¹ Joás, yaan caach 7 jaaboob ti ca chuumpa u ajawil; ajaw naj 40 jaaboob Jerusalén. U kaaba u mamae Sibia de Beerseba. ² Joás tu beetaj baax utz tu taan u yiich Yuumtzil tuulaacal u kiinil cuxaan Joiada aj kiim. ³ Joiada tu ja'aj caatuul u ya'atano'ob caj yanchaj u xiibil paalal yeetel chuupal paalal. ⁴ Cu maan kiiné, Joase jo'ope u yutz quintic u kulnaj Yuumtzil. ⁵ Tu mu'uchquintaj le aj kiino'obo yeetel le levita'aso'ob, ca tu ya'alaj tiob:"Xeneex jujun péel jaábil tu ca'ajilo'ob Judá yeetel Israel much quintéex tu laacal le taaquiinoj tiál u yutzquintal u kulnaj a Yuumtzileex,se'eb cunte'ex a beetiqueex". Le levitaso'ob ma' tu be'eto'ob mis baal caj chumpaji. ⁶ Le ajaw tuuno tu ta'anaj Joiada u nojoch le aj kiino'ob caj tu yaalaj ti:"¿ Baaxten ma' a tu'ux le levitas yeetel le ta'akinó tac Judá yeetel Jerusalén jeel biix u yaalmaj Moisés u palilzil Yuumtzil yéetel u muúch taamba'al Israel, ca dzáabac utial u noj paselil le nupia'ano?" ⁷ U paalal x Atalía le ja'ach ka'a san cooleloj tu ca'ascunto'ob u kulnaj Yuumtzil tu dzaajo'ob tu laacal le nuuculo'ob ja'anpayta'an utiál u kulnaj Yuumtzil ti baal. ⁸ Le ajaw tu tuuchiita, u beettbil jun peel baaschée, ca tu beetaj u dza'abal tu tzéel u ujool nail u kulnaj Yuumtzil, tu tzel u taancabil. ⁹ Cudzoocolé caj kaaytaab ti tulaacal Judá yeetel Jerusalén kabeet u bisaal ti' Yuumtzil le laakin tu tuchiita Moisés u palitzil Yuumtzil liikbal x tocou luum ca dzaabaco. ¹⁰ Tulaacal u nuuquiloob le caaj yeetel le caajo quimac u yooloob caj tu ta'aso'ob le taakiino caaj tu dzaajoob ichil le báascheo tac u chuupicoóbó. ¹¹ Uuch tuune cu taascoob le baaschéo le levitas ti le ajaw tu kaabo, can u yiilóob yaan ya'ab ta'akin ichiile, u aj dziib le ajaw yéetel u nuuquil le aj kiinoobo cu ta'alo'ob, cu laalico'ob le báascheo cu dzóocole cu yéedzcuntico'ob tu ca'aten tu cu'uchil. ¹² Le ajaw yeetel Joiada tu dzaajoob le ta'akinó ti le maaxoobo ilic u béetaal u meyajiloob le kulnajo. Utiál ca u caxtoob j póol tuunichoob yeetel j pool cheób utial u yuzquintaal u kulnaj Yuumtzil.Unaj xan u ca'axticoob máaxóob meyájtic fierro yeetel bronce utiál Yuzquintaal le kulnajo. ¹³ Bey le ma'aco'obo tu be'eto'ob le meyajo'ob, le meyaj u yuzquitaal biin utzil tu ka'abo'ob, caj utzquinta'ab u kulnaj Dios jeel bix xaax béeta'anilo ca tu mu'uka'antajo'ob. ¹⁴ Caj dzoocoobe, tu taasoob u yalaab le taakino ti le ajaw yeetel ti Joiada. Le taakiin paatoj tu tu'uxtajo'ob béetbil nu'uculo'ob tial u kulnaj Yuumtzil, jeel bixo'ob le cumeyajo'ob utial yu'uchul kultajo bey xan utiál to'ocbil ba'alcheob , ux jo'opobo'ob, yeetel u laak nu'uculo'ob oro yéetel plata u ca'ajo'ob. Caaliquil cu xa'an Joiada e mantadz kuub tóocbi ba'alcheób tu kulnaj Yuumtzil. ¹⁵ Joiada nuxibchaji, sen ya'abcjhaj u jaabile caj quiimi; yaan 130 jaaboob ti caj quiimi. ¹⁶ Caj muuc tu cáajil David ichi le ajawoob, tumen tu beeta utz tu ca'ajil Israel, tiolal Dios yeetel u kulnaj Yuumtzil. ^{17 19} Cu dzoócol u quiimil Joiadae' kucho'ob u nu'uquilo'ob Judae ca tu tziquiilóob ti le ajawó. Le tie tu cha'aj u tzol xiquinta'al tumenóob. ¹⁸ Letiobe tu xuúmpattaja'ob u kulnaj Yuumtzil, u Dios u ma'anja'an chiibalo'obe, ca tu kultajoob u yoocheloob Asera yéetel u laak dioso'ob. U pu'ujul Yuumtzile lu'ube yo'oko'ol Judá yeetel Jerusalén tiolal le ke'ebano tu be'eto'obo. 19 FALTA ESTE VERSICULO. ²⁰ U piixan Yuumtzile chiic tuun tuucul Zacarías u paal Joiada aj kiin; Zacarías liik caj ta'ana yéetel le caajó ca tu yaalaj:" Yuumtzile cu yaalic beeyaj: ¿Baaxten ma' ta dzo'ocbeaiqueex u nuucbe'en ta'an Yuumtzil, Baaxten ca caxtiqueex u ta'al lo'ob ta wo'ocole'ex? Tumen dzo'oc a xu'umpattique'ex eleti biin xan in xu'ump'atte'ex. ²¹ Baale letiobé tu pe'eliliicuntaj u tucu'ulo'ob; tiolal le ba'ax tu ya'alaj le ajaw, ca tu quiims'ajo'ob yeetel chiin ichil u bak pakil u kulnaj Yuumtzil. ²² Le ajaw Joase tu tuubsaj le chucaan óolal éesa'ab ti tumen Joiada, u tatae Zacarías, tu dzaaj ti. Ca tu quiimsaj Zacarías u paal Joiada.Tu quiimil Zacarías, ca tu ya'alaj:" Yuumtzile ca u yiil lelá ca u béet p'iso'olal." ²³ Utial u yaax kiiné, u much' aj baatelloob le Aram bino'ob u baatelto'ob Joás.Cu dzo'ocol u pulicubaob tu yóokóol Judá yéetel Jerusalén; tu quiimsajo'ob tu láacal u nu'uquiilo'ob le caajo tu jookesajoob baxo'ob yané ca tu tutuuxtaj ti u ajawil Damasco. ²⁴ U aj baateloob le arameoso cheen caach jun peel chan muuch, baale Yuumtzile tu kubaj jun peel nojooch muuch' aj báatelo'ob lu kaabob tumen Judá tu xuumpaataj u Dios u ma'anjaan chiibaloob.Be'eyo le arameoso tu taasoob p'isóolal yokool Joás. ²⁵ Caj ma'an kiine le arameos biino'ob, Joase beéta'ab lo'ob, ti tumen u aj meyajo'ob tu peeliliicuntaj u tuculo'obe yookol le ti tumen tu quiimsaj u paal Joiada, le aj kiino.Tu quiimsajo'ob tu'ux cu we'enel: muuc tu caajil David, baale ma' tu mucajo'ob tu jalach cuuchil le ajawo'obo. ²⁶ Lelá u ka'abaj le ma'aco'ob tu péeliliicuntaj u tuculo'ob: Zabad u paal Simeat,le amonita, yeetel Jozabad u paal Simrit, le moabita. ²⁷ U tzicbalil u pa'alal Joás, yéetel le ya'abca'ach pe'ectzilo'ob tu yo'okol, le úuchiic u ya'abcuntic u boolil paatan jeel bix xan uuchiic u Yutzquintic u kulnaj Diose, laaj dziibtaan tu dziibiloob utzic balil le ajawoobó, cu dzoocole ajawnaj Amasías u paal tu jalach ka'amché.