoob u yo'ochelóob Asera, yeetel tu jenoob le ma' oocsa oolal quiiliich najo'ob tac u láaj xu'ulsico'ob le yano'ob Jerusalén yeetel Benjamín bey xan le yano'ob Efraín yeetel Manaseso.Cu dzo'ocole tulaacal le israelitaóbó, j súunajo'ob tu yotocho'ob. ² Ezequías tu toxaj ti' u jujun jaatzilo'ob le aj kiinoobo yeetel ti' le levitas u kiiniloob u jejelaas meyajilo'ob u kuubul tooc bil baalcheob, u kuubul quiimsbil baalcheilóob caa bisabail u dzabal nib óolal ti Yuumtzil yeetel u meyjuióob u juul najiloob kulnaj. ³ Le ti xane le ajawo tu chaaj ichil baal u tial e ca tu dzaj baxoob kaabeetoob utial toocbil báalcheilóob u kiinil sabado utial u kiinbesajil chichan uj yeetel utial qui'iliich kiin kuujoob jeel bix dzibtaanil tu yaalmaj taan Yuumtzilo. ⁴ Tu yaalaj xan ti u caajnaliloob Jerusalén ca a kuboob le paatan ti' le aj kiino'obo yeetel levitaobo, utial u kububaob tu jaajil u yooloob u dzoocbesoob u meeyjul u yaalma Yuumtzil. ⁵ Le ca kaaytaab le taanaj, u caajil Israel tu dzajoob jaach yaab le yax cereal, vino, aceite u ca'abo'ob yeetel tulaacal baax yaan tiób tej a'axo tu bisajo'ob xan sen yaab u diezmoil. ⁶ U caajil Israel yeetel Judá, caajacbaloob ti u caajiloob Judá, tu taasoob u diezmoil le xacaxoobo yeetel le tamanóobo, yeetel u diezmoil xan ti tulaaca baloob jun paaycunanoob tu Yuumtzil u Dios, ca tu beetoob jun much yeetel u laac jun much. ⁷ Tu yoox peel winale joop u muchquiintaal tulaacal le baaloobo jun much yeetel jun much, ca dzooc tu 7 winal. ⁸ Le caj bin Ezequías yeetel u nuuquiloob tu yilajo'ob le baaxoob muchquinano tu quiiqui ta'antajoob Yuumtzil yeetel u ca'ajil Israel. ⁹ Ezequiase tuune tu kaat chi'itaj ca aalaacti' bix yanil le muuch ba'alo'obo. ¹⁰ Azarías, le nojoch le aj kiino'obo, ti u yotoch Zadoc,tu nuucajti:"Liikbal ti le kiin chuunpaj u taasaal le paatan tu kulnaj Yuumtzil, yaanchaj yaab baal c jaante, cu dzoocole yaab cu paatali, tumen Diose dzóoc u sen qui'taantic u caajal, le báax páataló jach yáab. ¹¹ Ezequías tuune tu tuchiitaj ca nu'ucbesáac chi'ilo'ob tu kulnaj Yuumtzil ca tu nu'ucbesa'ajoob. ¹² Letiobe yeetel tu jaajil ool tu ta'aso'ob le paatanoobó le diezmos cu kuublajalo'obo, yeetel le ba'aloob utial Yuumtzil. Conanías, leti le levita, dzáab utiál ca u béet u noj mayol coolil u aj cananilo'ob Yéetel Simei u yiidzin utiál aantic. ¹³ Jehiel, Azarías, Nahat, Asael,Jerimot,Jozabad, Eliel, Ismaquías, Mahat, yeetel Benaía eran encargados yaanal tu kab ti Conanías yeetel Simei u suucun,dzo'al tumen le ajaw Ezequías, yeetel Azarías, u nojchi'il yookol u taana Yuumtzil. ¹⁴ Coré,u paal Imna le levita, u aj cana'an u jool nail j lakino, leti' iilic le juunal ool tiibilo'ob utiál Dios bey xan le janalo'ob cu jun pa'aycuntaatoob utiál Dios. ¹⁵ Yaanal u kab tian cach Edén, Miniamín, Jesúa, Semaías, Amarías, yeetel Secanías, tu caajiloób le aj kiinoobó. Letiobe dzabo'ob u to'oxo'ob ba'ax u ja'antoob u yeetel aj meyajo'ob. Cu dzaaico'ob tiob jeel bix toxanil u me yajoobé je'el bix u nu'uquiiloobe bey ti' mejenilóob. ¹⁶ Letiobe tu dza'ajo'ob xan liikbal le yaan óox ja'ab tiobo, tulaacal dziibtan u kaabaob ti le dziibo ti u ma'anja'an chi'ibalo'ob cu yo'ocolo'ob tu kulnaj Yuumtzil, tula'acalo'ob le maxo'ob cu bino'ob kulnaj u be'eto'ob u meyajo'ob sa'amsa mal, jeel bix taxanil u kiinilo'ob. ¹⁷ Le aj kiinoobó dziibtaan u kaabáob tu yotoch naaloob le levitasóob dziibta'an u ka'abaób liikbal le yaan veinte jaab tiob tac u asab nu'uquiilo'ob, jeel bix t'oxa'anil u meyajoob tu kiinilo'ob. ¹⁸ Tu dzáajoob xan u mejen paalaloob, u yatano'ob, u jxiibil paalaloob, u x chuupul paalalóob yeetel tu laacal le cáajo tumen bey dza'ano'ob ti le meyajoob cu páatalo'ob jun páaycuna'ajoob utial Yuumtzil. ¹⁹ Ti' lacaal le ca'ajo'obo, xan xiibo'ob dza'ano'ob utial tóxic báal u ja'ant tu laacal u jxiibil le aj kiino'ob u chiibalo'ob Aarón, bey xan tu laacal le j levitao'bo dziib ta'an u ka'aba'ob yeetel u cajnáalo'ob. ²⁰ Ezequías tu beetaj tulaacal lela Judá. Letie tu be'etaj tulaaca bax utz yeetel toj tu ta'an Yuumtzil u Dios. ²¹ Tulaacal báax tu béetaj tu kulnaj Yuumtzil u ya'almaj táan Dios tu béetaj utial u caxtic Dios Yeetel tu láacal u pucsiical let óolal bin utzil ti'.