¹ Amasías taan 25 ja'abo'ob ti' ca tu caasaj u ajawil; le tie ajawnaj 25 jaaboob ti Jerusalén. U kaaba u mamae tu kaabaintaj x Joadán, x Jerusalén. ² Le tié tu béetaj baax toj tu u yiich Yuumtzil baale ma' tu kubaj tu laacal u puctzical. ³ Le caj dzóoc u cutal ma'alob Amasías tu jalach kaancheé, tu quiimsaj tu laacal le ma'axo'ob quiims u tataó, le ajaw. ⁴ Baale ma' tu quiimsaj u pa'alalo'obi, tumen tu dziibil u yaalmaj taan Moisesé, Yuumtzile tu yaalaj:2 letaataobó, ma' biin xot kiinta'aco'ob tu yoolaj baax biin u beet u p'aalaloobi, mix le pa'alalo'ob tu yoolaj baax u beétmaj u ta'ataóbó, ba'alé tu jujun tuulil biin quiimic tu yoolal u keban." ⁵ Tuune Amasías, tu múuchquintaj tulaacal Judá ca tu nu'ucbesajoob u la'actzililoob tu yaanal u nu'ucben u na'acomo'ob u miles yeetel cientos, tulaacal Judá yeetel Benjamín.Cu dzoocolé tu xo'ocaj le maanal 20 u ja'abilo'ob, kuch 300.000 u xooquil le aj baateloob ye'eyanóob u nu'ucbes majubaó, utiál baatel cu pajtal u bisicoob loomteób yeetel chimalo'ob. ⁶ Tu bootaj xan 100.000 ma'aco'ob aj báatelo'ob tiolal 100.000 talentos plata. ⁷ Taal jun tuul u aj meeyjul Dios taal tu taame ca tu yáalaj ti:" Ajaw, ma' pa'atic u aj ba'atelo'ob Israel u biin ta we'etel, tumen Yuumtzilé mina'an yeetel Israel, yeetel mix u tuul u caajil Efraín. ⁸ Baale wa ca biin baatel yeetel a paajtail yeetel xan muuké, Diose biin u beet a luubul tu taan a aj peec, tumen Dios yaan u pa'ajtalil utial u ya'antaj yeetel u pa'ajtalil u xu'ulquiintech. ⁹ Amasiase tu ya'alaj ti meeyjul Dios:"¿ Baax biin úuchul yeetel le plata tin dzaj ti u aj ba'atelo'ob Israel?" U meeyjul Diose tu nu'ucaj ti:" Yuumtzile cu paatal u dziitech asab ya'abil ti lelo." ¹⁰ Amasías tuune tu ja'anpaycuntaj le aj baateloob ta'alo'ob tu caajil Efraín; ca tu tu'uchiitaj caj su'unaco'ob tu ca'aten. Baate letiobe jach p'u'ujo'ob ti judá, caj suunajo'ob tu yotocho'ob sen kuuxtacoob. ¹¹ Amasiasé tu ch'aaj paajtalil caj tu biisaj u aj ba'atelóob tial u jo'okolóob tu taax koomil táab; te'elo caj tu quiimsaj 10.000 u xiibiloob Seir. ¹² U aj baateloob Judae tu cuucho'ob cuxa'ano'ob u aj baatelo'ob u laak 10.000.Ca tu biisajoob tu piich le wilziituunó, ca tu le'enchintajo'ob tac tej caabaloj tac tej caanaloj xéexe'etpajo'ob. ¹³ Baale le xiibo'ob aj baatelo'obo tu'uxtajo'ob tumen Amasías caj súunacóob tu yóotochóob , tial ma' u biino'ob ba'atel,yeetelo; óocob tu caajilo'ob Judá tac Samaria tac Bet Horón.Letiobe báatel najo'ob yéetel 3000 xiiboob tej caajo ca tu bisajo'ob ya'abcach ba'alo'ob. ¹⁴ Le caj suunaj Amasías dzooc u paic u muuk Edome, tu ta'asa u dioso'ob u caajil Seir, ca tu ch'a'aj tial u kuinto'ob. Le tie le ajaw tu chináj u pool tu taano'ob ca tu to'ocaj poomtiób. ¹⁵ Yuuntzilé, p'u'uj yeetel Amasías. Ca tu tuuxtaj jun tuul aj boobat ti le ti, caj áalaj:"¿Baaaxten ta ca'axtaj u llac dioso'ob tu laak caaj ma'axo'ob ma' tu toquico'ob u muuch ca'ajo'ob ta kaab?" ¹⁶ üuch tuune le aj bóobat tu taán yeetel le ti , le ajaw tialaj ti le aj bo'obat:"¿Dzo'oc wa c dzáiquech utial a beeticaba'a u aj tzo'ol xi qyunil le ajaw? ¡Paatiqui! ¿Ba'axten biin quiinsaquech?" Le aj bo'obato ma' tu pe'ecsajubai ca tu ya'alaj:" Tene in woojel baax dzooc u tuucultic Dios u xuul siquech uuchic a beetic le ba'alobáa tumen ma' ta dzooc besaj in tzoolxiquini." ¹⁷ Amasías u ajawil tej Judaó tu dzo'ocbesaj u tzool xiiquin ya'anal ma'aco'ob, tu tu'uxtaj a'albil ti Joás u paal Joacaz u paal Jehú, u ajaw Israel ca tu yaalaj:"Cooten, utial cac baatelna'acon." ¹⁸ Baale Joase u ajawil Israel tu tuuxtaj áalbil ti Amasías u ajawil Judá ca tu ya'alaj ti:"Le muló, tu tu'uxtaj áalbil ti' ku'ulcheil le Líbano:'Dza'a a x chu'upa'al ti in xiibil paal utial u yatanté'; Baalé, j ma'an jun tuul dziidzic ba'alcheé ca tu xanabcha'ataj le j mulo. ¹⁹ Teche ca waalic:'Lie dzo'oc in lo'oxiic Edom.' let óolal cu ca'anal chajal a wich u tiál a caxtic u laak tziiquilo'ab. Ba'ale asab ma'alo'ob ca pa'ataquech ta wotoch ¿baaxten a ka'at a beet u taal loob ta wo'okol yeetel tu yo'okol Judá?" ²⁰ Baale Amasiase ma' tu yu'ubaj ta'ani tumen Diose dzo'oc u tucultic u cubic tu kab Joás, tumen j j bino'ob tu pa'ach u dioso'ob Edom. ²¹ Beey tuune Joás u ajaw Israel, biin yoko'ol; le ti yeetel Amasías u ajawil Judá tu nuupta'antajoob u yiichoob tej Bet Semes, yaan tu luumil Judá. ²² Judaé, j paab u muuk tumes Israelé, caj puudzóob tu yotocho'ob. ²³ Joás u ajawil, tu ma'achaj Amasías u paal Joás u paal Joacaz, u ajaw Judá ti Bet Semes, Le ti tu ta'asaj Jerusalén, caj tu lukesaj u paakbil Jerusalén u jo'ol nail Efraín tac tu jo'ol nail yáan tu ti'itziló. ²⁴ Le tie tu ch'aaj tulacaal le oro yeetel plata, yeetel tulaacal le ba'alo'ob tu kulnaj Yuumtzil yeetel Obed Edom, yeetel le nu'uculo'ob jaach coojoj tu ta'anal le ajaw, caj tu ch'a'aj dze'edzec ma'aco'ob u bise ,jsunaj Samaria. ²⁵ Amasías u paal Joás, u ajaw Judá, cuxlaj 15 jaabó caj dzooc u quiimil Joás ,u paal Joacaz u ajawil Israel. ²⁶ U yaalab u tzicbalil Amasías, chu'unpajic tac u xuul´w, ¿le dziibta'ab tu dziibil ju'unilo'ob u aj wilo'obJudá yeetel Israel? ²⁷ Beelae, ti le kiino'obó tu tzelajubáa Amasías tu beel Yuumtzil, tu ca'ajil Jerusalené, ya'anchaj liik oolal tu yo'okol Amasías, letié j puudzé, caj bin u ta'ac besubáa Laquis, ba'alé j cha'apachta'ab tac tej caajó caj quiimsa'abi. ²⁸ Caj tu taasoob caajten tu yookol tziiminé, caj muuc yeetel u chiibalo'ob tu caajil David.