¹ Ezequías tu tuuxta aalbil ti' lulaacal Israel yeetel ti Judá, tu tuuxlaj xan dziibil juuno'ob ti' Efraín yeetel ti' Manasés, utial u paay óoltico'ob tu kulnaj Yuumtzil tu caajil Jerusalén utial ca xiicoob u kiimbesoob u noj kiinil u tadz maambal Yuumtzil Dios de Israel. ² Tumen le ajaw yeetel u nuuquiiloob bey xan tu laacal u caajil Jerusalén tu dzaj tu tucul u quimbesic le taadz maambal tu ca'apeel xinaló. ³ Letiobe ma' tu pajtal u kiimbesicoob jach tu kiinil, tumen chen jun piit aj kiinoob u yutzquintmajubao, cu dzocole mix le caaj u muuchmajubao Jerusalén. ⁴ Bey tumen luub utzil tu taan u yiich le ajaw yéetel ti tulaaca le caajó. ⁵ Tu tucultajoob u kaayticoob ti tula'acal Israel, tac Berseba tac ti Dan, ca patac u taj le caajo u paay oolil utiál ca xiicoob Jerusalén u noj kiimbesoob u taadz maambal Yuumtzil u Dios Israel ti Jerusalén.Tumen letiobe dzooc u sen maan kiin ma' kiimbesaac jeel bix aalaanilo. ⁶ Bey tuuno jook u bimbal aj bisaj ta'ano'ob utiál u bisoob ti tuláacal u luumil Israel yeetel Judá u dziibil juno'ob le ajaw yeetel u nuuquiiloob u jalach naj utiál u kaayto'ob u tus bel le ajaw:"Teexe, u caajil Israel, suuneneex ti Yuumtzil, u Dios Abraham,Isaac yeetel Israel,tial u suut le ti' ta weeteleex u yalab le caaj jpudz tu kab u ajawiloob Asiriao. ⁷ Mal quetiqueex baax tu beetaj a maanjaan chiibaloob yeetel a laaktzileex tumen letióbe tu paatajoob u yucsaj oolaloob ti Yuumtzil u Dios u maanjaan chiibaloob le ti xane tu kubajoob utiál u xulsbil jeel bix a wiliquéexo. ⁸ Ma, dzuuy quinticabaex, jeel bix a maanjaan chiibaleexo; taan oolteex Yuumtzil, utial a cáa ejemtiqueex u nup taan cooteneex tu quiilich naj, tu jun paaycuntaj utial tulaaca jaaboobó, meyajteex Yuumtzil a Dios eex ca cheenec u puujaanil ta weetwleex. ⁹ Wa ca suuteex tu paach Yuumtzile le aj peecoobo kalmail a laakeex yeetel a paala leexo bin chaob ootzili tiob u tial ca u beetoob u suutoob ti le muuch caajoba tumen a Dios cu chaic ootzilil yeetel biin u culpach quinteex wa teex ca suuteex tu paach. ¹⁰ Le aj bisaj taano'obo tu ya'alcabtajo'ob u luumiloob Efraín yeetel Manasés, caajal caaj tac u kuchulo'ob Zabulón, baale cu chéejta'aloob yeetel cu pa'asta'alo'ob tumenoob. ¹¹ Baale junjun tuul ti' uj xiibiloob u chiibaloob Aser, manasés yeetel Zabulón tu tonquintajubao tu taan Dios caj binoob Jerusalén. ¹² U kab Yuumtzil tal yookol Judá, tial u dziic tiob jun peel puctzical, tial u beeticoob baax tu yalaaj le ajaw yéetel u nuuquiloob caaj jeel bix yaalmajil Yuumzil. ¹³ Yaab maacoob tu muchajubao tu caajil Jerusalén tu caa peel winal utial kiimbesicoob u quiimac óolil waajoob xma' paj sacanil. ¹⁴ Tu chuumbesajoob u tzelicoob tulaacal u multuniloob kultaj yaan cachJerusalén yeetel u cuuchiloob u toocal poom ca tu pulajoob tu chan aalcab jail Cedrón. ¹⁵ Dzoocole tu quiimsajoob le tamanoob le tadz maambala tu 14 le caa peel winalo. Le aj kiinoob yeetel le levitaobo tu chaajo'ob subtalé, ca tu yutz quintajool yaniloobó, ca tu bisajoob tu kulnaj Yuumtzil baalcheob utiál laaj toocbil. ¹⁶ Letiobe walacbaloob tu cuuchiloob jeel bix dziibtaanil tu ya'almaj taan Moises u palitzil Dios. Le aj kiinobo cu tzitzicoob caach le kiik cu dzaabal tiob tumen lej levitaobo. ¹⁷ Yaab caach maacoob le maacoob ma' u yutzquintmaob u yooloob le levitaobo yanchaj u quiimscoob u baal cheiloob le tadz maambal j taasaaboob tumen le maa xoob ma' utz yaniloob utiál u jun paaycuntoob ti' Yuumtzil. ¹⁸ Tumen yaabcach u caajnaliloob Efraín, Manasés, Isacar yeetel Zabulón tu jaantajoob u janalil le tadz maanba lo baale ma' u yutzquintmajubao jeel bix áalaanilo.Baale Ezequiase j pa yal chiij naj tu yoolaloob, caaliquil taan u yaalic :"Utzil ool Yuumtzil saates u si'ipil tulaacal ¹⁹ u dzaj tu puctzical u caaxtiquec Dios,Yuumtzil u Dios u maanjaan chiibaloob, quex tumen ma utz yaniloob jeel bix kabeet utiál u quiliichil Kulnaj." ²⁰ Yuumtzile tu yuuba u payalchi Ezequías ca tu saatsaj u si'ipil le caajo. ²¹ Bey tuuno u caajil Israel yano'ob Jerusalén tu kiinbesajoob u quiimac oolil le waaj xma' paj sacanilo tiolal 7 kiinoob. le levitas yeetel le aj kiino'ob, tu qui'iqui ta'antajo'ob Yuumtzil kiin yeetel kiin kaynajo'ob yeetel u nuuculoob quiiliich paaxoob Yuumtzil. ²² Ezequías tu táanaj tula'acal le levitaóbo tu dzajóob tula'aca u yo'olo'ob u meyajto'ob Yuumtzilo ca tu ya'alajtiob senquiimac u yool ti letiob cu dzo'ocol u ja'analo'ob ti' le kiinbesajo'ob bul 7 kiino'obo bey xan u dzooc u kubicoob quiinsbil ba'alcheob utial ca bisajbail yeetel dzo'oc u qui'iqui ta'antico'ob u Dios u ma'anja'an. ²³ Tulaacal le caajo tu tucultajoob u beeticoob u laac 7 kiino'ob le kiinbesajo ca tu beetajoob yeetel sen quiimac óolal. ²⁴ Tumen ,Ezequiase u ajawil Judá tu siaj ti' le caajo 1000 wacaxo yeetel 7000 tamanoob, u nuuquiiloob le caajo tu siijoob xan mil wacaxoob yeetel diez mil tamanoob. yaab aj kiino'ob tu yutzquiintajo'ob u yaniloob. ²⁵ Tulaacal u ca'ajnalilo'ob Judá, yeetel le aj kiinoobo yeetel le levitasoobo, yeetel tulaacal le caajo taallóob ti Israel,bex xan ta'anxel luumiloob maxoob ta'aloob tu luumil Israel yeetel maxoob caajacbaloob Judá-- tulaacaloob qui'imaccha'aj u yo'olo'ob. ²⁶ Sen yanchaj, quiima'ac óol Jerusalén, tumen liikbal tu kiiniloob Salomón u paal David, u ajaw Israel, ma' beetaac mix baal bey tu caajil Jerusalén. ²⁷ Cu dzocoole waalajoob le aj kiinoóbo yeetel le levitaobo ca tu qui tantajoob le caajo. caj uuyaab, tumen Yuumtzil jkuch u payalchiob tac j caan, le tuux cajnaal Dios.